Ésaïe 7:18 - Mbeti ti Nzapa - Tënë so amu fini

¹⁸ Na lango ni so, fade *KOTA GBIA ayeke huru yanga ti lo ti iri avuma so ayeke yongoro kâ, na ndo so kota *bale ti Ezipte ayeke tuku na ya ti kota ngu-ingo; lo yeke iri nga awotoro so ayeke na sese ti Asirii.

Ésaïe 7:18 ပူးပေါင်းရင်းမြစ်များ

Abia (Psaumes) 105:31

Lo mu yanga si avuma so ayeke kpo zo kpongo na angungu amu ya ti kodro ti ala kue.

Abia (Psaumes) 118:12

Ala yeke tongana awotoro so angoro mbi, me ala mingo tongana wâ ti pere, ngbanga ti so mbi hunzi ala kue na iri ti KOTA GBIA.

Sigingo 8:21

Faraon airi Moïse na Aaron si lo tene na ala: “Ala gue, amu *sandaga na Nzapa ti ala, me gi na ya ti kodro so!”

Sigingo 8:24

Faraon atene: “Fade mbi yeke zia lege na ala titene ala gue na benyama, ala mu sandaga na KOTA GBIA, Nzapa ti ala. Me ala gue yongoro pepe! Ala sambela ndali ti mbi.”

Ésaïe 13:5

Aturugu ni alondo na kodro yongoro si aga, ala londo yongoro kâ na nda ti sese. KOTA GBIA na azo so ayeke fa ngonzo ti lo ayeke ga ti buba kodro ni kue.

Ésaïe 31:1

Mawa na azo so ayeke gue na Ezipte titene a mu maboko na ala! Ala zia be ti ala na ndö ti ambarata, na ndö ti apusu ti mbarata, ngbanga ti so apusu ni ayeke gbani gbani; ala zia be ti ala na ndö ti azo ti kpengo na mbarata, ngbanga ti so ala yeke na ngangu mingi. Me ala yeke baa ndo na mbage ti Nzapa ti Israel pepe, lo so lo yeke nde si lo yeke nzoni kue; ala yeke gi *KOTA GBIA pepe.

Ésaïe 5:26

KOTA GBIA ayo bendere na nduzu ndali ti amara so alango yongoro lo huru yanga ti lo na ala si ala londo na nda ti sese kâ aga. Baa, ala mu loro si ala si hio.

Ésaïe 7:17

Ti mo, na azo ti mo na azo ti sewa ti mo, fade KOTA GBIA ayeke sara titene ambeni lango ti kpale aga na ndö ti ala. Alango ni ayeke duti ande alango so zo ade abaa ni laoko pepe, ti londo na ngoi so Israel na Juda akangbi. Ye so aye ti sara tënë ti gbia ti Asirii.”

Zakarii 10:8

Fade mbi yeke iri azo ti mbi si mbi yeke bongbi ala na ndo oko, ngbanga ti so mbi zi ala awe; ala yeke kiri ti wu mingi tongana ti kozo.

Ndia ti fani use ni 1:44

Azo ti mara ti Amori so ayeke lango na sese ni kâ, aga awara ala, azo ti Israel. Azo ni ahon ndö ti ala na bira na sese ti Seir; tongana ti so awotoro ayeke tumba zo, azo ti Amori atumba ala ngbii asi na Horma.

Ndia ti fani use ni 28:49

KOTA GBIA ayeke tokua na ndö ti ala mbeni mara so alondo na yongoro ndo, na nda ti sese; mbeni mara so ayeke huru ti ti na ndö ti ala tongana *ngoalo, mara so ala ma yanga ti kodro ti lo pepe.

Ndia ti fani use ni 7:20

Fade KOTA GBIA ayeke tokua akota didiri ti kpo amara ni so; ataa azo so angba na fini si ala honde tere ti ala, adidiri ni ayeke kpo ala ngbii ala hunzi kue.

Josué 24:12

Mbi tokua adidiri kozo ti ala si adidiri ni atumba agbia use ti Amori yongoro na tere ti ala, azo ti Israel. Ayongoro zeme ti ala wala akokora ti ala laa atumba agbia ni pepe.