Ésaïe 7:14 - Mbeti ti Nzapa - Tënë so amu fini

¹⁴ Tongaso, fade KOTA GBIA wani ayeke fa na ala mbeni ye: maseka-wali ayeke mu ngo, lo yeke du molenge-koli, lo yeke di iri ti lo Emmanuel.

Ésaïe 7:14 ပူးပေါင်းရင်းမြစ်များ

Tongo nda ti aye 16:11

Baa, mo yeke na ngo; mo yeke du molenge-koli; mo yeke di iri ti lo Ismael, ngbanga ti so KOTA GBIA ama toto ti mo awe

Tongo nda ti aye 29:32

Lea amu ngo, lo du molenge-koli si lo di iri ti lo Ruben, ngbanga ti so lo tene: “KOTA GBIA abaa vundu ti be ti mbi awe. Fadeso koli ti mbi ayeke ye mbi.”

Tongo nda ti aye 3:15

Mbi yeke zia kangbi na popo ti mo na wali, na popo ti *ahale ti mo, na ala ti wali. Fade ahale ti wali ayeke zia ka na li ti mo si mo, mo yeke zia ka na ngbonda ti gere ti ala.”

Tongo nda ti aye 30:6

Rachel atene: “Nzapa afâ ngbanga ti mbi awe! Lo ma mbi si lo mu na mbi molenge-koli.” Ndani laa lo di iri ti molenge ni Dan.

Tongo nda ti aye 30:8

Rachel atene: “Mbi tiri ngangu bira na ita ti mbi ti wali si mbi hon ndö ti lo awe”. Lo di iri ti molenge ni Neftali.

Tongo nda ti aye 4:25

Adam akiri aduti na wali ti lo. Lo du mbeni molenge-koli si lo di iri ti lo Set. Lo tene na be ti lo, lo tene: “Nzapa amu na mbi mbeni molenge na plase ti Abel so Kain afâ lo awe.”

1 Agbia 13:3

Gi na lango ni so, zo ti Nzapa ni afa na Yeroboam ye so fade ayeke si; lo tene: “Fade gbalaka ni ayeke kungbi si mburu ti wâ ti mafuta ti anyama so ayeke na ndö ni ayeke tuku na sese. Ye so laa ayeke fa biani atene, KOTA GBIA laa atene tënë so.”

Abia (Psaumes) 46:8

KOTA GBIA so ayeke na ndö ti dunia kue ayeke na e; Nzapa ti Jacob ayeke tongana ngangu gbagba na tere ti e. Luti kete

Ésaïe 38:7

Ésaïe atene na lo: “Ye so ayeke fa ande na mo atene, KOTA GBIA ayeke sara ye alingbi na tënë so lo tene ayeke so:

Ésaïe 8:10

Ala leke apialo ma, fade ayeke li ngu. Ala tene tënë mingi mingi ma, fade a yeke sara ye oko pepe, ngbanga ti so Nzapa ayeke na e.

Ésaïe 8:8

Ngu ni ayeke sua na ya ti kodro ti Juda, ayeke suku, ayeke mu ya ti kodro ni, ayeke suku ngbii agbu zo na go ti lo. Ngu ni ayeke suku mbage na mbage si ayeke mu ndö ti kodro ti mo kue, Emmanuel.”

Ésaïe 9:6

Fade lengo-gbia ti lo ayeke mu ndo ti gue na ni, lo yeke mu siriri so ayeke hunzi pepe, lo yeke duti na ndö ti mbata ti gbia David si lo yeke le-gbia na kodro ti lo. Lo yeke sara titene kodro-gbia ni akpengba na lege ti sarango ye so ayeke na legeni nga na lege ti sarango ye ti mbirimbiri, ti to nda ni laso ti gue na ni ngbii kpu na kpu. Ye so KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Jérémie 23:6

Na ngoi ti lo, fade a yeke soo kodro-gbia ti Juda, mbeni ye ti sioni ti si na Israel ayeke duti daa pepe. Iri so fade azo ayeke iri na lo laa: ‘KOTA GBIA ayeke mbirimbiri ti e.’

Jérémie 31:22

Molenge-wali ti ngangu li, mo yeke ngba ti duti yamba tongaso ngbii asi lawa? Biani, KOTA GBIA asara mbeni fini ye na ndö ti sese awe: fadeso wali laa ayeke gi lege ti mu koli.

Jérémie 44:29

Baa, tënë so mbi, KOTA GBIA, mbi tene ayeke so: Mbi yeke ga na tere ti ala na Ezipte; mbi yeke fa na ala ye so ala yeke hinga na ni. Tongaso fade ala yeke hinga atene, sioni ye so mbi tene tënë ni ayeke ga taa-tënë ndali ti ala. Ye so ala yeke hinga na ni ayeke so:

Mishe 5:2

Ndani laa, fade Nzapa ayeke zia azo ti lo, ngbii asi na ngoi so wali so alingbi ti du molenge, lo du si. Tongaso, tanga ti a-ita ti molenge ni, ala so angba na fini na peko ti so a gbu ala si a gue na ala na kodro wande, ala yeke kiri na tere ti azo ti Israel.

Matthieu 1:23

“Baa, fade maseka-wali so ade ti hinga koli pepe ayeke mu ngo, lo yeke du molenge-koli; fade a yeke di iri ti lo Emmanuel.” – Nda ti iri so atene: “Nzapa ayeke na e”. –

Nzoni Tënë so Luc asu na mbeti 1:31

Fade mo yeke mu ngo si mo yeke du molenge-koli so mo yeke di iri ti lo Jésus.

Nzoni Tënë so Luc asu na mbeti 1:35

Ange ni akiri tënë na lo, atene: “Fade Yingo-Vuru ayeke ga na ndö ti mo si ngangu ti Nzapa, lo so lo yeke na yayu kâ na ndö ti aye kue ayeke duti na ndö ti mo tongana gbe ti de. Ndani laa molenge so mo yeke du lo ayeke ga zo so ayeke nde si ayeke nzoni kue; azo ayeke iri lo Molenge ti Nzapa.

Nzoni Tënë so Luc asu na mbeti 2:12

Ye so ala yeke hinga lo na ni ayeke so: fade ala yeke wara fini molenge so a du lo, a kanga lo na bongo si a zia lo na ya ti mbeni sanduku so anyama ayeke te ka kobe daa.”

Nzoni Tënë so Luc asu na mbeti 20:44

So David airi lo atene, Kota Gbia so, Mesii ayeke kiri ti ga molenge ti David tongana nyen?”

Jean 1:14

Tënë ni aga zo si lo duti na popo ti e, nzoni be na taa-tënë ti lo ahon ndoni. E baa gonda ti lo, gonda so Babâ amu na oko Molenge ti lo.

Rome 9:5

ala yeke *ahale ti akotara, Christ asigigi na ya ti ala na lege ti dutingo ti lo ti zo, lo yeke Nzapa so ayeke na ndö ti aye kue. Ayeke nzoni azo agonda lo kpu na kpu! Amen.

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

Awafango-ngbanga 6:36

Gédéon atene na Nzapa: “Tongana mo ye ti soo azo ti Israel na lege ti mbi tongana ti so mo tene,

1 Samuel 1:20

Anne amu ngo si lo du molenge-koli, lo di iri ti lo Samuel. Anne atene: “Mbi di iri ti lo Samuel, ngbanga ti so ayeke molenge so mbi hunda na maboko ti KOTA GBIA.”

1 Samuel 4:21

Lo di iri ti molenge ni Ikabod si lo tene: “Gonda ti Nzapa ayeke mbeni pepe na kodro ti Israel.” Lo di iri ti molenge ni Ikabod, ngbanga ti so a mu sanduku ti mbuki ti Nzapa ahon na ni, a fâ kogara ti lo nga na koli ti lo.