Ésaïe 7:1 - Mbeti ti Nzapa - Tënë so amu fini

¹ Na ngoi so Ahaz, molenge ti Yotam, molenge ti Ozias ayeke gbia ti Juda, Resen, gbia ti Sirii na Peka, molenge ti Remalia, gbia ti Israel, alondo ti gue ti tiri bira na azo ti Jérusalem. Me ala wara lege ti mu gbata ni pepe.

Ésaïe 7:1 ပူးပေါင်းရင်းမြစ်များ

2 Agbia 15:25

Peka, molenge ti Remalia ayeke mbeni turugu ti kota kamba ti gbia ni. Peka aleke tënë na hondengo ni na tere ti lo. Lo mu azo ti Galaad baleoku na tere ti lo si lo gue, lo fâ Pekahia; lo fâ nga Argob na Arie na ya ti mbeni kubu ti yangbo ti gbia. Tongana lo fâ Pekahia awe, lo ga gbia na peko ti lo.

2 Agbia 15:27

Na ngu baleoku na use ni so Azaria ayeke gbia ti Juda laa Peka, molenge ti Remalia aga gbia ti Israel na Samarii. Lo le-gbia ngu baleuse.

2 Agbia 15:37

Na ngoi so Yotam ayeke gbia laa KOTA GBIA ato nda ti tokua Resin, gbia ti Sirii na Peka, gbia ti Israel ti tiri bira na Juda.

2 Agbia 16:1

Na ngu baleoko na mbarambara ni so Peka, molenge ti Remalia ayeke gbia laa Ahaz, molenge ti Yotam aga gbia ti Juda.

2 Agbia 16:5

Tongaso Resin, gbia ti Sirii na Peka, molenge ti Remalia, gbia ti Israel aga ti tiri bira na Jérusalem. Ala ngoro Ahaz na bira, me ala lingbi ti hon ndö ti lo pepe.

Ésaïe 1:1

So ayeke tënë ti aye so Ésaïe, molenge ti Amoz abaa na ya ti mbeni ye tongana bango-li: aye ni ayeke na ndö ti kodro ti Juda nga na ndö ti gbata ti Jérusalem. Lo baa ni na ngoi so Ozias, Yotam, Ahaz na Ezekias ayeke agbia ti Juda.

Ésaïe 8:6

“Azo ti Juda ake ngu ti Siloe so ayeke sua yeke-yeke; be ti ala anzere ndali ti gbia Resen na gbia Peka, molenge ti Remalia.

Ésaïe 9:11

Azo ti Sirii na mbage ti To, azo ti Filistii na mbage ti Do. Ala te azo ti Israel tengo. Ataa so kue, ngonzo ti KOTA GBIA akai pepe, maboko ti lo angba gi na nduzu.

Ezekiel 27:16

Mo na azo ti Sirii ayeke de buze ti gba ti akungba ti mo. Ala yeke ga na atêne ti ngangu ngere, apendere bengba bongo, amapia-bongo so a kpo apendere nzoroko na tere ni, bongo ti *len, korayi nga na rubis ti vo na akungba ti mo.

Osée 1:1

Tënë ti *KOTA GBIA asi na Osée, molenge ti Beeri na ngoi so Ozias, Yotam, Ahaz na Ezekias ayeke agbia ti Juda. Gi na oko ngoi so Yeroboam, molenge ti Yoas ayeke gbia ti Israel.

Mishe 1:1

So ayeke tënë ti *KOTA GBIA so asi na Mishe, zo ti kodro ti Moreshet, na ngoi ti agbia Yotam, Ahaz nga na Ezekias, agbia ti Juda. Mishe abaa ye ni na ya ti mbeni ye tongana bango-li na ndö ti agbata ti Samarii na ti Jérusalem.