Ésaïe 66:16 - Mbeti ti Nzapa - Tënë so amu fini

¹⁶ KOTA GBIA ayeke ga ti fâ ngbanga ti azo na lege ti wâ nga na lege ti yongoro zeme. Azo mingi ayeke kui.

Ésaïe 66:16 ပူးပေါင်းရင်းမြစ်များ

Ésaïe 10:4

Mbeni ye ti ala ti sarango ni ayeke daa pepe, gi titene ala ba tere ti ala na popo ti azo ti kanga, wala ala ti na sese na popo ti akuâ. Ataa so kue, ngonzo ti *KOTA GBIA akai pepe, maboko ti lo angba gi na nduzu.

Ésaïe 27:1

Na lango ni so, *KOTA GBIA ayeke mu kota yongoro zeme so yanga ni aza mingi si akpengba ti ga na tere ti Leviatan, ngbo so ayeke kpe kpengo; Leviatan, ngbo so ayeke na mayere mingi. Lo yeke fâ sioni nyama so ayeke na ya ti kota ngu-ingo so.

Ésaïe 3:13

*KOTA GBIA alondo ti fâ ngbanga; lo luti ti fâ ngbanga na li ti amara.

Ésaïe 30:30

KOTA GBIA ayeke sara titene azo ama go ti lo so ayeke toto ngangu, lo yeke sara titene azo abaa maboko ti lo so lo yo na nduzu ti pika na azo. Lo yeke fa sioni ngonzo ti lo na popo ti menga ti wâ so ayeke gbi ye kue, na popo ti kota ngu-Nzapa, nga na popo ti *apembe ti bekpa so atuku.

Ésaïe 31:8

Fade azo ti Asirii ayeke ti na yanga ti yongoro zeme so ayeke ti zo pepe; yongoro zeme so ayeke fâ ala ayeke ti zo pepe. Azo ti Asirii ayeke kpe na le ti yongoro zeme ni, a yeke gbu amaseka ti ala ti koli ti sara akua ti ngbaa.

Ésaïe 34:2

Ngonzo ti *KOTA GBIA ayeke tuku na ndö ti amara kue, sioni ngonzo ti lo ayeke tuku na ndö ti aturugu ti ala kue. Lo zia ala titene a fâ ala, ahunzi ala, lo zia ala titene a fâ ala kue.

Ésaïe 65:12

mbi diko ala titene ala kui kuâ ti yongoro zeme. Ala kue, fade ala yeke kuku na sese si a yeke fâ go ti ala. Biani, mbi iri ndo, ala yeda pepe; mbi tene tënë, ala ma pepe, ala sara ye so ayeke sioni na le ti mbi; ala soro ye so anzere na be ti mbi pepe.

Jérémie 25:31

Totongo ti lo ni asi na nda ti sese kue. KOTA GBIA ayeke na ngbanga na amara nde, lo iri azo kue ti ga na ya ti ngbanga ti lo. Ti azo so ngbanga ati na li ti ala, lo yeke zia ala titene a fâ ala na yongoro zeme; so tënë ti yanga ti KOTA GBIA laa.”

Jérémie 25:33

Na lango ni so, azo so KOTA GBIA afâ ala, kuâ ti ala ayeke lango na sese, ti londo na yanga ti sese asi na mbeni yanga ni; a yeke toto kuâ ti azo ni pepe; a yeke ro akuâ ti ala pepe, a yeke lu ni pepe. Akuâ ni ayeke ga tongana puru na ndö ti sese.

Jérémie 45:5

Ti mo, mo yeke gi lege ti wara akota ye ndali ti mo wani? Mo gi ye oko pepe! Biani, kpale so mbi yeke tokua ni ayeke ti na ndö ti ye so ayeke na fini; so tënë ti yanga ti KOTA GBIA laa. Me ti mo, mbi mu na mo pasa ti soo fini ti mo na ndo so kue mo yeke hon ande daa.’ ”

Jérémie 46:15

Nyen? Kota babâ ti bagara ti mo ati awe! Lo gbu le ni pepe, KOTA GBIA apusu lo awe.

Ezekiel 28:18

Na lege ti dengo buze ti mo so ayeke na legeni pepe, na lege ti asiokpari mingi so mo sara, mo sara si ando so mo zia nde ndali ti anzapa ti mo aga sioni. Ndani laa, mbi yeke sara titene mbeni wâ asigigi na ya ti gbata ti mo ti gbi mo kue. Mbi yeke sara titene mo ga mburu ti wâ na le ti azo so ayeke baa mo.

Ezekiel 38:17

“Tënë so mbi Kota Gbia NZAPA, mbi tene ayeke so: Mbi tene tënë ti mo ando na lege ti azo ti kua ti mbi, awayanga-Nzapa ti Israel. Na ya ti angu mingi, ala tene peko ti tënë ti yanga ti mbi atene, mo laa mbi yeke tokua mo ti gue ti tiri bira na azo ti mbi.

Ezekiel 5:15

Na lege ti ngonzo ti mbi, ngonzo ti mbi ti wâ, mbi yeke fâ ngbanga na li ti mo, mbi yeke suku na mo na ngonzo ti mbi ti wâ. Amara so angoro mo ayeke he mo na ngia si ayeke zonga mo. Na bango mo, mbeto ayeke gbu azo ni si mo yeke ga ye ti gbungo-li na ala. Mbi KOTA GBIA, mbi tene tënë awe.

Joël 3:2

Na ya ti alango ni so, ataa azo ti kua ti koli na ti wali, mbi yeke sara titene Yingo ti mbi aga na ndö ti ala.

Amos 7:4

Ye so Kota Gbia NZAPA akiri afa na mbi si mbi baa ni ayeke so: Kota Gbia NZAPA airi wâ ti fâ ngbanga; wâ ni ahole angu ti gbe ti sese kue si agbi sese ti Israel kue.

Nahum 3:15

Me ala yeke sara gbaa, fade wâ ayeke gbi ala si ala yeke kui kue na ya ti bira. Wâ na bira ayeke hunzi ala tongana ti so agbadola ayeke te ye kue si ahunzi so. Azo ti gbata ni awu ando mingi tongana agbadola; ala wu mingi tongana akinda-gozo.

Nahum 3:3

Azo ti mbarata akpe loro, ala gue na bira, le ti ayongoro zeme aza tongana wâ; alikongo aza zango. Azo akui gbani gbani, akuâ na ndö ti tere, na ndö ti tere, zo alingbi ti diko ni pepe; azo ayeke pika gere ti ala na akuâ ni.

Zakarii 14:5

Fade ala yeke mu lege ti popo-hoto ti mbi ti kpe ti hon, ngbanga ti so popo-hoto ni ague ngbii asi na Asal. Ala yeke kpe tongana ti so akotara ti ala akpe ando na lango so sese ayingi, na ngoi so Ozias ayeke gbia ti sese ti Juda. Na pekoni, fade KOTA GBIA, Nzapa ti mbi ayeke si, lo na *a-ange ti lo kue.