Ésaïe 65:6 - Mbeti ti Nzapa - Tënë so amu fini

⁶ Me mbi su aye so kue na mbeti awe; mbi yeke duti kpoo pepe, ngbii mbi futa ala alingbi na ala, mbi futa ala sioni sioni.

Ésaïe 65:6 ပူးပေါင်းရင်းမြစ်များ

Abia (Psaumes) 107:17

Ambeni aga azo ti buba ndali ti sarango ye ti kirikiri ti ala, ala ga azo ti mawa ndali ti sioni ti ala.

Abia (Psaumes) 109:14

Ayeke nzoni a kiri adabe ti KOTA GBIA na asiokpari ti akotara ti lo, mbeni ye azi sioni ti mama ti lo pepe!

Abia (Psaumes) 50:21

Baa, aye so kue mo sara so laa; mo ye titene mbi kai na ndö ni? Mo baa ti mo, mo tene, mbi yeke tongana mo? Mbi yeke bi tënë na li ti mo, mbi yeke fa asioni ye ni kue polele na le ti mo.

Abia (Psaumes) 50:3

“Ayeke nzoni Nzapa ti e aga! Lo kanga yanga ti lo pepe!” Mbeni wâ so ayeke gbi aye kue ayeke na dawa ti lo, mbeni ngangu pupu angoro tere ti lo kue.

Abia (Psaumes) 56:8

Ndali ti sioni sarango ye tongaso, fade ala yeke sigigi na ya ni senge senge? Nzapa, na lege ti ngonzo ti mo, mo bi azo so na sese maa!

Abia (Psaumes) 79:12

Azo so ayeke nduru na e azonga mo; KOTA GBIA, kiri zonga ni taa na ala wani fani mbarambara!

Sigingo 17:14

KOTA GBIA atene na Moïse: “Su aye so kue na mbeti si aga ye ti dango be ti ala. Tene tënë so na mê ti Josué, mo tene: ‘Fade mbi yeke hunzi azo ti Amalek kue, mbi yeke sara si na ndö ti sese so, azo akiri adabe ti ala na mara ti ala pepe.’ ”

Ésaïe 26:21

Baa, KOTA GBIA alondo na ndo ti lo ti sigigi. Lo yeke hunda na azo ti sese ti fa peko ti asioni ti ala. Sese ayeke fa na gigi mene so atuku, azo so a fâ ala, sese ayeke kiri ti honde kuâ ti ala pepe.

Ésaïe 3:11

Me ti zo ti sioni, so mawa na lo! Fade ye ti lo kue ayeke ga sioni, a yeke sara na lo alingbi na asarango ye ti lo.

Ésaïe 42:14

*KOTA GBIA atene: “Mbi duti kpoo aninga mingi awe, mbi kanga yanga ti mbi, mbi kanga be ti mbi. Me fadeso, mbi yeke ga ti dekongo tongana wali na ndembe ti dungo ni, mbi dema, mbi wu ngangu, mbi wu nzoni pepe.

Ésaïe 59:18

Lo yeke futa zo oko oko alingbi na aye so zo ni asara. Azo so ake lo, ngonzo ti lo alondo na tere ti ala tongana wâ, awato ti lo, lo yeke kiri peko ti sioni na ala, ataa na azo ti azoa.

Ésaïe 66:6

Mbeni wuluwulu alondo na gbata, mbeni go alondo na ya ti kota da ti Nzapa: so go ti KOTA GBIA laa. Lo yeke kiri na awato ti lo peko ti sarango ye ti ala.

Jérémie 16:18

Mbi yeke mu na ala kozoni futa fani use alingbi na sioni nga na siokpari ti ala, ngbanga ti so ala sara si kodro ti mbi aga sioni. Ye so aga ti mbi, ala sara si asi singo na afungo nzapa ti ala so ayeke na fini pepe so; ala sara si ye ti mbi ni asi singo na asioni nzapa ti ala so zo alingbi ti baa na le ti lo fani use pepe so.”

Ezekiel 11:21

Me ti azo so be ti ala angba na vorongo ayanda nga na asioni ye so zo alingbi ti baa na le ti lo fani use pepe so, mbi yeke futa ala alingbi na lege ti sarango ye ti ala.’ So tënë ti yanga ti Kota Gbia NZAPA laa.”

Ezekiel 22:31

Tongaso, mbi tuku ngonzo ti mbi na ndö ti ala; mbi hunzi ala kue na lege ti ngonzo ti mbi ti wâ; mbi sara si sioni sarango ye ti ala akiri na li ti ala. So tënë ti yanga ti Kota Gbia NZAPA laa.”

Ezekiel 9:10

Tongaso mbi nga, fade mbi yeke baa mawa ti ala oko pepe, mbi yeke zia zo oko pepe; mbi yeke futa ala alingbi na lege ti sarango ye ti ala.”

Joël 3:4

lâ ayeke ga vukongo ndo, nze ayeke ga bengba tongana mene. Na pekoni, fade *lango ti KOTA GBIA ayeke si, kota lango, lango so ayeke zia mbeto na be ti zo.”

Malashii 3:16

Tongaso azo so ayeke kpe mbeto ti KOTA GBIA atene tënë na popo ti ala. KOTA GBIA adingi mê ti lo si lo ma tënë so ala yeke tene so. Nilaa na dawa ti lo, a su na ya ti mbeni mbeti iri ti azo so ayeke kpe mbeto ti lo si ala yeke voro lo.

Nzoni Tënë so Luc asu na mbeti 6:38

Ala mu ye na azo si Nzapa amu nga ye na ala. Fade a yeke mu ye ti hakango na ye, a haka ye na ya ni, a pete ndö ni, a yingi ni ngbii asi meke meke si a tuku ni na yanga ti bongo ti ala. Ye so ala yeke mu ti haka na ye na amba ti ala, gi ni laa a yeke mu nga ti haka na ye na ala.”

Ndia ti fani use ni 32:34

Baa, ye so mbi KOTA GBIA, mbi leke na hondengo ni, ye so mbi bata ndali ti ala na ya ti kubu ti batango mosoro ti mbi laa:

Aye so Nzapa afa 20:12

Na pekoni, mbi baa akuâ, akete ni na akota ni, ala yeke luti na dawa ti mbata ti gbia ni. A zi abuku si a zi mbeni buku nde: mbeti so a su iri ti azo so ayeke na taa fini daa. A fâ ngbanga na li ti akuâ alingbi na ye so ala sara tongana ti so a su tënë ni na ya ti abuku ni so.