Ésaïe 65:5 - Mbeti ti Nzapa - Tënë so amu fini

⁵ Ala yeke tene na azo, atene: ‘Ngba yongoro, ga nduru na mbi pepe! Fade ye ti ngangu ayeke wara mo, ngbanga ti so a zia mbi nde awe.’ Tongana mbi baa aye so kue ala yeke sara, wâ ti ngonzo ti mbi ayeke londo si ayeke gbi ndo lakue.

Ésaïe 65:5 ပူးပေါင်းရင်းမြစ်များ

Amato 10:26

Tongana ti so kpingo ye asara pembe ti zo si guru asara le ti zo, zo ti sopo ayeke sara nga tongaso na wa ti lo.

Amato 16:5

Be ti KOTA GBIA ake azo ti baba mingi. Biani, fade peko ni ayeke ngba senge na ala pepe.

Amato 30:12

“Ambeni zo ayeke daa so ayeke baa tere ti ala tongana azo ti vurungo be, ataa so ade a *sukula sioni ti ala pepe.

Matthieu 9:11

So *afarizien abaa ye ni tongaso, ala tene na adisiple ti lo: “Ngbanga ti nyen si zo so ayeke fa ye na ala ayeke te kobe na azo ti rongo nginza ti lapo nga na azo ti siokpari so?”

Nzoni Tënë so Luc asu na mbeti 15:2

*Afarizien na awafango-ndia ayeke kasa lo, atene: “Koli so ayeke yamba azo ti siokpari si lo na ala ayeke te kobe!”

Nzoni Tënë so Luc asu na mbeti 5:30

*Afarizien na awafango-ndia ti ala ayeke kasa tënë ni si ala tene na adisiple ti Jésus, atene: “Ngbanga ti nyen laa ala yeke te, ala yeke nyon na azo ti rongo nginza ti lapo nga na azo ti siokpari so?”

Nzoni Tënë so Luc asu na mbeti 7:39

Farizien so airi Jésus ti te kobe so abaa ye ni si lo tene na be ti lo: “Tongana koli so ayeke fade wayanga-Nzapa biani, ka lo hinga lo tene, wali so ayeke ndu lo so ayeke mbeni wali-ndumba.”

Ndia ti fani use ni 29:20

KOTA GBIA ayeke zia lo yamba na popo ti amara ti Israel kue titene a buba lo biani biani, alingbi na adengo ba ti mbuki so a su tënë ni na ya ti mbeti ti *Ndia so.

Jacques 4:6

Me Nzapa akiri asara na e nzoni be mingi ahon ti so. Biani, Mbeti ti Nzapa atene: “Nzapa ake tënë ti azo ti baba, me lo yeke sara nzoni be na azo so asara tere ti ala kete.”

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”

Jude 1:19

Azo so laa ayeke ga na kangbi na popo ti ala. Atënë ti be ti ala ayeke ti senge zo ti sese, me ala yeke na Yingo ti Nzapa pepe.