Ésaïe 65:22 - Mbeti ti Nzapa - Tënë so amu fini

²² Ala yeke kiri ti sara ada pepe titene ambeni zo nde alango daa. Ala yeke kiri ti lu vinye pepe titene ambeni zo nde ate alengo ni. Biani, azo ti mbi ayeke te gigi, ala yeke ga mbakoro tongana akeke. Azo ti mbi so mbi soro ala ayeke wara ye ti peko ti kua so ala sara.

Ésaïe 65:22 ပူးပေါင်းရင်းမြစ်များ

Tongo nda ti aye 5:27

Ngu ti Metushela kue ayeke ngu ngbangbo gumbaya na baleomene na gumbaya si lo kui.

Tongo nda ti aye 5:5

Ngu ti Adam kue ayeke ngu ngbangbo gumbaya na baleota si lo kui.

Abia (Psaumes) 21:4

Mo ga ti sara tufa na ndö ti lo, mo ga ti mu na lo anzoni ye mingi; mo zia kpoto ti lôro na li ti lo.

Abia (Psaumes) 91:16

Fade mbi yeke sara si gigi ti lo ague, ayo, alingbi na be ti lo; mbi yeke fa na lo so mbi yeke wasongo lo.”

Ésaïe 62:8

KOTA GBIA adeba, atene: “Na lege ti maboko ti mbi ti koli nga na ngangu ti mbi, mbi yeke kiri ti zia lege na awato ti mo pepe titene ala te ale ti *ble ti mo. Vin ti mo so mo baa pasi ndali ni so, fade awande ayeke kiri ti nyon ni pepe.

Ésaïe 62:9

Me azo so ayeke fâ ale ti ble ni, ala yeke te ni si ala he bia ti sepela KOTA GBIA. Azo so ayeke fâ ale ti vinye, ala yeke nyon vin ni na ya ti gbagba ti kota da ti mbi so ayeke nde si ayeke nzoni kue.”

Ésaïe 65:15

Azo so mbi soro ala ayeke mu iri ti ala, azo ti sioni, ti deba azo na ni; ala yeke tene: ‘Alingbi Kota Gbia NZAPA afâ mo tongana zo tongaso!’ Me ti ala, azo ti kua ti mbi, fade a yeke mu mbeni iri nde na ala.

Ésaïe 65:9

Fade mbi yeke mu *ahale na azo ti Jacob, mara ti Juda. Ala yeke mu ahoto ti mbi ti ga ye ti ala; ala so mbi soro ala, ala yeke mu ni titene aga ye ti ala, azo ti kua ti mbi ayeke duti kâ.

Ésaïe 66:22

Biani, legeoko tongana fini yayu na fini sese so mbi sara ayeke ngba ti luti ngangu na dawa ti mbi, fade iri ti *ahale ti ala na ti ala wani ayeke ngba ti luti ngangu na dawa ti mbi; so tënë ti yanga ti KOTA GBIA laa.

Awayango-sandaga 26:16

baa ye so mbi yeke sara ande na ala ayeke so: “Fade mbi yeke tokua na ndö ti ala akota kpale: ala yeke nge ngengo, kobela ti wâ ti tere ayeke sara ala; akobela ni ayeke vuko le ti ala si ayeke woko ala. Ala yeke lu ale ti kobe senge senge, awato ti ala laa ayeke te ni.