Ésaïe 65:21 - Mbeti ti Nzapa - Tënë so amu fini

²¹ Azo ti mbi ayeke sara ada si ala yeke lango daa. Ala yeke lu *vinye si ala yeke te alengo ni.

Ésaïe 65:21 ပူးပေါင်းရင်းမြစ်များ

Abia (Psaumes) 107:37

ala lu akobe na yaka, ala sara yaka ti vinye si ala wara alengo ni.

Ésaïe 30:23

Fade KOTA GBIA ayeke tokua ngu-Nzapa na ndö ti ale ti kobe so mo lu. Kobe so sese ayeke mu na mo ayeke duti gbani gbani si ayeke nzere mingi. Na lango ni so, anyama ti mo ayeke gue ti te pere na ndo so akono.

Ésaïe 32:18

Fade azo ti KOTA GBIA ayeke duti na ndo so siriri ayeke daa, na ya ti ada so zo alingbi ti zia be ti lo na ndö ni, na ndo so ayeke nzoni si ayeke kpoo.

Ésaïe 37:30

“Ti mo Ezekias, ye so ayeke fa na mo ye so ayeke si ande ayeke so: na ngu so, azo ayeke te le ti kobe so asigigi na be ti lo wani. Na ngu ti peko, ala yeke te gi mara ni. Me na ota ngu ni, fade ala yeke lu ale ti kobe, ala yeke fâ ale ti kobe ni, ala yeke lu yaka ti *vinye si ala yeke te alengo ni.

Awayango-sandaga 25:19

Sese ti kodro ni ayeke du ale ti kobe mingi, ala yeke te kobe, ya ti ala asi, mbeni ye ti sioni ti sara ala ayeke daa pepe.

Awayango-sandaga 26:16

baa ye so mbi yeke sara ande na ala ayeke so: “Fade mbi yeke tokua na ndö ti ala akota kpale: ala yeke nge ngengo, kobela ti wâ ti tere ayeke sara ala; akobela ni ayeke vuko le ti ala si ayeke woko ala. Ala yeke lu ale ti kobe senge senge, awato ti ala laa ayeke te ni.

Amos 9:14

Fade mbi yeke sara si gigi ti azo ti Israel, azo ti mbi, akiri aga nzoni, ala yeke kiri ti leke agbata so abuba so, ala yeke lango na ya ti agbata ni, ala yeke fâ ayaka ti vinye, ala yeke nyon vin ni; ala yeke fâ ayaka si ala yeke te akobe ni.