Ésaïe 65:20 - Mbeti ti Nzapa - Tënë so amu fini

²⁰ Fade kete molenge so ayeke sara gi kete lango si lo kui, ayeke duti kâ pepe. Akangba ayeke ga mbakoro kue si ala kui. Zo so awara ngu ngbangbo oko si lo kui, andaa lo ngba maseka mingi. Zo so akui kozo titene lo wara ngu ngbangbo oko, a baa lo tongana zo so a deba lo debango.

Ésaïe 65:20 ပူးပေါင်းရင်းမြစ်များ

Mbeti ti Job 5:26

Mo yeke ngba na ngangu ngbii mo kui na ni; mo yeke ngba na ngangu tongana gba ti *ble so a kanga ni na ngoi ti fango ale ti kobe.

Abia (Psaumes) 34:12

Amolenge ti mbi, ala ga, ala ma mbi si! Fade mbi yeke fa na ala lege ti kpengo mbeto ti KOTA GBIA.

Ésaïe 22:14

Me *KOTA GBIA so ayeke na ndö ti dunia kue atene na mê ti mbi tënë so angba na hondengo, atene: “Mbi deba yanga ti mbi, mbi tene, sioni so ala sara so, a yeke zi tënë ni na li ti ala laoko pepe, ngbii ala kui.” Tënë so Kota Gbia, NZAPA so ayeke na ndö ti dunia kue atene laa.

Ésaïe 3:11

Me ti zo ti sioni, so mawa na lo! Fade ye ti lo kue ayeke ga sioni, a yeke sara na lo alingbi na asarango ye ti lo.

Zakarii 8:4

Tënë so KOTA GBIA so ayeke na ndö ti dunia kue atene ayeke so: Fade ambakoro-koli na ambakoro-wali ayeke kiri ti duti na be ti gbata ti Jérusalem; zo oko oko ayeke gbu keke ti tambula na ni, ngbanga ti so ngu ti ala ahon mingi awe.

Ndia ti fani use ni 4:40

Alingbi ala sara ye alingbi na aye so ndia ti lo afa nga na atënë ti yanga ti lo so mbi yeke fa na ala laso. Tongana ala sara ye alingbi na ni, fade ala na ahale ti ala ayeke baa nzoni; gigi ti ala ayeke yo na ya ti kodro so KOTA GBIA Nzapa ti ala amu na ala kpu na kpu.