Ésaïe 65:14 - Mbeti ti Nzapa - Tënë so amu fini

¹⁴ Azo ti kua ti mbi ayeke dekongo na ngia, be ti ala ayeke nzere; me ti ala, ala yeke dekongo na vundu na be. Biani, ala yeke dema tere, be ti ala ayeke woko kue.

Ésaïe 65:14 ပူးပေါင်းရင်းမြစ်များ

Mbeti ti Job 29:13

Azo so aga nduru ti kui ayeke sara tufa na ndö ti mbi; mbi yeke zia ngia na be ti awali-mua.

Abia (Psaumes) 109:28

Ti azo ni, ala yeke deba mbi, me mo, mo yeke sara tufa na ndö ti mbi. Tongana ala londo ti tiri na mbi, fade kamene ayeke sara ala, me mbi, zo ti kua ti mo, mbi yeke duti na ngia.

Abia (Psaumes) 66:4

Azo ti sese kue ayeke kuku na gbe ti mo, ala yeke he bia na mo, ala yeke he bia ndali ti iri ti mo.” Luti kete

Ésaïe 13:6

Ala dekongo na vundu maa! *Lango ti KOTA GBIA aga nduru awe; lango ni ayeke tongana mbeni kota kpale so ayeke buba ndo kue; kpale ni alondo na lo so ngangu ti lo ahon angangu kue.

Ésaïe 24:14

Tanga ti azo so angba na fini amu go ti ala na nduzu ti he bia, ala yeke fa gonda ti *KOTA GBIA; ala londo na ya ti akodro ti mbage ti Do si ayeke ga, ala yeke dekongo na ngia, ala tene:

Ésaïe 50:11

Me ti ala so kue ayeke tingo wâ, ala so agbu ale ti kokora so wâ ayeke na yanga ni, ala gue na ya ti menga ti wâ ti ala ni nga na popo ti ale ti kokora so ala tingo wâ daa so. Ye so KOTA GBIA aleke ti ku na ala laa; ala yeke kui na ya ti kota pasi.

Ésaïe 51:11

Azo so KOTA GBIA azi ala, fade ala yeke kiri; ala yeke dekongo na ngia si ala yeke linda na ni na *Sion. Ngia so angba lakue lakue ayeke za na ndö ti le ti ala, nzerengo tere so asi singo ayeke duti na ala, pasi na demango tere ayeke kpe ti hon.

Ésaïe 66:14

Tongana ala baa ande ye ni, fade be ti ala ayeke duti na ngia, tere ti ala ayeke kiri ti wara ngangu tongana fini pere na peko ti ngu-Nzapa.” Fade KOTA GBIA ayeke sara ye na ngangu ndali ti azo ti kua ti lo, me lo yeke fa ngonzo ti lo na awato ti lo.

Ésaïe 9:3

Biani, *zuge so lani ane azo ni, keke so a yeke pika na peko ti ala, nduru keke so makonzi ti kua ti ala ayeke pika na ala, mo fâ ya ni tongana ti so mo sara ando na lango so mo kinda azo ti Madian.

Jérémie 31:7

Tënë so KOTA GBIA atene ayeke so: “Ala dekongo na ngia ndali ti Israel, ala pika maboko na li ti makonzi so ayeke na li ti amara! Ala huru yanga ti ala! Ala sepela lo, ala tene: ‘KOTA GBIA, mo soo azo ti mo, soo azo ti Israel so angba na fini!’

Matthieu 13:42

ala yeke bi ande azo ni na ya ti kota wâ; kâ, gi toto na tengo pembe.

Matthieu 22:13

Tongaso gbia ni atene na azo ti kua ni: ‘Ala kanga gere ti lo na maboko ti lo, ala bi lo na gigi na ya ti vukongo ndo; kâ, gi toto na tengo pembe.’ ”

Matthieu 8:12

Me azo so a diko ando ala ndali ti Kodro-gbia ti yayu ni, fade a yeke bi ala na gigi na ya ti vukongo ndo; kâ, gi toto na tengo pembe.”

Nzoni Tënë so Luc asu na mbeti 13:28

Kâ, gi toto na tengo pembe: ala yeke baa Abraham, Isaac na Jacob, na awayanga-Nzapa kue so aduti na *Kodro-gbia ti Nzapa, me ti ala, a bi ala na gigi.

Jacques 5:1

Ala azo ti mosoro, ala ma si! Ala dekongo, ala toto ndali ti pasi so ayeke ga ande na ndö ti ala!

Jacques 5:13

Mbeni zo na popo ti ala ayeke baa pasi? Alingbi lo sambela Nzapa. Mbeni zo ayeke na ngia? Alingbi lo he bia ti gonda Nzapa.