Ésaïe 65:13 - Mbeti ti Nzapa - Tënë so amu fini

¹³ Ndani laa, tënë so mbi, Kota Gbia NZAPA, mbi tene ayeke so: Fade azo ti kua ti mbi ayeke te kobe, me ti ala, ala yeke duti na nzara. Azo ti kua ti mbi ayeke na ngu ti nyongo ni, me ti ala, nzara ti ngu ayeke sara ala. Azo ti kua ti mbi ayeke duti na ngia, me ti ala, kamene ayeke sara ala.

Ésaïe 65:13 ပူးပေါင်းရင်းမြစ်များ

Abia (Psaumes) 34:10

Ala azo so KOTA GBIA azia ala nde ndali ti lo, ala kpe mbeto ti lo! Biani, azo so ayeke kpe mbeto ti lo, ye ayeke tia ala pepe.

Amato 13:25

Zo ti mbirimbiri ayeke te kobe, ya ti lo asi; me zo ti sioni ayeke kui nzara.

Ésaïe 1:19

Tongana ala yeda si ala ma tënë ti mbi, fade ala yeke te anzoni kobe ti kodro ni.

Ésaïe 41:17

Azo ti mawa na awayere ayeke gi ngu, me ala wara ni pepe. Nzara ti ngu ahole menga ti ala. Me mbi *KOTA GBIA, mbi yeke kiri tënë na ala; mbi Nzapa ti Israel, mbi yeke zia ala pepe.

Ésaïe 41:18

Ndö ti ahoto so keke ayeke daa pepe, mbi yeke sara titene *bale asigigi daa; ndo so ayeke na popo-hoto, mbi yeke sara titene ngu asigigi daa. Mbi yeke sara titene holengo sese aga ndo so kota ngu ayeke daa si kuru sese aga li ti ngu.

Ésaïe 42:17

Azo so azia be ti ala na ndö ti ayanda si ala yeke tene na anzapa so a kporo wen si a sara na ni, atene: ‘Ala laa ayeke anzapa ti e’, fade azo ni so ayeke kiri na peko, kamene ayeke hon ndö ti ala.”

Ésaïe 44:11

Azo so kue amu peko ti ayanda ni, fade kamene ayeke gbu le ti ala. Azo ti kode so asara ayanda ni, ala yeke gi asenge zo. Ayeke nzoni ala kue abongbi tere, ala ga aluti: fade mbeto ayeke hon ndö ti ala, kamene ayeke sara ala kue!

Ésaïe 44:9

Azo so ayeke leke ayanda, ala kue ayeke ye oko pepe. Alimo ti anzapa so ala mu nengo na ala so ayeke sara ye oko na ala pepe. Ayanda ni alingbi fade ti baa ye so azo ni ayeke sara, me ala yeke baa ndo pepe, ala hinga ndo pepe, ala yeke zia kamene na le ti azo ni.

Ésaïe 49:10

Nzara ti kobe na nzara ti ngu ayeke kiri ti sara ala pepe; pupu ti wâ ti benyama na sungo ti lâ ayeke zö ala pepe. Biani, mbi yeke baa mawa ti ala si mbi yeke fa lege na ala, mbi yeke gue na ala na ndo so li ti ngu ayeke daa.

Ésaïe 5:13

Ndani laa KOTA GBIA atene: “Fade a yeke gbu azo ti mbi ti gue na ala na kodro wande, ngbanga ti so ala hinga ndo pepe. Akota zo ayeke kui nzara si asenge zo ayeke kui nzara ti ngu.”

Ésaïe 50:11

Me ti ala so kue ayeke tingo wâ, ala so agbu ale ti kokora so wâ ayeke na yanga ni, ala gue na ya ti menga ti wâ ti ala ni nga na popo ti ale ti kokora so ala tingo wâ daa so. Ye so KOTA GBIA aleke ti ku na ala laa; ala yeke kui na ya ti kota pasi.

Ésaïe 61:7

KOTA GBIA atene: “Na plase ti kamene so lani ahon ndö ti ala, fade ala yeke wara sese ti azo ni akono fani use. Na plase ti zongango ndo so azo azonga ala, ala yeke dodo na ngia, ngia ni ayeke ngba lakue lakue.

Ésaïe 62:9

Me azo so ayeke fâ ale ti ble ni, ala yeke te ni si ala he bia ti sepela KOTA GBIA. Azo so ayeke fâ ale ti vinye, ala yeke nyon vin ni na ya ti gbagba ti kota da ti mbi so ayeke nde si ayeke nzoni kue.”

Ésaïe 66:14

Tongana ala baa ande ye ni, fade be ti ala ayeke duti na ngia, tere ti ala ayeke kiri ti wara ngangu tongana fini pere na peko ti ngu-Nzapa.” Fade KOTA GBIA ayeke sara ye na ngangu ndali ti azo ti kua ti lo, me lo yeke fa ngonzo ti lo na awato ti lo.

Ésaïe 66:5

Ala ma tënë ti *KOTA GBIA, ala so tere ti ala ayeke do na mbeto ndali ti tënë ti lo: Ambeni ita ti ala ake ala si atumba ala ndali ti mbi. A-ita ti ala ni ayeke he ala si ayeke tene: “Ayeke nzoni KOTA GBIA afa gonda ti lo si e lingbi ti baa ngia ti ala ni!” Me a-ita ti ala ni laa kamene ayeke gbu ande le ti ala.

Ésaïe 8:21

Fade azo ayeke hon na ya ti kodro ni, na kota pasi na nzara. Ndali ti so nzara ahon ndö ti ala, ala yeke sara ngonzo, ala yeke deba gbia ti ala na Nzapa ti ala. Ala yeke baa ndo na nduzu.

Jérémie 22:22

Azo ti li ti kodro ti mo kue, fade pupu ayeke ya ti mu ala ti hon na ala; a yeke gbu andeko ti mo ti gue na ala na kodro wande. Ndali ti sioni ye so kue mo sara, nengo ti mo ayeke ti na sese si kamene ahon ndö ti mo.

Daniel 12:2

Azo mingi so alango na ndo ti akuâ ayeke zingo: ambeni ayeke zingo ti duti na fini so angba lakue lakue si ambeni ayeke zingo ti wara kamene nga ti baa pasi so ayeke sioni mingi lakue lakue.

Osée 4:10

Ala yeke te kobe, me ya ti ala ayeke si pepe; ala yeke sara aye ti ndumba, me ala yeke du amolenge pepe, ngbanga ti so ala ke ti ne KOTA GBIA.

Malashii 3:18

Fade ala yeke kiri ti hinga kangbi so ayeke na popo ti zo ti mbirimbiri na zo ti sioni; kangbi so ayeke na popo ti zo so ayeke sara kua ti Nzapa na zo so ayeke sara kua ti lo pepe.