Ésaïe 64:9 - Mbeti ti Nzapa - Tënë so amu fini

⁹ Agbata ti mo so ayeke nde si ayeke nzoni kue, zo oko ayeke daa mbeni pepe, *Sion aga benyama, Jérusalem aga ngonda.

Ésaïe 64:9 ပူးပေါင်းရင်းမြစ်များ

2 Agbia 25:9

Lo gbi kota da ti Nzapa, yangbo ti gbia nga na ada ti Jérusalem kue; lo bi wâ na ya ti ada ti akota zo kue.

Abia (Psaumes) 119:94

Mbi yeke zo ti mo, soo mbi, ngbanga ti so mbi gi lege ti andia ti mo.

Abia (Psaumes) 38:1

Bia ti David. Bia ti dango be.

Abia (Psaumes) 6:1

Bia ti David; bia so ayeke ndali ti makonzi-bia. A he ni na kundi ti akamba miombe.

Abia (Psaumes) 79:13

Me ti e so e yeke azo ti mo, e so mo yeke bata e tongana ataba ti mo, fade e yeke mu singila na mo lakue. Fade e yeke he bia ti gonda na mo ngu na ngu.

Ésaïe 43:25

Me mbi, gi mbi oko, mbi wani laa mbi yeke zi siokpari na li ti mo; fade mbi yeke kiri ti dabe ti mbi na sioni ti mo pepe.

Ésaïe 57:17

Ndali ti sioni nzara ti warango ye ti Israel, ngonzo agbu mbi ngangu. Na ya ti ngonzo ti mbi, mbi pika lo, mbi ye ti kiri ti baa lo pepe. Me lo ngba ti sara ngangu li, lo ngba ti sara ye ti be ti lo.

Ésaïe 60:10

Jérusalem, fade awande ayeke kiri ti leke gbagba ti bira ti mo, agbia ti ala ayeke sara kua na mo. Lani ngonzo agbu mbi sioni si mbi pika mo, me fadeso, na lege ti nzoni be ti mbi, mbi yeke baa mawa ti mo.

Ésaïe 63:18

E azo ti mo so e yeke nde si e yeke nzoni kue, e mu sese ni aga ti e aninga pepe. Awato ti e ado na gbe ti gere ti ala da ti mo so ayeke nde si ayeke nzoni kue.

Ésaïe 63:19

Ngbene ye aninga awe, e yeke tongana azo so mo kiri mo le-gbia na ndö ti ala pepe, e yeke tongana azo so iri ti mo ayeke na ndö ti ala mbeni pepe. Tongana mo suru fade le ti nduzu si mo zu, ka ahoto ayingi na dawa ti mo,

Ésaïe 63:8

Lo tene tënë ti azo ti Israel, lo tene: “Biani, ala yeke azo ti mbi; amolenge ti mbi so alingbi ti handa mbi pepe.” Lo laa lo yeke wasongo ala.

Jérémie 10:24

KOTA GBIA, pika mbi, me na legeni; pika mbi na ngonzo pepe, tongaso pepe, fade mo yeke nika mbi.

Jérémie 3:12

Gue mo to mbela na tënë so na mbage ti Banga, mo tene: KOTA GBIA atene: ‘Israel, wali-pupulenge, mo kiri maa! Tongana mo kiri na tere ti mbi, fade mbi yeke be le na mo pepe, ngbanga ti so nzoni be ti mbi angba lakue. Mbi yeke bata mo na be lakue pepe; so tënë ti yanga ti KOTA GBIA laa.

Jérémie 44:21

“Na ya ti agbata ti Juda nga na ndö ti abalabala ti Jérusalem, ala mu ando asandaga so awe, ala na ababâ ti ala, agbia ti ala, akota zo ti ala na azo ti kodro ni kue; so mvene laa? Ala baa ti ala atene, KOTA GBIA ahinga tënë ni pepe? Be ti lo ati daa pepe?

Abia ti demango tere 2:7

Be ti KOTA GBIA akiri aye gbalaka ti asandaga ti lo mbeni pepe; lo ke kota da ti lo awe. Agbagba ti ada ti makonzi ti Sion so, KOTA GBIA azia ni na maboko ti awato awe. Mo ma go ti azo kirikiri na ya ti kota da ti KOTA GBIA, mo baa mo tene lango ti matanga laa.

Abia ti demango tere 5:18

Ndani ayeke so: hoto ti Sion aga ngonda; hoto ni aga ndo ti fonongo ti anyama ti gbungo kondo.

Abia ti demango tere 5:20

Be ti mo angba ti girisa na e ngbii asi lawa so-oo? Ndali ti nyen si mo ngba ti zia ande e tongaso so-oo?

Abia ti demango tere 5:22

Mo zia e biani biani awe? Mo yeke ngba ande ti sara ngonzo na e ahon ndoni tongaso?

Ezekiel 29:16

Fade azo ti Israel ayeke kiri ti zia be ti ala na ndö ti kodro ni pepe ti duti na siriri. Ala yeke kiri ti sara siokpari pepe na lege so ala yeke hunda na azo ti Ezipte ti mu na ala maboko. Tongaso, fade azo ayeke hinga atene, mbi laa mbi yeke KOTA GBIA.”

Awayango-sandaga 26:31

Mbi yeke buba agbata ti ala kue, mbi yeke sara si ando ti vorongo anzapa ti ala aga ngonda; *asandaga ti ala so ala yeke ya na mbi, mbi yeke kiri ti ma fion ni pepe.

Habakuk 3:2

*KOTA GBIA, mbi ma tënë so mo tene awe; mbeto agbu mbi ndali ti ye so mo sara. KOTA GBIA, na ya ti angu so ayeke ga so, sara si aye ni abaa gigi; na ya ti angu so ayeke ga so, sara si azo abaa ni. Me tongana mo sara ngonzo, mo girisa ti baa mawa ti zo pepe.

Malashii 1:4

Tongana azo ti Edom atene: ‘A buba agbata ti e kue awe, me fade e yeke kiri ti leke ni senge.’ ” Tënë so KOTA GBIA so ayeke na ndö ti dunia kue atene ayeke so: “Ala kiri aleke ni ma! Me ti mbi, mbi yeke kungbi ni kue na sese. Fade a yeke iri ala: ‘Sese ti azo ti sarango sioni’, wala ‘Azo so KOTA GBIA asara ngonzo na tere ti ala kpu na kpu’.

2 Pierre 2:17

Awafango-ye ti mvene so ayeke tongana ali ti ngu so ahole, ala yeke tongana ambinda so kota pupu ayeke hon na ni. Nzapa aleke ndo so avuko pitipiti ti ku na ala.

Aye so Nzapa afa 20:10

Zabolo so ahanda azo ni so, a bi lo na le ti kota wâ na *sufre, na ndo so nyama ni ayeke daa, lo na nyama so atene mvene atene, ni yeke wayanga-Nzapa so. Fade ala yeke baa pasi bi na lâ, kpu na kpu.