Ésaïe 64:5 - Mbeti ti Nzapa - Tënë so amu fini

⁵ E kue, e yeke tongana azo so aga *sioni awe, aye ti mbirimbiri so kue e sara ayeke tongana bongo so awali ayeke yu na ndembe so ala yeke baa ya ti ala. E kue, e woko tongana kugbe, sioni ti e ayeke hon na e kirikiri tongana ti so pupu ayeke hon na ye.

Ésaïe 64:5 ပူးပေါင်းရင်းမြစ်များ

Abia (Psaumes) 103:17

Me nzoni be ti KOTA GBIA angba ngbene ye kpu na kpu, lakue lakue ndali ti azo so akpe mbeto ti lo. Lo ngba ti sara ye ti mbirimbiri na amolenge ti amolenge ti ala,

Abia (Psaumes) 112:1

Aleluya! Ti lo nzoni, zo so ayeke kpe mbeto ti KOTA GBIA si atënë ti ndia ti *KOTA GBIA anzere na lo!

Abia (Psaumes) 25:10

Alege ti KOTA GBIA kue afa so lo yeke bata tënë ti yanga ti lo si lo yeke tene taa-tënë na azo so abata atënë ti mbuki ti lo.

Abia (Psaumes) 37:4

Gi lege ti wara ngia ti mo na lege ti KOTA GBIA, fade lo yeke mu na mo ye so be ti mo aye.

Sigingo 20:24

Ala mu sese asara na mbi gbalaka. Na ndö ni, fade ala yeke ya na mbi *asandaga ti ala so a yeke gbi ni kue na wâ, asandaga ti ala ti beoko, ataba ti ala, angasa ti ala nga na abagara ti ala. Na ndo so kue mbi yeke sara titene azo adabe ti ala na iri ti mbi, mbi yeke ga na mbage ti ala si mbi yeke sara tufa na ndö ti ala.

Sigingo 25:22

Na ndo so laa mbi yeke wara tere na mo, na ndö ti ye ti kangango na yanga ti sanduku ni, na popo ti asheruben use so. Na ndo so laa mbi yeke mu yanga na mo ndali ti azo ti Israel.”

Sigingo 30:6

Ala yeke zia gbalaka ni na dawa ti ridoo so ahonde sanduku so a zia na ya ni atêne so a su atënë ti mbuki na le ni; so ti tene ridoo so ayeke na dawa ti ye ti kangango na yanga ti sanduku ni. Na ndo so laa, Moïse, mbi na mo, e yeke wara tere.

Ésaïe 1:30

Fade ala yeke ga tongana akeke so akugbe ni ahole awe; ala yeke ga tongana apendere ndo so ngu ahole daa awe.

Ésaïe 12:1

Na lango ni so, fade mo yeke tene: “*KOTA GBIA, mbi mu na mo singila, ngbanga ti so mo sara lani ngonzo na tere ti mbi, me ngonzo ni ade awe, mo de be ti mbi awe.

Ésaïe 26:13

KOTA GBIA, Nzapa ti e, ambeni makonzi nde so ayeke mo pepe, ala laa asara komandema na ndö ti e. Me gi mo oko laa e yeke di iri ti mo.

Ésaïe 27:8

Ên-en! Me lo fâ ngbanga na li ti ala, lo tumba ala, ala gue na kodro wande. Na lege ti ngangu pupu ti yanga ti lo, na mbeni lango ti pupu ti To, lo tumba ala.

Ésaïe 63:10

Me ala tomboka na tere ti lo, ala sara si yingo ti lo so ayeke nde si ayeke nzoni kue awara vundu. Tongaso lo kiri lo ga wato ti ala si lo wani, lo tiri bira na ala.

Ésaïe 63:7

Fade mbi yeke dabe ti azo na nzoni be ti *KOTA GBIA, mbi yeke fa nda ni so azo alingbi ti sepela lo: anzoni ye so kue lo sara na e, akota nzoni ye so lo sara na azo ti Israel, aye so kue lo sara na lege ti ndoye, na lege ti kota nzoni be ti lo.

Daniel 9:5

E sara siokpari, e sara kirikiri; e sara sioni, e sara ngangu li na mo si e zia lege ti andia ti mo na akpengba tënë ti mo.

Osée 11:8

“Efraim, mbi lingbi ti sara na mo tongana nyen? Israel, mbi lingbi ti ka mo tongana nyen? Mbi lingbi ti sara na mo ye so mbi sara ando na agbata ti Adma na ti Seboim so tongana nyen? Be ti mbi ado si mawa ti mo agbu be ti mbi mingi.

Osée 6:3

Tongaso, e sara ngangu ti hinga KOTA GBIA. Nyen na nyen kue, lo yeke ga tongana lâ so ayeke sigigi ka na ndaperere; fade lo yeke ga na mbage ti e tongana ngu-Nzapa, tongana tanga ti ngu-Nzapa so ayeke tuku na ndö ti sese.”

Zakarii 3:3

Andaa Yeshua ayu bongo ti sarate si lo yeke luti na dawa ti ange ni.

Malashii 3:6

“Mbi *KOTA GBIA, mbi sanze pepe. Me ti ala, ala ngba lakue azo ti mara ti Jacob.

Awatokua 10:35

Zo so kue akpe mbeto ti Nzapa si asara ye ti mbirimbiri, Nzapa aye lo, ataa lo yeke zo ti mara wa.

Ahebro 4:16

Tongaso, e gue nduru na tere ti mbata ti Gbia Nzapa na mbeto pepe, titene lo baa mawa ti e, lo sara nzoni be na e si lo mu na e maboko na ndembe so alingbi.