Ésaïe 63:7 - Mbeti ti Nzapa - Tënë so amu fini

⁷ Fade mbi yeke dabe ti azo na nzoni be ti *KOTA GBIA, mbi yeke fa nda ni so azo alingbi ti sepela lo: anzoni ye so kue lo sara na e, akota nzoni ye so lo sara na azo ti Israel, aye so kue lo sara na lege ti ndoye, na lege ti kota nzoni be ti lo.

Ésaïe 63:7 ပူးပေါင်းရင်းမြစ်များ

1 Agbia 8:66

Na ndade ni, Salomon azia lege na azo ni ti kiri na da ti ala. Ala bara gbia si ala kiri na da ti ala; tere ti ala anzere, be ti ala gi na ngia ndali ti nzoni so KOTA GBIA asara lani na David, zo ti kua ti lo, na azo ti Israel, azo ti lo.

2 Mbai 7:10

Na pekoni, na lango baleuse na ota ti nze mbarambara ni, gbia azia lege na azo ti kiri na da ti ala. Na kiringo ti ala, tere ti ala anzere, be ti ala gi na ngia ndali ti nzoni so KOTA GBIA asara lani na David, na Salomon nga na azo ti Israel, azo ti lo.

Néhémie 9:25

Ala mu agbata so ngangu gbagba ayeke na tere ni, asese so ayeke du akobe mingi, ada so asi singo na mara ti amosoro nde nde, adu ti ngu so a zi ni awe, ayaka ti *vinye na ti olive nga na gba ti akeke so ayeke le mingi. Ndali ti nzoni be ti mo, ala te ye, ya ti ala asi, ala kono, ala duti na ngia.

Néhémie 9:27

Tongaso mo zia ala na maboko ti awato ti ala so asara ngangu na ala. Na ngoi ti ye ti vundu ti ala, ala toto na mo si kâ na yayu, mo ma ala. Na lege ti kota nzoni be ti mo, mo tokua ambeni zo ti zi ala na maboko ti awato ti ala.

Néhémie 9:31

Me na lege ti kota nzoni be ti mo, mo fâ ala kue ti hunzi ala pepe, mo zia ala pepe, ngbanga ti so mo yeke Nzapa so ayeke sara nzoni be na zo si ayeke baa mawa ti zo.

Néhémie 9:35

Na ndembe so ala duti na ya ti kodro-gbia ti ala wani awe, na popo ti gba ti anzoni ye so mo mu na ala, na ya ti kota sese so akobe ayeke du daa mingi so mo zia lani na dawa ti ala, ala zia sioni sarango ye ti ala pepe, ala sara kua ti mo pepe.

Abia (Psaumes) 103:2

Biani, mbi ye ti mu singila na KOTA GBIA! Anzoni ye so lo sara na mbi, mbi ye ti girisa mbeni oko pepe.

Abia (Psaumes) 107:15

Ayeke nzoni ala sepela KOTA GBIA ndali ti nzoni be ti lo! Ala sepela lo ndali ti aye ti kpene so lo yeke sara ndali ti azo!

Abia (Psaumes) 107:21

Ayeke nzoni ala sepela KOTA GBIA ndali ti nzoni be ti lo! Ala sepela lo ndali ti aye ti kpene so lo yeke sara ndali ti azo!

Abia (Psaumes) 107:31

Ayeke nzoni ala sepela KOTA GBIA ndali ti nzoni be ti lo! Ala sepela lo ndali ti aye ti kpene so lo yeke sara ndali ti azo!

Abia (Psaumes) 107:8

Ayeke nzoni ala sepela KOTA GBIA ndali ti nzoni be ti lo! Ala sepela lo ndali ti aye ti kpene so lo yeke sara ndali ti azo!

Abia (Psaumes) 145:7

Fade azo ayeke tene tënë ti dabe ti ala na gba ti anzoni ye so mo sara, ala yeke dekongo na tënë ti mbirimbiri ti mo!

Abia (Psaumes) 25:6

KOTA GBIA, dabe ti mo na nzoni be ti mo, nga na ndoye ti mo so mo to nda ni giriri.

Abia (Psaumes) 51:1

Bia so ayeke ndali ti makonzi-bia; bia ti David.

Abia (Psaumes) 63:3

Na ya ti kota da ti mo so ayeke nde si ayeke nzoni kue, mbi gi ti baa mo na le ti mbi si mbi baa ngangu ti mo nga na gonda ti mo.

Abia (Psaumes) 86:15

Me mo Kota Gbia, mo yeke Nzapa so mo yeke baa mawa ti zo si mo yeke sara nzoni be na zo; mo yeke sara ngonzo hio hio pepe, nzoni be ti mo asi singo si mo yeke bata tënë ti yanga ti mo lakue.

Abia (Psaumes) 86:5

Kota Gbia, mo yeke nzoni, mo yeke zi tënë na li ti zo, mo yeke sara nzoni be mingi na azo so kue ayeke iri mo.

Abia (Psaumes) 92:2

Ayeke nzoni mingi titene azo amu singila na mo *KOTA GBIA, titene ala he bia ti gonda na iri ti mo Nzapa, mo so mo yeke na yayu kâ na ndö ti aye kue!

Sigingo 18:9

Tere ti Zetro anzere ndali ti nzoni ye so kue KOTA GBIA asara na azo ti Israel, so lo zi ala na maboko ti azo ti Ezipte.

Ésaïe 26:13

KOTA GBIA, Nzapa ti e, ambeni makonzi nde so ayeke mo pepe, ala laa asara komandema na ndö ti e. Me gi mo oko laa e yeke di iri ti mo.

Ésaïe 51:2

Ala baa Abraham, babâ ti ala, ala baa Sara so adu ala. Biani, Abraham ayeke lani gi lo oko si mbi iri lo. Mbi sara tufa na ndö ti lo si lo ga kotara ti gba ti azo.”

Ésaïe 54:10

Ataa ahoto ahon na mbeni ndo nde, ataa akete hoto ayingi, fade ndoye ti mbi na mbage ti mo ayeke hunzi laoko pepe, *mbuki ti siriri ti mbi na mo ayeke yingi laoko pepe. Mbi KOTA GBIA so mbi yeke baa mawa ti mo laa mbi tene tënë so na mo.”

Ésaïe 54:7

Gi na ya ti kete ngoi, mbi zia mo lani; me mbi baa mawa ti mo mingi, mbi yeke kiri ti mu mo.

Ésaïe 54:8

Ngonzo asara mbi lani mingi na tere ti mo, na mbeni kete ngoi, mbi ke ti baa mo na le ti mbi. Me na lege ti ndoye so angba lakue lakue, mbi yeke baa mawa ti mo. Mbi KOTA GBIA, mbi so mbi zi mo, mbi laa mbi tene tënë so na mo.”

Ésaïe 55:7

Alingbi zo ti sioni azia lege ti sioni ti lo; zo ti sarango sioni azia asioni tënë ti be ti lo. Ayeke nzoni ala kiri na KOTA GBIA si fade lo baa mawa ti ala. Ayeke nzoni lo kiri na Nzapa ti e si lo zi tënë na li ti ala biani biani.

Ésaïe 64:5

E kue, e yeke tongana azo so aga *sioni awe, aye ti mbirimbiri so kue e sara ayeke tongana bongo so awali ayeke yu na ndembe so ala yeke baa ya ti ala. E kue, e woko tongana kugbe, sioni ti e ayeke hon na e kirikiri tongana ti so pupu ayeke hon na ye.

Abia ti demango tere 3:32

Tongana lo zia vundu na be ti zo, fade lo yeke baa mawa ti zo ni, ngbanga ti so ndoye ti lo ayeke kota.

Osée 2:19

Mbi yeke zi iri ti anzapa *Baal na yanga ti lo si azo ayeke kiri ti dabe ti ala na iri ni so pepe.

Zakarii 9:17

So nzoni dutingo na ala ande! So pendere na ala! Fade ale ti *ble ayeke mu ngangu na amaseka-koli, fini vin ayeke mu ngangu na amaseka-wali.

Matthieu 7:11

Ala so ayeke asioni zo, ala hinga ti mu anzoni ye na amolenge ti ala. Babâ ti ala so ayeke na yayu alingbi biani ti mu anzoni ye na azo so ahunda ni na lo!

Rome 2:4

So Nzapa ayeke sara nzoni be mingi na mo, lo yeke fâ ngbanga na li ti mo hio pepe si lo yeke kanga be ti lo ti ku mo so, so ayeke senge na le ti mo? Lo yeke sara nzoni be na mo titene mo zia ngbene lege ti sarango ye ti mo; mo hinga so pepe?

Rome 5:20

Ndia aga ti sara si sioni awu mingi; me ndo so siokpari awu daa mingi, nzoni be ti Nzapa awu ahon ndoni.

Efeze 2:4

Me Nzapa abaa mawa ti e ahon ndoni, lo ye e mingi.

1 Timothée 1:14

Kota Gbia ti e Christ Jésus asara nzoni be na mbi ahon ndoni: lo mu na mbi mabe na ndoye so aga na lege so mbi ga oko na Jésus Christ.