Ésaïe 63:4 - Mbeti ti Nzapa - Tënë so amu fini

⁴ Mbi leke lani na be ti mbi mbeni lango ti kiri peko ti sioni na ala. Ngu ti zi azo ti mbi alingbi awe.

Ésaïe 63:4 ပူးပေါင်းရင်းမြစ်များ

Abia (Psaumes) 107:2

Ala so KOTA GBIA azi ala, ala so lo zi ala na maboko ti awato, ayeke nzoni ala tene tongaso.

Ésaïe 1:24

Ndani laa, so tënë ti yanga ti Kota Gbia NZAPA laa, lo so lo yeke na ndö ti dunia kue, ngangu Nzapa ti Israel atene: “Mawa na ala, azo so ake mbi! Fade mbi yeke nika ala nikango, mbi yeke kiri peko ti sioni na awato ti mbi.

Ésaïe 1:27

Fade a yeke soo *Sion na lege ti fango ngbanga ti mbirimbiri; azo ti gbata ni so azia ngbene lege ti sarango ye ti ala, a yeke soo ala na lege ti sarango ye na legeni.

Ésaïe 13:6

Ala dekongo na vundu maa! *Lango ti KOTA GBIA aga nduru awe; lango ni ayeke tongana mbeni kota kpale so ayeke buba ndo kue; kpale ni alondo na lo so ngangu ti lo ahon angangu kue.

Ésaïe 13:9

Baa lango ti KOTA GBIA ayeke ga, lango so ayeke baa mawa ti zo pepe, lango ti sioni ngonzo, lango ti ngonzo ti wâ. Lango ni ayeke sara si sese aga ngonda, ayeke fâ azo ti siokpari kue.

Ésaïe 34:8

Ti KOTA GBIA, lango ni so ayeke lango titene lo kiri na peko ti sioni ti azo ti Edom na ala; ngu ni so ayeke ngu titene lo so lo yeke gbu koko ti *Sion, lo kiri na peko ti sioni ti awato ti Sion na ala.

Ésaïe 35:4

Ala tene na azo so be ti ala awoko so, atene: “Ala gbu ngangu, ala sara mbeto pepe! Baa, Nzapa ti ala laa. Lo ga ti kiri peko ti sioni na azo so asara sioni, ti futa awato ti ala ndali ti sioni so awato ni asara na ala. Lo wani, lo ga ti soo ala.”

Ésaïe 35:9

Na lege so, zo ayeke tengbi na bamara pepe, mbeni sioni nyama oko ayeke si kâ pepe, zo ayeke wara sioni nyama oko kâ pepe. Gi azo so KOTA GBIA azi ala laa ayeke mu lege ni so.

Ésaïe 47:3

Fade tere ti mo ayeke ngba senge, azo ayeke baa tere ti mo ti kamene. Sioni so mo sara so, mbi yeke kiri peko ni na mo. Zo oko ti gbanzi mbi ayeke daa pepe.”

Ésaïe 52:3

Biani, tënë so *KOTA GBIA atene ayeke so: “Lani so a ka ala tongana angbaa, a futa mbeni ye pepe; fade a yeke futa nginza nga pepe ti zi ala.”

Ésaïe 61:2

Lo tokua mbi ti tene na azo, atene: so ayeke ngu so KOTA GBIA ayeke sara nzoni be na ala; so ayeke lango so Nzapa ti e ayeke kiri peko ti sioni na awato ti lo. Lo tokua mbi ti de be ti azo so kue ayeke na vundu.

Jérémie 50:15

Mbage na mbage kue, ala dekongo ti bira na li ti lo! Lo yoro maboko ti lo na nduzu ti zia tere ti lo na maboko ti ala! Angangu gbagba ti lo ti lo ti bira ati awe; a kungbi gbagba ti lo awe. KOTA GBIA laa akiri na Babilone peko ti sioni so lo sara. Ala nga, ala kiri na Babilone peko ti sioni so lo sara. Ala sara na lo gi ye so lo sara na amba ti lo so.

Jérémie 51:6

Ala azo, ala sigigi na ya ti Babilone, ala kpe ahon! Ayeke nzoni zo oko oko asoo fini ti lo; tongaso si ala kui ndali ti sioni ti lo pepe. Biani, ndembe titene KOTA GBIA akiri na kodro ni peko ti sioni ti lo alingbi awe. Lo futa kodro ni alingbi na ye so lo sara.

Ezekiel 25:14

Mbi yeke sara titene azo ti Israel, azo ti mbi akiri peko ti sioni na azo ti Edom. Ala yeke sara na azo ti Edom alingbi na ngonzo ti mbi nga na ngonzo ti mbi ti wâ. Tongaso, fade azo ti Edom ayeke hinga lege so mbi yeke kiri peko ti sioni na zo. So tënë ti yanga ti Kota Gbia NZAPA laa.”

Zakarii 3:8

“Yeshua, kota wayango-sandaga, mo ma mbi! Ala awayango-sandaga, ala so ala na lo ayeke sara kua so, ala ma mbi! Biani, ala awayango-sandaga, ala yeke tongana ye so ayeke fa na azo tënë ti mbeni ye so ayeke si ande. Mbi yeke sara si zo ti kua ti mbi aga, lo so iri ti lo ayeke ‘Kete keke so asigigi’.

Nzoni Tënë so Luc asu na mbeti 21:22

Biani, alango ni so ayeke duti alango so Nzapa ayeke kiri na azo peko ti aye ti sioni so kue ala sara si ye so kue Mbeti ti Nzapa atene tënë ni ayeke si alingbi na ni!

Aye so Nzapa afa 11:13

Gi na ndembe ni so sese ayingi ngangu; mbeni mbage oko na popo ti ambage baleoko ti gbata ni ati, azo saki mbarambara akui na ya ti ye ti ngangu so. Kota mbeto agbu tanga ti azo so angba na fini so si ala gonda Nzapa so ayeke na yayu.

Aye so Nzapa afa 18:20

Ala so kue ayeke na yayu, ala duti na ngia ndali ti so Babilone ati awe! Ala azo ti Nzapa, *awatokua ti Nzapa, awayanga-Nzapa, ala duti na ngia ndali ti so Nzapa afâ ngbanga na li ti Babilone ndali ti ye so lo sara na ala!