Ésaïe 63:3 - Mbeti ti Nzapa - Tënë so amu fini

³ “Biani, gi mbi oko laa mbi pete ale ti vinye na ya ti du. Na popo ti amara kue, zo oko ayeke na tere ti mbi pepe. Tongaso, na ya ti ngonzo ti mbi, mbi do ala na gbe ti gere ti mbi, na ya ti sioni ngonzo ti mbi, mbi nika ala. Nilaa mene ti ala ati na tere ti abongo ti mbi si abuba abongo ti mbi ni.

Ésaïe 63:3 ပူးပေါင်းရင်းမြစ်များ

Tongo nda ti aye 49:11

Lo yeke kanga lele ti lo na tere ti keke ti *vinye, lo yeke kanga molenge ti lele ti lo na tere ti pendere keke ti vinye. Lo yeke sukula bongo ti lo na ya ti vin, lo yeke sukula yongoro bongo ti lo na ngu ti ale ti vinye.

2 Agbia 9:33

Yehu atene na ala: “Ala bi lo na sese!” Tongaso ala bi Yezabel na sese. Mene ti lo amu tere ti da nga na tere ti ambarata. Yehu atambula na ndö ti Yezabel na pusu ti lo.

Mbeti ti Job 40:12

Baa azo ti baba kue, mo sara si ala ba bango na sese. Mo nika azo ti sioni biaku.

Abia (Psaumes) 60:12

Gi mo oko Nzapa laa, mo so mo ke e awe so, mo so mo ke ti gue na aturugu ti e na bira so, mo laa mo lingbi fade ti sara ni.

Ésaïe 22:5

Biani, laso Kota Gbia, NZAPA so ayeke na ndö ti dunia kue atokua ye ti ziango kota mbeto na be ti e, lo sara si e ti na gbe ti awato si ye aga kirikiri na e.” Na popo-hoto, ndo so ye asigigi daa na ya ti mbeni ye tongana bango-li, kota gbagba ati na sese awe; dekongo ti azo ague ngbii asi na li ti ahoto.

Ésaïe 25:10

Maboko ti KOTA GBIA ayeke na ndö ti hoto so.” Me a yeke do Moab na gbe ti gere na ndo so lo yeke daa, tongana ti so a yeke do holengo pere na ndo so puru ti bagara ayeke daa.

Ésaïe 28:3

Gbata so ayeke tongana kpoto ti gbia si azo ti Efraim, angbaa ti samba so ayeke pika kate ti ala ndali ni, fade a yeke do ni na gbe ti gere.

Ésaïe 59:17

Lo kanga mbirimbiri na tere ti lo tongana kazaka ti wen, lo mu songo zo na kuâ tongana kpoto ti wen, lo mu kiringo na peko ti sioni na zo tongana bongo so lo yu, lo mu ngangu ti lo ti tiringo na bira tongana kota bongo ti de.

Ésaïe 63:6

Na ya ti ngonzo ti mbi, mbi nika azo; na ya ti sioni ngonzo ti mbi, mbi sara si li ti ala aga kirikiri tongana ti zo so anyon samba ahon ndö ti lo. Mbi tuku mene ti ala na sese.”

Abia ti demango tere 1:15

Kota Gbia atumba ala kue awe, angangu turugu so ayeke na tere ti mbi so; Kota Gbia airi gba ti aturugu ti tiri bira, lo iri ala ti ga ti nika aturugu ti mbi, ala so ade maseka so. Ae azo! Kota Gbia ado mbi na sese awe; mbi, maseka-wali ti mara ti Juda. Lo pete mbi tongana ale ti *vinye so ayeke na ya ti du ti sarango na vin.

Mishe 7:10

Fade wato ti mbi ayeke baa ye ni na le ti lo si kamene ayeke gbu le ti lo; wato ti mbi so ayeke hunda lani mbi, atene: “KOTA GBIA, Nzapa ti mo ni ayeke na ndo wa?” Fade mbi yeke baa lo na le na ndembe so a yeke do lo na gere, tongana ti so a yeke do potopoto na lege.

Zakarii 10:5

Amakonzi ni ayeke duti tongana angangu zo ti bira; ala yeke do azo so ayeke tiri bira na ala tongana ti so zo ayeke do potopoto ti ndö ti lege. Ala yeke tiri bira ni tongaso, ngbanga ti so mbi KOTA GBIA, mbi yeke na ala. Fade kamene ayeke gbu le ti azo ti kpengo na mbarata so ayeke awato ti ala.