Ésaïe 63:18 - Mbeti ti Nzapa - Tënë so amu fini

¹⁸ E azo ti mo so e yeke nde si e yeke nzoni kue, e mu sese ni aga ti e aninga pepe. Awato ti e ado na gbe ti gere ti ala da ti mo so ayeke nde si ayeke nzoni kue.

Ésaïe 63:18 ပူးပေါင်းရင်းမြစ်များ

Aye so Nzapa afa 11:2

Me mo zia ya ti gbagba ni, mo haka ni pepe, ngbanga ti so a zia ni na maboko ti azo ti amara nde si fade ala yeke do na gere na ya ti nze baleosio na use gbata so ayeke nde si ayeke nzoni kue.

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.

Matthieu 24:2

Me Jésus atene na ala: “Ala baa ye so kue so? Mbi tene na ala taa-tënë: fade têne oko ayeke ngba ndo so pepe na ndö ti mba ti lo; ye so kue ayeke tuku na sese.”

Daniel 8:24

Ngangu ti lo ayeke gue ande gi na nduzu, me ngangu ni alondo na lo wani pepe. Lo yeke buba aye sioni; ye so kue lo yeke sara ayeke ga nzoni na lo. Ataa azo ti ngangu na azo so Nzapa asoro ala, lo yeke fâ ala, lo hunzi ala kue.

Abia ti demango tere 4:1

Azo-oo, azo! Pendere ti lôro alondo daa awe; lôro ti nzoni ni akiri aza oko pepe! Atêne so a zia ni nde ndali ti Nzapa atuku kirikiri amu ya ti kodro ni kue!

Abia ti demango tere 1:10

Awato anzi anzoni ye ti Jérusalem kue awe. Azo ti mara nde ali na ya ti kota da ti Nzapa; me azo ti gbata ti Jérusalem abaa ala bango. Andaa KOTA GBIA, mo mu yanga ando, mo tene: “Fade amara nde ayeke li na ya ti bongbi ti azo ti mbi pepe.”

Ésaïe 62:12

Fade a yeke iri ala: “Azo so ayeke nde si ayeke nzoni kue, azo so KOTA GBIA azi ala awe”. Ti mo Jérusalem, azo ayeke kiri ti iri mo pepe, atene: “Gbata so azo ado azia”, me ala yeke iri mo, atene: “Gbata so be ti Nzapa aye”.

Ndia ti fani use ni 26:19

Biani, KOTA GBIA Nzapa ti ala aye ti mu iri ti ala na nduzu, ti ne ala, ti sara titene ala wara gonda ahon tanga ti amara so kue lo sara ala. Lo ye titene ala ga azo ti lo wani so ayeke nde si ayeke nzoni kue, tongana ti so lo tene na ala.

Ndia ti fani use ni 7:6

Biani, ala azo ti Israel, ala yeke azo so a zia ala nde ndali ti KOTA GBIA Nzapa ti ala. Ala yeke azo so lo soro ala na popo ti amara kue ti sese ti ga azo ti lo wani.

Nzoni Tënë so Luc asu na mbeti 21:24

Fade a yeke fâ azo ni na yongoro zeme, a yeke gbu ala ti gue na ala na ya ti akodro kue. Amara kue ayeke buba gbata ti Jérusalem kue ngbii ngoi ti ala ahunzi si.”

Awayango-sandaga 26:31

Mbi yeke buba agbata ti ala kue, mbi yeke sara si ando ti vorongo anzapa ti ala aga ngonda; *asandaga ti ala so ala yeke ya na mbi, mbi yeke kiri ti ma fion ni pepe.

Ésaïe 63:19

Ngbene ye aninga awe, e yeke tongana azo so mo kiri mo le-gbia na ndö ti ala pepe, e yeke tongana azo so iri ti mo ayeke na ndö ti ala mbeni pepe. Tongana mo suru fade le ti nduzu si mo zu, ka ahoto ayingi na dawa ti mo,

Jérémie 12:10

Awabatango-taba mingi abuba yaka ti *vinye ti mbi; ala do na gbe ti gere ti ala yaka ti mbi, ala sara si pendere yaka so aga benyama, aga ngonda.

Daniel 8:13

“Tongaso, mbi ma mbeni ange so ayeke tene tënë. Mbeni ange nde ahunda lo ti kozoni so, atene: ‘Aye so azo abaa na ya ti mbeni ye tongana bango-li so ayeke ninga ngbii asi lawa? A yeke zia lege ti mungo sandaga so a yeke mu na ya ti lango oko oko so ngbii asi lawa? Sioni sarango ye ti bubango ndo so ayeke ninga ngbii asi lawa? A yeke ngba ti do na gere ndo so a zia ni nde ndali ti Nzapa ngbii asi lawa? A yeke ngba ti do na gere aturugu ti yayu ngbii asi lawa?’

Amos 7:9

Ando so *ahale ti Isaac aleke na nduzu ti voro anzapa daa, fade a yeke buba ni kue; ando ti vorongo nzapa ti azo ti Israel, fade a yeke kungbi ni kue na sese, fade mbi yeke londo na bira na tere ti azo ti sewa ti gbia Yeroboam.

Abia (Psaumes) 79:1

Bia ti Asaf. O Nzapa, amara nde amu sese ti mo awe, ala sara si kota da ti mo aga *sioni, kota da ti mo so ayeke nde si ayeke nzoni kue so, ala buba gbata ti Jérusalem kue awe.

Ésaïe 64:9

Agbata ti mo so ayeke nde si ayeke nzoni kue, zo oko ayeke daa mbeni pepe, *Sion aga benyama, Jérusalem aga ngonda.

Ésaïe 64:10

Pendere kota da so ayeke nde si ayeke nzoni kue, ndo so akotara ti e ayeke he ando bia daa ti sepela na mo, wâ agbi ni awe. Aye so kue e ye ni mingi abuba kue.