Ésaïe 63:16 - Mbeti ti Nzapa - Tënë so amu fini

¹⁶ Biani, mo laa mo yeke babâ ti e. Be ti Abraham, kotara ti e agirisa na e awe; Jacob akiri ahinga e pepe; me mo KOTA GBIA, mo yeke Babâ ti e; mo so a yeke di iri ti mo “Wazingo e”, ngbene ye kpu na kpu.

Ésaïe 63:16 ပူးပေါင်းရင်းမြစ်များ

1 Mbai 29:10

David amu singila na *KOTA GBIA na dawa ti bongbi ti azo ni kue, lo tene: “Singila na KOTA GBIA, Nzapa ti kotara ti e Jacob, ngbene ye kpu na kpu, lakue lakue!

Mbeti ti Job 14:21

Tongana azo ane amolenge ti lo, lo yeke hinga ti lo ye oko daa pepe; tongana azo abaa ala tongana mbumbuse ye, lo yeke hinga ni pepe.

Sigingo 4:22

Tongaso, fade mo yeke tene na lo: Tënë so KOTA GBIA atene ayeke so: ‘Israel ayeke kozo molenge ti mbi ti koli.

Zo ti bongbingo azo 9:5

Biani, azo so ade na fini ahinga atene, fade ala yeke kui. Me akuâ ahinga ye oko pepe; ti ala, ala yeke kiri ti wara futa pepe, ngbanga ti so be ti azo agirisa na ala awe.

Ésaïe 1:2

Yayu, mo ma! Sese, mo dingi mê ti mo, mo ma! *KOTA GBIA laa ayeke tene tënë so: “Mbi bata amolenge, ala kono na gbe ti mbi, me ala tomboka na tere ti mbi.

Ésaïe 29:22

Ndani laa, tënë so KOTA GBIA atene na azo ti Jacob, lo so lo soo Abraham ayeke so: “Fadeso, kamene ayeke kiri ti sara azo ti Jacob pepe, kamene ayeke kiri ti gbu le ti ala pepe.

Ésaïe 41:14

“Jacob, sara mbeto pepe, mo so mo yeke tongana ngusu, Israel, mo so mo yeke tongana makongo. Mbi yeke ga ti mu na mo maboko, so tënë ti yanga ti *KOTA GBIA laa. Mbi laa mbi yeke zi mo, mbi Nzapa ti Israel so mbi yeke nde si mbi yeke nzoni kue.

Ésaïe 41:8

“Ti mo Israel, zo ti kua ti mbi, mo Jacob so mbi soro mo, mo yeke *hale ti Abraham, kamarade ti mbi.

Ésaïe 43:14

*KOTA GBIA so azi ala na gbe ti ngbaa, Nzapa ti Israel, lo so lo yeke nde si lo yeke nzoni kue, baa, tënë so lo tene ayeke so: “Ndali ti ala, mbi tokua mbeni zo ti tiri bira na Babilone. Fade mbi yeke kinda ala si ala kue aga tongana azo so ayeke kpe. Tongaso, fade dekongo ti ngia ti azo ti Babilone ayeke ga bia ti demango tere.

Ésaïe 44:6

*KOTA GBIA, Gbia ti Israel, lo so lo yeke zi azo ti lo, lo so lo yeke na ndö ti dunia kue, tënë so lo tene ayeke so: “Mbi yeke kozoni, mbi yeke ndangba ni. Mbeni Nzapa nde ayeke pepe, gi mbi oko.

Ésaïe 45:11

*KOTA GBIA, Nzapa ti Israel, Nzapa so ayeke nde si ayeke nzoni kue, lo so lo sara Israel, tënë so lo tene ayeke so: “Ala laa ayeke hunda mbi tënë na ndö ti kekereke ti amolenge ti mbi? Ala laa ayeke mu yanga na mbi na ndö ti ye so mbi sara?

Ésaïe 51:2

Ala baa Abraham, babâ ti ala, ala baa Sara so adu ala. Biani, Abraham ayeke lani gi lo oko si mbi iri lo. Mbi sara tufa na ndö ti lo si lo ga kotara ti gba ti azo.”

Ésaïe 54:5

Biani, koli ti mo ayeke duti lo so lo sara mo; iri ti lo ayeke ‘KOTA GBIA so ayeke na ndö ti dunia kue’. Lo so lo zi mo ayeke Nzapa ti Israel so ayeke nde si ayeke nzoni kue, lo so azo adi iri ti lo ‘Nzapa ti sese kue’.

Ésaïe 60:16

Fade mo yeke nyon ngu ti me ti bagara ti amara nde, mo yeke te anzoni ye ti agbia ti ala. Tongaso, fade mo yeke hinga, mo tene, mbi KOTA GBIA laa mbi yeke wasongo mo, wazingo mo, ngangu Nzapa ti Jacob.

Ésaïe 63:12

Na mbage ti maboko ti Moïse ti koli, lo yoro maboko ti lo ti ngangu; lo sara si ya ti ngu akangbi na dawa ti ala, lo sara tongaso titene azo agonda iri ti lo lakue lakue.

Ésaïe 64:7

Andaa mo KOTA GBIA laa, mo yeke babâ ti e. E yeke tongana sese ti sarango na ta si mo yeke tongana wasarango-ta; e kue, maboko ti mo laa asara e.

Ésaïe 64:8

KOTA GBIA, sara ngonzo ahon ndoni pepe, dabe ti mo na sioni ti e lakue pepe! E gbu gere ti mo, baa, e kue, e yeke azo ti mo!

Ésaïe 9:6

Fade lengo-gbia ti lo ayeke mu ndo ti gue na ni, lo yeke mu siriri so ayeke hunzi pepe, lo yeke duti na ndö ti mbata ti gbia David si lo yeke le-gbia na kodro ti lo. Lo yeke sara titene kodro-gbia ni akpengba na lege ti sarango ye so ayeke na legeni nga na lege ti sarango ye ti mbirimbiri, ti to nda ni laso ti gue na ni ngbii kpu na kpu. Ye so KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Jérémie 3:19

“Mbi tene na be ti mbi, mbi tene: Ae, mbi ye fade ti zia mo na kota ndo na popo ti amolenge ti mbi! Mbi ye fade ti mu na mo pendere kodro so ayeke pendere mingi ahon akodro ti dunia kue! Mbi ye fade ti mu kodro ni titene aga ye ti mo. Mbi tene nga na be ti mbi, mbi tene: Fade mo yeke di iri ti mbi ‘Babâ’, mo yeke kiri ti zia peko ti mo na mbi pepe.

Jérémie 3:23

Biani, azo ahanda e na li ti akete hoto kâ; gi awusuwusu laa azo ayeke sara na li ti ahoto kâ. Biani, gi na lege ti KOTA GBIA, Nzapa ti e si Israel ayeke soo kuâ.

Jérémie 31:9

Azo ni ayeke kiri na toto na yanga ti ala. So mbi yeke ga na ala, ala yeke dema tere ti ala; mbi yeke gue na ala na ndo so gba ti ngu ayeke sua daa, mbi yeke sara titene ala hon na lege so ayeke mbirimbiri, ndo so ala lingbi pepe ti pika gere ti ala ti ti. Biani, mbi yeke tongana babâ ti Israel, Efraim ayeke kozo molenge ti mbi.”

Malashii 1:6

Tënë so KOTA GBIA so ayeke na ndö ti dunia kue atene na ala, awayango-sandaga ayeke so: “Molenge-koli ayeke ne babâ ti lo, zo ti kua ayeke ne makonzi ti lo. Tongana mbi yeke Babâ ti ala, nengo mbi ni ayeke na ndo wa? Tongana mbi yeke Makonzi ti ala, kpengo mbeto ti mbi ni ayeke na ndo wa? Ti ala awayango-sandaga, ala yeke baa mbi tongana mbumbuse zo. Ala hunda mbi, atene: ‘E baa mo tongana mbumbuse zo tongana nyen?’

Malashii 2:10

E kue, e yeke gi na babâ oko pepe? Gi Nzapa oko laa asara e kue pepe? Ngbanga ti nyen si e yeke ka amba ti e na popo ti e? Ngbanga ti nyen si e yeke buba lege ti *mbuki so Nzapa aleke ni na akotara ti e?

Matthieu 6:9

Lege so alingbi ala sambela na ni ayeke tongaso: ‘Babâ ti e so mo yeke na yayu, ayeke nzoni azo ane iri ti mo so ayeke nde si ayeke nzoni kue;

Jean 8:41

Me ti ala, ala yeke sara ye tongana babâ ti ala.” Ala kiri tënë na lo, atene: “Nzapa oko laa ayeke Babâ ti e. E yeke amolenge so a du e na gigi pepe.”

Ndia ti fani use ni 14:1

Moïse atene: Ala yeke amolenge ti *KOTA GBIA Nzapa ti ala. Tongaso, tongana mbeni zo akui, alingbi ala suru tere ti ala na ka pepe, ala kio kua ti ndö ti le ti ala pepe.

Ndia ti fani use ni 32:6

Ala azo so li ti ala ayeke daa pepe so, ala azo so ndara atia ala so, so lege ti sarango ye na KOTA GBIA laa? Lo laa lo yeke babâ ti ala pepe? Ndali ti lo laa ala baa gigi pepe? Lo laa lo sara ala pepe? Ndali ti lo laa ala kpengba so pepe?