Ésaïe 63:12 - Mbeti ti Nzapa - Tënë so amu fini

¹² Na mbage ti maboko ti Moïse ti koli, lo yoro maboko ti lo ti ngangu; lo sara si ya ti ngu akangbi na dawa ti ala, lo sara tongaso titene azo agonda iri ti lo lakue lakue.

Ésaïe 63:12 ပူးပေါင်းရင်းမြစ်များ

1 Agbia 8:42

– biani, azo ni ayeke ma tënë ti kota iri ti mo, tënë ti ngangu ti maboko ti mo, maboko ti mo so mo yoro – tongana lo ga na mbage ti kota da so ti sambela mo,

Néhémie 9:10

Mo sara aye ti dongo be na aye ti kpene na tere ti Faraon na azo ti kua ti lo, nga na tere ti azo ti kodro ti lo kue, ngbanga ti so mo hinga lege ti sarango ye ti ala so ala sara na baba na tere ti akotara ti e. Mo sara si iri ti mo awu si angba ti wu laso.

Néhémie 9:11

Mo kangbi ya ti kota ngu-ingo na dawa ti azo ti Israel si ala hon na popo ti ngu ni na ndö ti kuru sese. Azo so ayeke tumba lani peko ti azo ti Israel, mo bi azo ni na gbe ti kota ngu so ali, ala li na gbe ti ngu tongana têne.

Abia (Psaumes) 78:13

lo kangbi ya ti kota ngu-ingo, lo sara si ala hon na ya ni; lo sara si ngu ni aluti tongana mbeni kota gbagba.

Abia (Psaumes) 80:1

Bia ti Asaf; bia so ayeke ndali ti makonzi-bia. A he ni na kundi.

Sigingo 15:13

Na lege ti nzoni be ti mo, mo fa lege na azo ti mo so mo zi ala awe. Na lege ti ngangu ti mo, mo gue na ala na ndo ti duti ti mo so ayeke nde si ayeke nzoni kue.

Sigingo 15:16

Mbeto na kota mbeto agbu ala. KOTA GBIA, so ala baa ngangu ti maboko ti mo, mbeto ahon ndö ti ala si tënë ahunzi na yanga ti ala, ngbii azo ti mo ahon na mbage ti ngu ni; azo ti mo so mo vo ala so.

Sigingo 15:6

KOTA GBIA, maboko ti mo ti koli afa kota ngangu ti mo! KOTA GBIA, maboko ti mo ti koli anika awato!

Sigingo 6:6

Ndani laa, fade mo yeke tene na azo ti Israel, mo tene: ‘Mbi laa mbi yeke KOTA GBIA. Mbi yeke zi ala na gbe ti akua ti ngbaa ti Ezipte; mbi yeke zi ala na gbe ti ngbaa so azo ti Ezipte azia ala daa. Mbi yeke yoro maboko ti mbi si mbi yeke fâ ngbanga ti ngangu na ndö ti azo ti Ezipte si mbi yeke zi ala, azo ti Israel.

Ésaïe 11:15

KOTA GBIA ayeke sara si kota ngu-ingo ti Ezipte ahole. Lo yeke yoro maboko ti lo na ndö ti *bale ti Efrate; lo yeke wu kota pupu si ya ti bale ni akangbi maboko ni mbarambara, zo alingbi ti hon daa na gere senge.

Ésaïe 43:16

Ando, *KOTA GBIA asuru lege na ya ti kota ngu-ingo, lo suru lege na popo ti ngu so ayeke sua ngangu ngangu.

Ésaïe 44:27

Mbi mu yanga na ngu so alinda mingi, mbi tene: ‘Hole! Mbi yeke sara si *abale ti mo ahole nga.’

Ésaïe 51:10

Kota ngu-ingo na kota ngu so alinda mingi so, mo ando laa mo sara si ahole pepe? Mo ando laa mo suru lege na ya ti kota ngu-ingo si azo so mo zi ala awe so ahon daa pepe?

Ésaïe 55:13

Keke ti sipre ayeke sigigi na plase ti keke ti ki, mirte ayeke sigigi na plase ti ki. Ye so ayeke si titene azo agonda KOTA GBIA. Ye so ayeke buba laoko pepe, ayeke ngba lakue lakue ti dabe ti ala na ye so mbi sara.

Jérémie 31:32

Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Akotara ti ala abuba tënë ti ya ti mbuki ni, ataa so mbi laa mbi yeke lani wa ti ala; so tënë ti yanga ti KOTA GBIA laa.

Jérémie 32:20

“Ando na Ezipte, mo sara aye ti dongo be na aye ti kpene ngbii asi laso. Mo sara si iri ti mo awu na popo ti azo ti Israel nga na popo ti tanga ti azo kue, tongana ti so a yeke baa ni laso so.

Jérémie 32:21

Na lege ti aye ti dongo be na aye ti kpene, mo sara si Israel, azo ti mo, asigigi na sese ti Ezipte; ala sigigi na lege ti ngangu ti maboko ti mo nga na lege ti maboko ti mo so mo yoro.

Rome 9:17

Na ya ti Mbeti ti Nzapa, Nzapa atene na Faraon: “Taa ye so mbi mu mo ti ga gbia ndali ni ayeke titene mbi fa ngangu ti mbi na lege ti mo si azo agonda iri ti mbi na ndö ti sese kue.”

Josué 3:16

ngu so alondo na mbage ti nduzu ti sua na gbeni akai ti sua, mo baa mo tene, a kanga ni kangango. Ngu ni aluti yongoro kâ na gbata ti Adam so ayeke nduru na gbata ti Sartan. Ngu so ayeke sua ti gue na gbeni na ya ti kota ngu ti Gba-ti-ingo ahon biani biani. Azo ni afâ ngu ti Jourdain na ndo so abaa le na gbata ti Jéricho.