Ésaïe 62:9 - Mbeti ti Nzapa - Tënë so amu fini

⁹ Me azo so ayeke fâ ale ti ble ni, ala yeke te ni si ala he bia ti sepela KOTA GBIA. Azo so ayeke fâ ale ti vinye, ala yeke nyon vin ni na ya ti gbagba ti kota da ti mbi so ayeke nde si ayeke nzoni kue.”

Ésaïe 62:9 ပူးပေါင်းရင်းမြစ်များ

Ésaïe 55:2

Ndani nyen si ala yeke buba nginza ndali ti ye so ayeke kobe pepe so? Ndani nyen si ala yeke baa pasi ndali ti ye so ayeke si ya ti zo pepe so? Ala ma mbi nzoni, fade ala yeke duti na nzoni kobe ti tengo ni, ala yeke te anzerengo kobe.

Ésaïe 65:13

Ndani laa, tënë so mbi, Kota Gbia NZAPA, mbi tene ayeke so: Fade azo ti kua ti mbi ayeke te kobe, me ti ala, ala yeke duti na nzara. Azo ti kua ti mbi ayeke na ngu ti nyongo ni, me ti ala, nzara ti ngu ayeke sara ala. Azo ti kua ti mbi ayeke duti na ngia, me ti ala, kamene ayeke sara ala.

Ésaïe 65:21

Azo ti mbi ayeke sara ada si ala yeke lango daa. Ala yeke lu *vinye si ala yeke te alengo ni.

Ésaïe 65:22

Ala yeke kiri ti sara ada pepe titene ambeni zo nde alango daa. Ala yeke kiri ti lu vinye pepe titene ambeni zo nde ate alengo ni. Biani, azo ti mbi ayeke te gigi, ala yeke ga mbakoro tongana akeke. Azo ti mbi so mbi soro ala ayeke wara ye ti peko ti kua so ala sara.

Jérémie 31:5

Mo yeke kiri ti lu *avinye na ndö ti ahoto ti Samarii; azo so alu ni, fade ala yeke baa nzoni daa.

Ezekiel 40:14

Lo haka nga kota kubu ni; ayo kudee baleomene. Gbagba ti kota da ni angoro kota kubu ni mbage na mbage.

Joël 2:26

Fade ala yeke te kobe, ya ti ala asi, ala yeke sepela KOTA GBIA, Nzapa ti ala, lo so lo sara akota ye ndali ti ala so. Kamene ayeke kiri ti gbu le ti azo ti mbi laoko pepe.

Zakarii 3:7

Tënë so KOTA GBIA so ayeke na ndö ti dunia kue atene ayeke so: “Tongana mo tambula na lege ti mbi si mo sara ye alingbi na andia ti mbi, mo laa, mo yeke ga makonzi ti kota da ti mbi na ti ya ti gbagba ti kota da ni. Mbi yeke zia nga mo na popo ti azo so ayeke sara kua ti mbi ge so.”

Ndia ti fani use ni 12:12

Kâ na ya ti da ti KOTA GBIA Nzapa ti ala, fade be ti ala ayeke si singo na ngia, ala na amolenge ti ala ti koli na ti wali, na azo ti kua ti ala ti koli na ti wali nga na azo ti mara ti Lévi so ayeke duti na ya ti agbata ti ala. Biani, azo ti mara ti Lévi awara sese pepe ti ga ti ala tongana ti so ala, atanga ti azo ti mara ti Israel, awara ni.

Ndia ti fani use ni 12:7

Kâ na ya ti da ti KOTA GBIA Nzapa ti ala laa ala yeke te ande kobe ti amatanga, ala na asewa ti ala; be ti ala ayeke si singo na ngia ndali ti anzoni ye so ala wara na lege ti akua so kue ala sara, ngbanga ti so fade KOTA GBIA Nzapa ti ala ayeke sara tufa na ndö ti ala.

Ndia ti fani use ni 16:11

Ala yeke gue na ndo so KOTA GBIA Nzapa ti ala ayeke soro titene iri ti lo aduti daa. Kâ, ala yeke sara ngia, ala na amolenge ti ala ti koli na ti wali, na azo ti kua ti ala ti koli na ti wali, na azo ti mara ti Lévi so aduti na ya ti gbata ti ala, azo ti Israel, na awande, anyindu nga na awali-mua so ayeke na popo ti ala.

Ndia ti fani use ni 16:14

Ala yeke sara matanga ni na ngia, ala na amolenge ti ala ti koli na ti wali, na azo ti kua ti ala ti koli na ti wali, na azo ti mara ti Lévi so aduti na ya ti agbata ti ala, azo ti Israel, na awande, anyindu nga na awali-mua so ayeke na popo ti ala.