Ésaïe 62:7 - Mbeti ti Nzapa - Tënë so amu fini

⁷ Ala zia nga lo ti wu tere ti lo pepe, ngbii lo kiri lo leke Jérusalem si, ngbii lo sara titene Jérusalem aga ye ti gonda na ndö ti sese kue.”

Ésaïe 62:7 ပူးပေါင်းရင်းမြစ်များ

Abia (Psaumes) 122:6

Azo, ala hunda siriri ndali ti Jérusalem! Ayeke nzoni azo so aye mo aduti nzoni!

Ésaïe 49:16

Baa, mbi kpaka iri ti mo na ya ti maboko ti mbi; agbagba ti bira ti mo ayeke na gbe ti le ti mbi lakue.

Ésaïe 60:18

Fade azo ayeke kiri ti ma tënë ti sarango ngangu na zo na ya ti kodro ti mo pepe; azo ayeke kiri ti ma tënë ti bubango ye wala tënë ti kungbingo da na ya ti sese ti mo pepe. Me fade mo yeke di iri ti gbagba ti mo ti bira “Songo zo na kuâ”, mo yeke di iri ti ayanga ti gbagba ti mo “Sepelango Nzapa”.

Ésaïe 61:11

Tongana ti so sese asara si kobe asigigi, tongana ti so yaka asara si le ti kobe so a lu asigigi, legeoko nga, fade KOTA GBIA Nzapa ayeke sara titene mbirimbiri na sepelango lo asigigi na dawa ti amara kue.

Jérémie 33:9

Tongaso, fade ye ni ayeke sara si be ti mbi anzere, ayeke sara si azo agonda mbi si aga ye ti pendere ti mbi na le ti amara kue ti sese. Tongana amara ni ama tënë ti anzoni ye so kue mbi yeke sara ndali ti gbata ni, fade ala yeke do na mbeto si tere ti ala ayeke do ndali ti gba ti nzoni ye na siriri so mbi yeke mu na gbata ni.”

Matthieu 6:13

Sara si e ti na ya ti ye ti tarango be pepe, me mo zi e na maboko ti Sioni wato. [Mo yeke Gbia, mo yeke na ngangu si gonda ayeke ti mo kpu na kpu! Amen.’]

Aye so Nzapa afa 11:15

Mbarambara *ange ni ahuru tatalita ti lo. Mbi ma akota go so alondo na yayu, atene: “Fadeso lengo-gbia ayeke ti *Kota Gbia ti e, lo na *Mesii ti lo; fade lo yeke le-gbia kpu na kpu!”