Ésaïe 62:6 - Mbeti ti Nzapa - Tënë so amu fini

⁶ Jérusalem, na ndö ti gbagba ti mo ti bira, mbi zia asanziri. Na kota lâ wala na bi, ala lingbi ti duti kpoo pepe. “Ala so ayeke dabe ti KOTA GBIA na Jérusalem, ala wu tere ti ala pepe!

Ésaïe 62:6 ပူးပေါင်းရင်းမြစ်များ

Tongo nda ti aye 32:12

Mbi gbu gere ti mo, zi mbi na maboko ti ita ti mbi Ezau, ngbanga ti so mbeto ti lo asara mbi, mbeto titene lo ga lo fâ mbi, na amama ni legeoko na amolenge ni.

Tongo nda ti aye 32:26

So zo ni abaa so lo lingbi ti hon ndö ti Jacob pepe na ngoi so ala ngba ti tiri, lo pika Jacob na mbage so bio ti ngbonda ti lo na bio ti gere ti lo atengbi tere daa si abio ni azi.

2 Mbai 8:14

Salomon asara ye alingbi na ye so babâ ti lo David amu yanga na lo ti sara: lo zia awayango-sandaga na yanga ti kua ti ala; lo zia nga azo ti mara ti Lévi na yanga ti kua ti ala titene ala yeke he bia ti sepela KOTA GBIA nga ti sara kua na ya ti lango oko oko na tere ti awayango-sandaga. Lo zia azo ti batango ayanga ti gbagba na lege ti bongbi ti ala oko oko titene ala bata ayanga ti gbagba oko oko kue. Yanga so David, zo ti Nzapa amu laa.

Abia (Psaumes) 122:7

Ayeke nzoni siriri aduti na ya ti gbagba ti mo si azo aduti nzoni na ya ti apendere da ti mo!

Abia (Psaumes) 74:18

*KOTA GBIA, dabe ti mo na ye so: wato ayeke zonga mo, azo so ahinga ndo pepe so ayeke buba iri ti mo.

Abia (Psaumes) 74:2

Dabe ti mo na azo ti mo so mo mu ala ti ga ye ti mo ngbene ye giriri; dabe ti mo na azo ti mo so mo zi ala ando na gbe ti ngbaa titene ala ga azo ti mo so; dabe ti mo na hoto ti *Sion so ayeke ndo so mo yeke duti ando daa so.

B. ti abia 3:3

Asanziri so ayeke hon na ya ti gbata awara mbi si mbi hunda ala, mbi tene: “Lo so be ti mbi aye lo so, ala baa lo?”

B. ti abia 5:7

Asanziri so ayeke tambula na ya ti gbata awara mbi, asanziri so ayeke bata ngangu gbagba so; ala pika mbi, ala zia ka na tere ti mbi, ala zi mapia-bongo so ayeke na ndö ti go ti mbi.

Ésaïe 43:26

Dabe ti mbi na sioni so mo baa mbi sara si e kue legeoko, e gue na ngbanga! Mo wani, mo fa oko na oko so tënë ti mo ayeke legeni.

Ésaïe 49:16

Baa, mbi kpaka iri ti mo na ya ti maboko ti mbi; agbagba ti bira ti mo ayeke na gbe ti le ti mbi lakue.

Ésaïe 52:8

Azo so mo zia ala ti sara sanziri so, mo ma go ti ala! Ala kue yanga oko, ala yeke dekongo na ngia, ngbanga ti so ala baa na le ti ala wani *KOTA GBIA so ayeke kiri na *Sion.

Ésaïe 56:10

Asanziri ti Israel kue ayeke awaziba, ala hinga ye oko pepe. Ala yeke ambo so ayeke buburu, ala lingbi ti dekongo pepe. Ala yeke lango na sese, ala yeke baa li ti ala; ala ye gi ti lango.

Ésaïe 62:1

*Sion, ndali ti so mbi ye mo, mbi yeke kanga yanga ti mbi pepe. Jérusalem, ndali ti so mbi ye mo, mbi yeke duti kpoo pepe, ngbii tënë ti zingo mo polele asigigi tongana sungo ti lâ ti ndaperere, tënë ti songo mo na kuâ aza tongana lamba.

Jérémie 14:21

Ndali ti iri ti mo, mbata ti mo ti gbia so ayeke na gonda so, ayeke nzoni mo baa ni tongana buba ye pepe, mo ke ni pepe. Mo dabe ti mo na *mbuki so e na mo, e sara so, mo buba ya ni pepe!

Jérémie 6:17

Mbi zia asanziri na ndö ti ala ti tene na ala ti sara hange; asanziri ni atene: ‘Ala dingi mê ti ala ti ma toto ti didi!’ Me ala kiri tënë: ‘Ngbanga ti e ayeke daa ape!’

Abia ti demango tere 5:1

*KOTA GBIA, aye so kue asi na e so, ayeke nzoni be ti mo agirisa na ni pepe. Zi le ti mo, mo baa zonga so azo ayeke zonga na e so!

Abia ti demango tere 5:20

Be ti mo angba ti girisa na e ngbii asi lawa so-oo? Ndali ti nyen si mo ngba ti zia ande e tongaso so-oo?

Nzoni Tënë so Luc asu na mbeti 18:39

Azo so ayeke tambula na li ni asuku na lo titene lo kanga yanga ti lo; me lo kiri lo dekongo ngangu ahon ti kozoni, lo tene: “Molenge ti David, baa mawa ti mbi!”

Awatokua 10:31

lo tene na mbi: ‘Corneille! Nzapa ama sambela ti mo awe. Anzoni ye so mo sara na azo ti mawa, be ti lo agirisa na ni pepe.

Awatokua 10:4

Le ti Corneille angba gi na ndö ti ange ni; mbeto asara lo si lo tene: “Nyen, *Kota Gbia?” Ange ni akiri tënë na lo: “Asambela ti mo na aye ti nzoni so mo sara na azo ti mawa so, Nzapa aye tënë ni, be ti lo agirisa na ni pepe.

1 Korente 12:28

Tongaso, lege so Nzapa azia azo na ya ti *Eglize laa: kozoni, lo zia *awatokua; use ni, lo zia awayanga-Nzapa; ota ni, lo zia awafango-ye; na pekoni, lo zia azo so lo mu na ala matabisi ti sarango aye ti kpene, ti kaingo kobela, ti mungo maboko na amba ti ala, ti dutingo na li ti amba ti ala, ti tenengo tënë na ayanga nde nde so ala hinga ni pepe.

1 Tesalonike 5:17

ala ngba ti sambela lakue,

Ahebro 13:17

Ala ma yanga ti azo ti li ti Eglize, ala sara ye so azo ni ahunda na ala. Azo ni ayeke baa ndo na ndö ti ala, ngbanga ti so fade Nzapa ayeke hunda ala ndali ni. Tongana ala yeke ma yanga ti azo ti li ti Eglize, fade azo ni ayeke sara kua ti Nzapa na nzerengo be si ala dema tere ti ala pepe. Me tongana azo ni adema tere, fade ala a-ita, ala yeke baa nzoni pepe.

Aye so Nzapa afa 6:10

Azo ni ayeke dekongo ngangu, atene: “Gbia, mo so mo yeke nde si mo yeke nzoni kue, mo yeke tene gi taa-tënë; mo yeke ku ande ngbii asi lawa si mo yeke fâ ngbanga na li ti azo ti ndö ti sese titene mo kiri na ala peko ti mene ti e so ala tuku so?”