Ésaïe 62:10 - Mbeti ti Nzapa - Tënë so amu fini

¹⁰ Azo ti Jérusalem, ala sigigi, ala sigigi hio na ya ti gbata ni! Ala gue, aleke lege na azo so ayeke kiri, ala kanga adu so ayeke na ndö ti alege, ala zi atêne na ndö ti alege ni, ala yo bendere na nduzu ndali ti azo ni.

Ésaïe 62:10 ပူးပေါင်းရင်းမြစ်များ

Abia (Psaumes) 24:7

Ayanga ti da, ala zi tere ti ala kota! Ayanga ti da ti lakue lakue, ala zi tere ti ala! Ala zia lege si Gbia ti gonda ali!

Abia (Psaumes) 68:4

Me azo ti mbirimbiri ayeke sara ngia, ala yeke dodo na ngia na le ti Nzapa, ngia ti ala ni ahon ndoni.

Sigingo 17:15

Moïse aleke mbeni gbalaka si lo di iri ni “KOTA GBIA ayeke bendere ti mbi.”

Ésaïe 11:10

Na lango ni so, lo so ayeke molenge ti Yese ayeke ga bendere ndali ti azo ti sese. Amara nde ayeke gi lo; ndo so lo yeke duti daa, gonda ti Nzapa ayeke mu ni kue.

Ésaïe 11:12

Fade lo yeke yo bendere na nduzu ndali ti azo ti amara nde, lo yeke bongbi azo ti Israel so a gbu ala a gue na ala na kodro wande, lo yeke bongbi na ndo oko azo ti Juda so akangbi na ndangoro osio ti sese kue.

Ésaïe 11:16

Mbeni lege ayeke duti daa ndali ti tanga ti azo ti lo, azo ti lo so angba na fini na sese ti Asirii. Lege ni ayeke duti tongana lege so azo ti Israel amu ni ando na ngoi so ala londo na Ezipte ti sigigi.

Ésaïe 18:3

Ala azo so kue alango na ndö ti dunia, ala so amu ndö ti sese, na ndembe so a yeke yo bendere na nduzu na ndö ti ahoto, ala baa ndo! Na ndembe so a yeke huru didi, ala ma!

Ésaïe 19:23

Na lango ni so, mbeni lege ayeke londo na Ezipte ti si na Asirii. Azo ti Asirii ayeke gue na Ezipte si azo ti Ezipte ayeke gue na Asirii. Ala kue ayeke bongbi ti voro KOTA GBIA.

Ésaïe 26:1

Na lango ni so, na kodro ti Juda, azo ayeke he bia so: “Gbata ti e ayeke ngangu gbata. *KOTA GBIA asara gbagba ti ya ni na gbagba ti use ni na tere ni ti bata na e.

Ésaïe 26:2

Alingbi ala zi ayanga ti gbagba ni si mara so ama yanga ti Nzapa, mara so asara ye alingbi na tënë ti lo, alingbi ti li na ya ti gbata ni.

Ésaïe 35:8

Na ndo so, a yeke suru mbeni lege so a di iri ni “Lege so a zia nde”. Zo ti *sioni oko alingbi ti hon daa pepe, a yeke bata ni ndali ti azo ti KOTA GBIA titene ala tambula daa. Azo ti buba ayeke girisa lege na ndo so pepe.

Ésaïe 35:9

Na lege so, zo ayeke tengbi na bamara pepe, mbeni sioni nyama oko ayeke si kâ pepe, zo ayeke wara sioni nyama oko kâ pepe. Gi azo so KOTA GBIA azi ala laa ayeke mu lege ni so.

Ésaïe 40:3

Mbeni go adekongo, atene: “Na benyama, ala suru lege ndali ti KOTA GBIA; na lando so ngu ayeke daa pepe, ala leke lege mbirimbiri ndali ti Nzapa ti e!

Ésaïe 40:4

Ndo so ayeke na popo-hoto, ayeke nzoni a tuku sese daa asi, a de na sese ahoto na akete hoto! Ayeke nzoni akete hoto aga kpangbara sese, ando so ayeke na nduzu aga popo-hoto.

Ésaïe 48:20

Ala londo na Babilone asigigi! Ala londo hio na popo ti azo ni, ala kpe! Ala dekongo na ngia, ala fa tënë so, ala to mbela na ni ngbii asi na nda ti sese kue, ala tene: “*KOTA GBIA azi Jacob, zo ti kua ti lo awe.”

Ésaïe 49:11

Mbi yeke sara titene ahoto kue aga nzoni lege, mbi yeke kiri ti kanga adu ti alege.

Ésaïe 49:22

Tënë so Kota Gbia NZAPA atene ayeke so: “Baa, mbi yeke sara maboko na amara nde, mbi yeke yo bendere na nduzu na mbage ti azo. Azo ni ayeke yo amolenge ti mo ti koli na ya ti maboko ti ala ti ga na ala, ala yeke yo amolenge ti mo ti wali na ndö ti go ti ala ti ga na ala.

Ésaïe 52:11

Ala so ayeke yo akungba so a zia nde ndali ti kua ti *KOTA GBIA, ala hon, ala hon, ala londo na Babilone, ala hon! Ye so ayeke sioni, ala ndu ni pepe. Ala bata tere ti ala *nzoni na sigingo ti ala.

Ésaïe 57:14

*KOTA GBIA atene: “Ala suru lege, ala sara hio, ala leke lege; ala zi ye so kue ayeke kanga lege na azo ti mbi!”

Ésaïe 60:11

Ayanga ti gbagba ti mo ayeke ngba na zingo ni lakue. Na kota lâ wala na bi, a yeke kanga ni pepe. Tongaso, fade azo ayeke mu amosoro ti amara nde ti ga na ni na ndo ti mo; agbia ti ala ayeke ga molongo na molongo.

Ésaïe 60:18

Fade azo ayeke kiri ti ma tënë ti sarango ngangu na zo na ya ti kodro ti mo pepe; azo ayeke kiri ti ma tënë ti bubango ye wala tënë ti kungbingo da na ya ti sese ti mo pepe. Me fade mo yeke di iri ti gbagba ti mo ti bira “Songo zo na kuâ”, mo yeke di iri ti ayanga ti gbagba ti mo “Sepelango Nzapa”.

Ésaïe 66:19

Fade mbi yeke zia na popo ti ala mbeni ye so afa ngangu ti mbi. Na peko ti ngbanga so mbi fâ, azo so ayeke ngba na fini, mbi yeke tokua ala na mbage ti amara so ayeke na Tarsis, na Pul nga na Lud – azo ni so ahinga ti pika kokora mingi – Mbi yeke tokua ala na ndo ti azo ti Tubal na ti Yavan, nga na ndo ti azo ti azoa so ayeke yongoro kâ, ndo so azo ade ti ma tënë ti mbi daa laoko pepe, ndo so azo ade ti baa gonda ti mbi daa laoko pepe. Fade awatokua ni ayeke fa gonda ti mbi na amara ni.

Jérémie 18:15

Me be ti azo ti mbi agirisa na mbi awe! Ala zö dukani na anzapa so ayeke taa Nzapa pepe. Na ndö ti alege so ala yeke hon daa, anzapa ni asara si ala ti. Lege so ando ala mu ni, anzapa ni ague na ala na mbeni lege nde; ambeni lege so azo ade asuru ni pepe.

Jérémie 4:6

Ala yo na nduzu mbeni bendere; ala yo ni na mbage ti *Sion. Ala kpe ahonde tere ti ala! Ala luti na lege pepe! Mbi yeke sara si ye ti mawa na kota kpale so ayeke buba ndo alondo na mbage ti Banga ti ga.

Ezekiel 26:2

“*Molenge ti zo, ndali ti so azo ti gbata ti Tir ahe Jérusalem, atene: ‘Huuu! Huuu, ti lo ahunzi awe, gbata so lani azo kue ayeke hon daa so! Fadeso, ngoi ti e alingbi awe titene e wara gba ti mosoro, ngbanga ti so lo ti biani awe!’

Matthieu 22:9

Fadeso, ala gue na ndö ti akota lege, ala tisa azo so kue ala yeke wara ala ti ga na matanga ni.’

Ahebro 12:13

Ala suru lege so ayeke mbirimbiri titene ala hon daa, tongaso si zo so gere ti lo abuba, abuba biani pepe, me tere ti lo aga nzoni.