Ésaïe 62:1 - Mbeti ti Nzapa - Tënë so amu fini

¹ *Sion, ndali ti so mbi ye mo, mbi yeke kanga yanga ti mbi pepe. Jérusalem, ndali ti so mbi ye mo, mbi yeke duti kpoo pepe, ngbii tënë ti zingo mo polele asigigi tongana sungo ti lâ ti ndaperere, tënë ti songo mo na kuâ aza tongana lamba.

Ésaïe 62:1 ပူးပေါင်းရင်းမြစ်များ

Abia (Psaumes) 137:6

Tongana mbi dabe ti mbi na mo pepe, tongana mbi ye aye so kue anzere na mbi ahon Jérusalem, ayeke nzoni menga ti mbi ahole holengo na yanga ti mbi.

Abia (Psaumes) 51:18

Mo ye *sandaga pepe. Tongana mo ye fade sandaga ti anyama so a gbi ni kue na wâ, ka mbi mu ni na mo awe; me so laa anzere na be ti mo pepe.

Amato 4:18

Lege ti dutingo ti azo ti mbirimbiri ayeke tongana lumiere ti ndaperere, lo yeke su ngbii lo su ngangu ngangu na bekombite.

Ésaïe 26:2

Alingbi ala zi ayanga ti gbagba ni si mara so ama yanga ti Nzapa, mara so asara ye alingbi na tënë ti lo, alingbi ti li na ya ti gbata ni.

Ésaïe 46:13

Mbi yeke sara titene mbirimbiri ti mbi aga; akiri angba yongoro pepe. Tënë ti songo zo na kuâ aga nduru awe. Mbi yeke ga na tënë ti songo zo na *Sion. Biani, mbi yeke ga na ye so ayeke pendere mingi na Israel.

Ésaïe 48:18

Yanga so mbi mu lani, tongana mo ma fade ni, ka siriri ti mo ayeke ga tongana *bale, ka mbirimbiri ti mo ayeke ga tongana *amapo ti kota ngu-ingo!

Ésaïe 51:9

Zingo, zingo hio si! Maboko ti *KOTA GBIA, mo fa ngangu ti mo! Zingo tongana ti so mo sara ando, tongana ti so mo sara na ngoi ti azo ti giriri. Mo laa mo fâ ando Rahab pepe? Mo laa mo kpo ando kota sioni nyama so akpa ngunde so pepe?

Ésaïe 52:10

Na le ti amara nde kue, KOTA GBIA amu lege na maboko ti lo ti sara kua ti lo so ayeke nde si ayeke nzoni kue. Fade azo ti nda ti sese kue ayeke baa lege so Nzapa ti e ayeke soo e na kuâ.

Ésaïe 54:14

Sarango ye ti mbirimbiri ayeke sara si mo luti ngangu. Zo oko ti kiri ti sara ngangu na mo ayeke daa pepe, mbeto ayeke kiri ti sara mo pepe, zo oko ti kiri ti zia mbeto na be ti mo ayeke daa pepe. Mbeni ye ti zia kota mbeto na be ti mo ayeke si nduru na mo pepe.

Ésaïe 58:8

Tongaso, fade lumiere ti mo ayeke za tongana lâ ti ndaperere, ka ti mo ayeke mu hio. Mbirimbiri ti mo ayeke tambula na dawa ti mo, gonda ti KOTA GBIA ayeke tambula na peko ti mo.

Ésaïe 60:1

Jérusalem, londo! Mo za tongana lumiere, ngbanga ti so lumiere ti mo ayeke ga, gonda ti *KOTA GBIA ayeke za na ndö ti mo.

Ésaïe 60:2

Baa, vukongo ndo amu ndö ti sese, vukongo ndo so avuko pitipiti akanga ndö ti azo. Me ti mo, KOTA GBIA ayeke londo si gonda ti lo ayeke su na ndö ti mo.

Jérémie 33:9

Tongaso, fade ye ni ayeke sara si be ti mbi anzere, ayeke sara si azo agonda mbi si aga ye ti pendere ti mbi na le ti amara kue ti sese. Tongana amara ni ama tënë ti anzoni ye so kue mbi yeke sara ndali ti gbata ni, fade ala yeke do na mbeto si tere ti ala ayeke do ndali ti gba ti nzoni ye na siriri so mbi yeke mu na gbata ni.”

Mishe 4:2

Fade amara nde gbani gbani ayeke gue kâ si ala yeke tene: ‘Ala ga, e gue na li ti hoto ti KOTA GBIA, na kota da ti Nzapa ti Jacob. Lo yeke fa na e lege so lo ye titene e mu, e yeke tambula na alege ti lo.’ Biani, ndia ti KOTA GBIA alondo na *Sion, tënë ti lo alondo na Jérusalem.

Zakarii 2:12

KOTA GBIA so ayeke na ndö ti dunia kue - lo so lo tokua mbi na amara so anzi aye ti ala kue, azo ti Sion, tënë so lo tene ayeke so: “Zo so andu ala, andaa lo ndu mboma ti le ti mbi awe.

Matthieu 5:16

Legeoko nga, alingbi lumiere ti ala aza na dawa ti azo kue. Tongaso, fade azo ni ayeke baa anzoni sarango ye ti ala si ala yeke gonda Babâ ti ala, azo ti mbi, so ayeke na yayu.

Nzoni Tënë so Luc asu na mbeti 10:2

Lo tene na ala: “Kobe ti yaka ni ayeke mingi, me azo ti kua ni ayeke mingi pepe. Ayeke nzoni ala hunda na wa ti yaka ni ti tokua azo ti kua ti fâ ale ti kobe ti yaka ti lo.

2 Tesalonike 3:1

Ti hunzi na ni, a-ita, ala sambela ndali ti e si tënë ti *Kota Gbia angba ti hon na ndo kue si azo agonda tënë ni tongana ti so azo ayeke gonda ni na ndo ti ala, a-ita.

Ahebro 7:25

Ndani laa, azo so ayeke ga nduru na Nzapa na lege ti lo, lo yeke na ngangu ti soo ala biani biani, ngbanga ti so lo yeke ngba na fini lakue lakue ti sambela ndali ti ala.

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.