Ésaïe 61:9 - Mbeti ti Nzapa - Tënë so amu fini

⁹ Na popo ti amara nde, azo ayeke hinga *ahale ti ala. Na ndo kue, azo ayeke hinga amolenge ti amolenge ti ala. Azo so kue ayeke baa ala, ayeke hinga ala na lege ti ye so: ala yeke amara so KOTA GBIA asara tufa na ndö ti ala.

Ésaïe 61:9 ပူးပေါင်းရင်းမြစ်များ

Tongo nda ti aye 22:18

A yeke sara tufa na ndö ti azo ti amara ti ndö ti sese kue na lege ti ahale ti mo, ngbanga ti so mo ma yanga ti mbi.”

Tongo nda ti aye 30:27

Laban akiri tënë na lo, atene: “Mbi gbu gere ti mo, mo baa mbi na nzoni le. Zeke ti mbi afa na mbi so KOTA GBIA asara tufa na ndö ti mbi ndali ti mo.

Abia (Psaumes) 115:14

Ayeke nzoni KOTA GBIA asara si ala wu mingi, ala na amolenge ti ala kue!

Ésaïe 43:5

Mo sara mbeto pepe, ngbanga ti so mbi yeke na mo. Kâ na mbage ti To, mbi yeke sara titene *ahale ti mo akiri; kâ na mbage ti Do, mbi yeke bongbi azo ti mo na ndo oko.

Ésaïe 44:3

Biani, fade mbi yeke tuku ngu na ndö ti sese so ayeke na nzara ti ngu, mbi yeke sara titene akete ngu asua na ndö ti holengo sese. Mbi yeke tokua yingo ti mbi na ndö ti amolenge ti mo si mbi yeke sara tufa na ndö ti *ahale ti mo.

Ésaïe 53:10

Me KOTA GBIA ayeda ti nika lo na lege ti pasi. Zo so lani amu fini ti lo na *sandaga ndali ti azo, KOTA GBIA akiri na lo na kozo ndo ti lo. Fade zo ti kua ti lo ayeke baa *ahale ti lo si lo yeke kiri ti te gigi aninga. Na lege ti lo, KOTA GBIA ayeke sara ye so be ti lo aye.

Ésaïe 65:23

Ala yeke kiri ti baa pasi senge senge pepe, ala yeke kiri ti du amolenge pepe titene amolenge ni akui kuingo. Biani, ala yeke asewa so KOTA GBIA asara tufa na ndö ti ala, ala na amolenge ti ala.

Ésaïe 66:22

Biani, legeoko tongana fini yayu na fini sese so mbi sara ayeke ngba ti luti ngangu na dawa ti mbi, fade iri ti *ahale ti ala na ti ala wani ayeke ngba ti luti ngangu na dawa ti mbi; so tënë ti yanga ti KOTA GBIA laa.

Jérémie 31:7

Tënë so KOTA GBIA atene ayeke so: “Ala dekongo na ngia ndali ti Israel, ala pika maboko na li ti makonzi so ayeke na li ti amara! Ala huru yanga ti ala! Ala sepela lo, ala tene: ‘KOTA GBIA, mo soo azo ti mo, soo azo ti Israel so angba na fini!’

Zakarii 8:13

Ala, akodro-gbia ti Juda na ti Israel, na popo ti amara kue, ala yeke lani tapande ti mbeni mara so a deba lo. Me fadeso, mbi soo ala, ala yeke ga tapande ti mbeni mara so a sara tufa na ndö ti lo. Ala sara mbeto pepe, ala gbu ngangu!”

Malashii 3:12

Fade amara kue ayeke tene na ala: Ti ala nzoni, ngbanga ti so kodro ti ala ayeke ga kodro so aye ti nzoni mingi ayeke daa. Tënë so KOTA GBIA so ayeke na ndö ti dunia kue atene laa.”

Wungo ti azo 22:12

Me Nzapa atene na Balaam: “Mo na ala ague pepe! Fade mo yeke deba azo ti mara so pepe, ngbanga ti so mbi sara tufa ma ndö ti ala awe.”

Awatokua 3:26

Ndali ti ala, azo ti Israel, Nzapa asoro zo ti kua ti lo si lo tokua lo kozoni ti sara tufa na ndö ti ala tongana ala oko oko azia ngbene lege ti sarango ye ti ala.”