Ésaïe 61:8 - Mbeti ti Nzapa - Tënë so amu fini

⁸ Biani, mbi KOTA GBIA, mbi ye titene azo asara ye na lege ti ndia, me mbi ke titene a nzi ye ti zo na lege ti fango lo. Fade mbi yeke futa ala alingbi na ye so ala sara; mbi na ala e yeke sara *mbuki so angba lakue lakue.”

Ésaïe 61:8 ပူးပေါင်းရင်းမြစ်များ

Tongo nda ti aye 17:7

Mbi yeke sara titene mbuki so ayeke na popo ti mbi na mo so angba ngbii asi na amolenge ti mo nga na ahale ti mo, na lege ti molongo ti dungo ti ala oko oko. Mbuki ni ayeke ngba kpu na kpu si na lege ni, mbi yeke duti Nzapa ti mo nga na Nzapa ti ahale ti mo so ayeke ga na peko ti mo.

2 Samuel 23:5

Sewa ti mbi ayeke tongaso na le ti Nzapa pepe? Ndali ti so mbi na lo, e sara *mbuki ti lakue lakue, a leke andia ti mbuki ni kue awe. Asongo benda nga na aye ti nzoni kue ti mbi, lo lingbi ti sara si amai maingo pepe?

Abia (Psaumes) 105:10

Lo sara si mbuki ni aga tongana mbela ndali ti Jacob, tongana mbuki so angba lakue lakue ndali ti Israel,

Abia (Psaumes) 11:7

Biani, KOTA GBIA ayeke mbirimbiri, sarango ye ti mbirimbiri laa anzere na lo; azo so sarango ye ti ala ayeke na legeni laa ayeke baa ande le ti lo.

Abia (Psaumes) 32:8

KOTA GBIA atene na mbi: “Fade mbi yeke fa ye na mo, mbi yeke fa na mo lege ti tambula daa, mbi yeke mu na mo wango si mbi yeke baa ndo na ndö ti mo.

Abia (Psaumes) 33:5

KOTA GBIA aye ye so ayeke mbirimbiri na ye so ayeke na legeni; sese kue asi singo na nzoni be ti lo.

Abia (Psaumes) 37:28

Biani, KOTA GBIA aye sarango ye ti mbirimbiri, lo yeke zia azo ti lo pepe. Lo yeke bata ala lakue; me ti ahale ti azo ti sioni, lo yeke bi ala na gigi.

Abia (Psaumes) 45:7

Gbia, mbata ti mo ti gbia ayeke tongana ti Nzapa, ayeke ngba lakue lakue. Na ya ti kodro-gbia ti mo, mo yeke sara komandema na legeni.

Abia (Psaumes) 50:5

Lo tene: “Ala bongbi azo ti mbi, azo ti mbi so mbi na ala e ga ambuki na lege ti *sandaga.”

Abia (Psaumes) 62:10

Biani, akete zo ayeke gi pupu senge; akota zo ayeke tene gi mvene senge. Tongana a zia ala kue na ndö ti kilo, fade nengo ti pupu ayeke hon nengo ti ala.

Abia (Psaumes) 99:4

Ayeke nzoni azo agonda ngangu ti mo gbia, mo so mo ye fango ngbanga na legeni. Mo laa mo zia na sese atënë ti ndia. Mo laa mo zia na azo ti Israel tënë ti fango ngbanga na legeni na sarango ye ti mbirimbiri.

Amato 3:6

Na ya ti sarango ye ti mo kue, mo dabe ti mo na lo; lo laa lo yeke leke lege so fade mo yeke tambula daa.

Amato 8:20

Mbi yeke tambula na ndö ti lege ti mbirimbiri, na ndö ti lege so alingbi na ndia.

Ésaïe 28:17

Mbi yeke mu sarango ye na legeni tongana kamba ti hakango na ye, ye ti mbirimbiri tongana kamba ti amason.” Me fade *pembe ti bekpa ayeke zi ndo ti batango tere ti ala ti mvene ti hon na ni, ngu ayeke suku ti mu ndo ti hondengo tere ti ala.

Ésaïe 30:18

Me *KOTA GBIA ayeke ku mbeni ngoi ti sara nzoni be na ala, lo yeke londo ti baa mawa ti ala. Biani, KOTA GBIA ayeke Nzapa ti mbirimbiri. Ti ala nzoni, azo so kue azia be ti ala na ndö ti lo!

Ésaïe 5:16

KOTA GBIA so ayeke na ndö ti dunia kue, a yeke ya iri ti lo na lege ti fango ngbanga ti lo; Nzapa so ayeke nde si ayeke nzoni kue, lo yeke fa so lo yeke nde si lo yeke nzoni kue na lege ti mbirimbiri ti lo.

Ésaïe 54:10

Ataa ahoto ahon na mbeni ndo nde, ataa akete hoto ayingi, fade ndoye ti mbi na mbage ti mo ayeke hunzi laoko pepe, *mbuki ti siriri ti mbi na mo ayeke yingi laoko pepe. Mbi KOTA GBIA so mbi yeke baa mawa ti mo laa mbi tene tënë so na mo.”

Ésaïe 55:3

Ala dingi mê ti ala, ala ma mbi, ala ga na mbi. Ala ma mbi si fade ala yeke duti na fini. *KOTA GBIA atene: “Mbi na ala, e yeke sara *mbuki so ayeke ngba lakue lakue; mbi yeke mu na ala anzoni ye so mbi mu zendo ni na David.

Ésaïe 56:1

Tënë so *KOTA GBIA atene ayeke so: “Ala bata ndia, ala sara ye so ayeke mbirimbiri, ngbanga ti so mbi ga nduru ti soo ala awe, ala ga nduru ti baa mbirimbiri ti mbi awe.

Ésaïe 66:22

Biani, legeoko tongana fini yayu na fini sese so mbi sara ayeke ngba ti luti ngangu na dawa ti mbi, fade iri ti *ahale ti ala na ti ala wani ayeke ngba ti luti ngangu na dawa ti mbi; so tënë ti yanga ti KOTA GBIA laa.

Jérémie 32:40

Mbi na ala e yeke sara *mbuki so angba lakue lakue: mbi yeke kiri ti zia peko ti mbi na ala pepe, me mbi yeke ngba ti sara nzoni na ala. Mbi yeke zia na be ti ala kpengo mbeto ti mbi, tongaso si ala kiri ti hon yongoro na tere ti mbi pepe.

Jérémie 9:24

“Mbeni lango ayeke ga so mbi yeke ga na tere ti azo so atene, ani yeke azo so afâ *ganza awe so; so tënë ti yanga ti KOTA GBIA laa.

Ezekiel 16:60

Ti mbi, fade mbi yeke dabe ti mbi na mbuki ti mbi na mo na ndembe so mo de maseka. Mbi yeke sara mbuki ni na mo kpu na kpu.

Ezekiel 34:25

“Fade mbi yeke sara *mbuki ti siriri na ala, mbi yeke zi asioni nyama na ya ti kodro ni. Tongaso, fade ataba ti mbi alingbi ti duti na siriri na ya ti benyama si ala lango na ya ti ngonda.

Malashii 1:13

Ala yeke tene nga, atene: ‘Ae! So pasi ti nyen?’ Ala ne mbi pepe. Tënë so KOTA GBIA so ayeke na ndö ti dunia kue atene laa. Ala mu nyama so ala nzi nzingo, wala nyama so gere ti lo abuba, wala nyama so ayeke na kobela si ala mu na mbi na sandaga. Mara ti anyama tongaso laa alingbi ti nzere na be ti mbi? Tënë so KOTA GBIA atene laa.

Matthieu 23:13

“Mawa na ala, awafango-ndia, ala na *afarizien! Tënë ti yanga ti ala ayeke nde na sarango ye ti ala! Ala kanga lege ti *Kodro-gbia ti yayu na azo. Ala wani aye ti li na ya ti Kodro-gbia ti yayu ni pepe, me ala yeke kanga lege ni na azo so aye ti li daa. [

2 Tesalonike 3:5

Ayeke nzoni Kota Gbia azia na be ti ala ti ye Nzapa, lo fa na ala lege ti kanga be ti ala legeoko tongana ti Christ!