Ésaïe 61:7 - Mbeti ti Nzapa - Tënë so amu fini

⁷ KOTA GBIA atene: “Na plase ti kamene so lani ahon ndö ti ala, fade ala yeke wara sese ti azo ni akono fani use. Na plase ti zongango ndo so azo azonga ala, ala yeke dodo na ngia, ngia ni ayeke ngba lakue lakue.

Ésaïe 61:7 ပူးပေါင်းရင်းမြစ်များ

2 Agbia 2:9

So ala fâ ngu ni awe, Élie atene na Élisée: “Kozo titene KOTA GBIA amu mbi, ahon na mbi yongoro na tere ti mo, hunda ye so mo ye titene mbi sara ndali ti mo.” Élisée akiri tënë, atene: “Mbi gbu gere ti mo, mbi ye titene yingo so mo yeke na ni aga na ndö ti mbi fani use.”

Mbeti ti Job 42:10

Na ngoi so Job ayeke sambela ndali ti amba ti lo, KOTA GBIA akiri na Job na kozo ndo ti lo. Aye so kue lo yeke na ni kozo, KOTA GBIA akiri amu na lo fani use.

Abia (Psaumes) 126:5

Zo so alu le ti kobe na ngu ti le, fade lo yeke ko le ti kobe ni na ngia.

Abia (Psaumes) 16:11

Mo yeke fa na mbi lege ti duti na fini; na dawa ti mo, ngia asi singo, na mbage ti maboko ti mo ti koli, anzerengo ye ayeke daa kpu na kpu!

Ésaïe 35:10

Azo so KOTA GBIA ayeke zi ande ala, ala yeke mu lege ni so ti kiri. Na singo ti ala na *Sion, ala yeke dekongo na ngia. Ngia so ayeke hunzi laoko pepe, ayeke su na ndö ti le ti ala. Ngia so ahon ndoni ayeke si be ti ala singo, pasi na demango tere ayeke hon.

Ésaïe 40:2

Ala tene tënë ti mu ngangu na be ti Jérusalem, ala dekongo na lo atene: “Kua ti lo ti ngbaa ahunzi awe, a zi sioni ti lo na li ti lo awe. Biani, asioni so lo sara, *KOTA GBIA asara si lo wara futa ni fani use.”

Ésaïe 51:11

Azo so KOTA GBIA azi ala, fade ala yeke kiri; ala yeke dekongo na ngia si ala yeke linda na ni na *Sion. Ngia so angba lakue lakue ayeke za na ndö ti le ti ala, nzerengo tere so asi singo ayeke duti na ala, pasi na demango tere ayeke kpe ti hon.

Ésaïe 54:4

Sara mbeto pepe, ngbanga ti so kamene ayeke kiri ti sara mo pepe. Sara kamene pepe, ngbanga ti so azo ayeke kiri ti zonga mo pepe. Kamene so ando mo ngba maseka si ayeke sara mo so, fade mo yeke girisa ni. So lani mo yeke wali-mua si azo ayeke zonga mo so, fade mo yeke girisa zongango ndo ni.

Ésaïe 60:15

Azo ado mo lani azia, azo ake mo, zo oko ahon na ndo ti mo pepe. Me fadeso mbi yeke sara titene mo ga gbata so azo ayeke pika kate ti ala ndali ni kpu na kpu, gbata so azo ti angoi kue ayeke duti na ngia ndali ni.

Ésaïe 60:21

Azo ti mo, ala kue ayeke duti azo ti mbirimbiri, sese ni ayeke ga ye ti ala kpu na kpu. Ala kpa kete keke so mbi lu; ala yeke azo so mbi wani, mbi sara ala na maboko ti mbi titene ala fa gonda ti mbi.

Ésaïe 65:13

Ndani laa, tënë so mbi, Kota Gbia NZAPA, mbi tene ayeke so: Fade azo ti kua ti mbi ayeke te kobe, me ti ala, ala yeke duti na nzara. Azo ti kua ti mbi ayeke na ngu ti nyongo ni, me ti ala, nzara ti ngu ayeke sara ala. Azo ti kua ti mbi ayeke duti na ngia, me ti ala, kamene ayeke sara ala.

Sofonii 3:19

Na ngoi ni so, fade mbi yeke sara sioni na azo so kue asara ngangu na ala. Azo so awara ka, fade mbi yeke kanga le ti ka ti ala; azo so a gbu ala, a gue na ala na kodro wande, mbi yeke kiri ti bongbi ala na ndo oko. Fade mbi yeke sara titene azo ane ala si iri ti ala awu, amu ya ti akodro so kue a zia lani kamene na le ti ala daa.

Zakarii 8:12

Biani, fade mbi yeke sara si siriri amu ndö ti sese kue, akeke ti *vinye ayeke le, sese ayeke du ale ti kobe, yayu ayeke tokua ngu-Nzapa. Mbi yeke mu anzoni ye so na tanga ti azo ti Israel so angba titene aga ye ti ala.

Zakarii 9:12

Ala azo ti kanga so azia be ti ala ti ku titene a zi ala so, ala kiri na ya ti gbata ti ala so ngangu gbagba ayeke na tere ni. Gi laso laso, mbi tene: fade mbi yeke mu na ala ye ti peko ti pasi ti ala fani use.

Matthieu 25:46

Fade asioni zo so ayeke gue na ngbanga so angba lakue lakue si azo ti mbirimbiri ayeke gue ti duti na fini so angba lakue lakue.”

2 Korente 4:17

Pasi so e yeke baa fadeso ayeke gi ndali ti kete ngoi. Pasi ni ayeke leke e ndali ti kota gonda so ayeke ngba lakue lakue si ayeke kota ahon ndoni.

Ndia ti fani use ni 21:17

Me alingbi koli ni ayeda, atene: kozo molenge-koli ni ayeke molenge ti wali so lo ye lo pepe so. Fade lo yeke mu aye so kue lo yeke na ni na kozo molenge ni fani use, ngbanga ti so lo yeke kozo molenge so lo ngba ngangu si lo du lo.

2 Tesalonike 2:16

Nzapa Babâ ti e aye e. Na lege ti nzoni be ti lo, lo mu ngangu na be ti e si angba lakue lakue, lo mu na e nzoni ye so e zia be ti e daa ti ku. E hunda na lo nga na Kota Gbia ti e Jésus Christ