Ésaïe 61:11 - Mbeti ti Nzapa - Tënë so amu fini

¹¹ Tongana ti so sese asara si kobe asigigi, tongana ti so yaka asara si le ti kobe so a lu asigigi, legeoko nga, fade KOTA GBIA Nzapa ayeke sara titene mbirimbiri na sepelango lo asigigi na dawa ti amara kue.

Ésaïe 61:11 ပူးပေါင်းရင်းမြစ်များ

Tongo nda ti aye 1:11

Nzapa atene: “Ayeke nzoni sese asara titene apere na akeke asigigi, amara ni nde nde. Apere ni na ale ti lungo ni na tere ni, na akeke nde nde so ayeke le, na ale ti lungo ni na ndö ni. Ye ni asi tongana ti so lo tene.

Abia (Psaumes) 72:16

Ayeke nzoni ale ti *ble asi singo na ya ti kodro ni, ayeke nzoni ale ti ble ni asigigi gbani gbani, amu li ti ahoto tongana ti so keke ayeke mingi na li ti hoto ti Liban! Ayeke nzoni gbata ni amai tongana pere so amu ndö ti sese!

Abia (Psaumes) 72:3

Tongaso, fade akota hoto na akete hoto ayeke sara si azo awara nzoni duti.

Abia (Psaumes) 85:11

Nzoni be na taa-tënë awara tere, sarango ye ti mbirimbiri nga na siriri asu ngbangba ti tere.

B. ti abia 4:16

Mo pupu ti Banga, mo londo! Mo pupu ti Mbongo, mo ga hio si! Ala ya na ndö ti yaka ti mbi si fion ti yaka ni afun amu ndo kue. Mo kamba ti be ti mbi, ga, mo li na ya ti yaka ti mo, mo te anzoni lengo ti yaka ni.

Ésaïe 4:2

Na lango ni so, fade *KOTA GBIA ayeke sara titene mbeni kete keke asigigi pendere si aga ye ti gonda. Ye so kodro ni ayeke le ayeke ga ye ti nengo ndali ti azo ti Israel so angba na fini nga na ye ti mungo gonda na ala.

Ésaïe 45:23

Mbi deba na iri ti mbi wani, tënë so asigigi na yanga ti mbi ayeke taa-tënë; mbi yeke sanze ye oko daa pepe: fade azo ayeke kuku na gbe ti mbi, azo kue ayeke deba yanga ti ala na iri ti mbi.

Ésaïe 45:24

Ala yeke tene tënë na ndö ti mbi, atene: “Gi na lege ti *KOTA GBIA oko si sarango ye ti mbirimbiri na ngangu ayeke daa.” Azo so kue atiri na mbi, fade ala yeke ga na mbage ti mbi, kamene ayeke hon ndö ti ala.

Ésaïe 45:8

Ayayu, na nduzu kâ, ala sara si mbirimbiri atuku na ndö ti sese tongana ngu ti pere! Ambinda, ala sara si mbirimbiri asua tongana ngu-Nzapa so ayeke sua! Ayeke nzoni ya ti sese asuru si tënë ti songo zo na kuâ amu kongo, sarango ye ti mbirimbiri asigigi tongana fini keke! Mbi KOTA GBIA laa mbi sara ye so.”

Ésaïe 46:13

Mbi yeke sara titene mbirimbiri ti mbi aga; akiri angba yongoro pepe. Tënë ti songo zo na kuâ aga nduru awe. Mbi yeke ga na tënë ti songo zo na *Sion. Biani, mbi yeke ga na ye so ayeke pendere mingi na Israel.

Ésaïe 48:18

Yanga so mbi mu lani, tongana mo ma fade ni, ka siriri ti mo ayeke ga tongana *bale, ka mbirimbiri ti mo ayeke ga tongana *amapo ti kota ngu-ingo!

Ésaïe 58:11

KOTA GBIA ayeke ngba lakue ti fa lege na mo. Ataa na benyama, lo yeke mu na mo kobe, mo te ya ti mo asi, lo yeke kiri ti mu ngangu na mo. Mo yeke ga tongana yaka so a tuku ngu daa, mo yeke ga tongana li ti ngu so ngu ni ayeke hole pepe.

Ésaïe 60:18

Fade azo ayeke kiri ti ma tënë ti sarango ngangu na zo na ya ti kodro ti mo pepe; azo ayeke kiri ti ma tënë ti bubango ye wala tënë ti kungbingo da na ya ti sese ti mo pepe. Me fade mo yeke di iri ti gbagba ti mo ti bira “Songo zo na kuâ”, mo yeke di iri ti ayanga ti gbagba ti mo “Sepelango Nzapa”.

Ésaïe 60:21

Azo ti mo, ala kue ayeke duti azo ti mbirimbiri, sese ni ayeke ga ye ti ala kpu na kpu. Ala kpa kete keke so mbi lu; ala yeke azo so mbi wani, mbi sara ala na maboko ti mbi titene ala fa gonda ti mbi.

Ésaïe 62:1

*Sion, ndali ti so mbi ye mo, mbi yeke kanga yanga ti mbi pepe. Jérusalem, ndali ti so mbi ye mo, mbi yeke duti kpoo pepe, ngbii tënë ti zingo mo polele asigigi tongana sungo ti lâ ti ndaperere, tënë ti songo mo na kuâ aza tongana lamba.

Ésaïe 62:2

Fade amara nde ayeke baa so a zi mo polele, agbia kue ayeke baa gonda ti mo. A yeke mu fini iri na mo, KOTA GBIA laa ayeke di iri ni.

Ésaïe 62:7

Ala zia nga lo ti wu tere ti lo pepe, ngbii lo kiri lo leke Jérusalem si, ngbii lo sara titene Jérusalem aga ye ti gonda na ndö ti sese kue.”

Matthieu 13:23

Ambeni zo ayeke tongana nzoni sese so ale ti kobe atuku daa: ala ma tënë ni si ala ma ya ni nzoni. Ala le nzoni: ambeni ale ngbangbo oko, ambeni ale baleomene si ambeni ale baleota.”

Matthieu 13:3

Lo tene tënë na ala mingi na lege ti atoli, lo tene: “Mbeni zo ague na yaka ti lo ti bi ale ti kobe.

Matthieu 13:8

Ambeni le ni atuku na nzoni sese si ala le: ambeni ale ngbangbo oko, ambeni ale baleomene si ambeni ale baleota.”

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.