Ésaïe 61:10 - Mbeti ti Nzapa - Tënë so amu fini

¹⁰ Mbi yeke na ngia mingi ndali ti *KOTA GBIA. Be ti mbi asi singo na ngia ndali ti Nzapa ti mbi. Biani, lo soo mbi na kuâ si aga tongana bongo ti matanga na tere ti mbi. Lo yu mbirimbiri na tere ti mbi tongana kota bongo. Mbi kpa koli so amu wali na fini ni si lo zia kpoto ti gbia na li ti lo tongana ti wayango-sandaga, wala wali so amu koli na fini ni si lo yu aye ti pendere.

Ésaïe 61:10 ပူးပေါင်းရင်းမြစ်များ

Tongo nda ti aye 24:53

Zo ti kua ni asigigi na apendere ye so a sara ni na lôro, na wen ti nginza, lo sigigi nga na abongo si lo mu na Rébecca. Lo mu nga aye ti ngangu ngere na ita ti Rébecca nga na mama ti lo.

2 Mbai 6:41

KOTA GBIA Nzapa, fadeso, londo mo ga na ndo ti duti ti mo, mo na sanduku ti mbuki so ngangu ti mo ayeke daa so! KOTA GBIA Nzapa, ayeke nzoni awayango-sandaga ti mo amu tënë ti songo zo na kuâ, ala yu ni tongana bongo; ayeke nzoni azo ti mo afa ngia ti ala ndali ti anzoni ye so mo sara.

Néhémie 8:10

Esdras akiri atene na azo ni: “Ala kiri na ndo ti ala. Ala gue, ate anzoni kobe, ala nyon anzerengo samba, ala mu ambeni kobe ni na azo so ayeke na ye pepe, ngbanga ti so a zia lango so nde ndali ti KOTA GBIA ti e. Ala sara vundu pepe, ngbanga ti so ngia so alondo na KOTA GBIA laa ayeke ngangu ti ala!”

Mbeti ti Job 29:14

Sarango ye ti mbirimbiri ayeke tongana bongo ti mbi ti yungo ni; sarango ye na legeni ayeke tongana kota bongo ti de, wala kpoto ti yungo ni.

Abia (Psaumes) 132:16

Mbi yeke mu tënë ti songo zo na kuâ ti yu na awayango-sandaga ti lo tongana bongo, tongaso azo ti lo ayeke dekongo na ngia.

Abia (Psaumes) 132:9

Ayeke nzoni awayango-sandaga ti mo amu tënë ti songo zo na kuâ, ala yu ni tongana bongo; ayeke nzoni azo ti mo adekongo na ngia.

Abia (Psaumes) 28:7

KOTA GBIA ayeke tongana gbagba ti bira na tere ti mbi; lo yeke tongana *vala ti mbi. Mbi zia be ti mbi kue na ndö ti lo si lo mu maboko na mbi. Be ti mbi kue asi singo na ngia si mbi yeke he bia ti gonda na lo.

Abia (Psaumes) 35:9

Tongaso fade be ti mbi ayeke si singo na ngia ndali ti KOTA GBIA; mbi yeke dodo na ngia ndali ti so lo soo mbi na kuâ awe.

B. ti abia 1:10

So pendere ngbangba laa mo yeke na ni na popo ti aye ti mê so! So pendere go laa mo yeke na ni na popo ti aye ti go so!

Ésaïe 12:1

Na lango ni so, fade mo yeke tene: “*KOTA GBIA, mbi mu na mo singila, ngbanga ti so mo sara lani ngonzo na tere ti mbi, me ngonzo ni ade awe, mo de be ti mbi awe.

Ésaïe 12:2

Baa, Nzapa, wasongo mbi laa; mbi zia be ti mbi na ndö ti lo, mbeto ayeke kiri ti sara mbi pepe. Biani, KOTA GBIA laa ayeke ngangu ti mbi, lo laa mbi yeke he bia na lo, lo laa lo soo mbi.”

Ésaïe 17:10

Biani, Israel, be ti mo agirisa na Nzapa, wasongo mo awe. Lo so lo yeke Kota Têne, ndo so mo kpe daa ti bata tere ti mo, mo dabe ti mo na lo mbeni pepe. Ndani laa mo sara si apendere kongo amai, mo lu ale ti kobe ti awande.

Ésaïe 25:1

*KOTA GBIA, mo yeke Nzapa ti mbi, mbi yeke ya iri ti mo, mbi yeke sepela iri ti mo, ngbanga ti so mo sara aye ti dongo be. Mo leke tënë ti aye ni na be ti mo ngbene ye aninga, aluti ngangu si akpengba.

Ésaïe 25:9

Na lango ni so, fade azo ayeke tene: “*KOTA GBIA laa ayeke Nzapa ti e. E zia be ti e lani ti ku lo si lo soo e. KOTA GBIA laa e zia be ti e ti ku lo. Ayeke nzoni e duti na ngia, e dodo na ngia, ndali so lo soo e awe!

Ésaïe 35:10

Azo so KOTA GBIA ayeke zi ande ala, ala yeke mu lege ni so ti kiri. Na singo ti ala na *Sion, ala yeke dekongo na ngia. Ngia so ayeke hunzi laoko pepe, ayeke su na ndö ti le ti ala. Ngia so ahon ndoni ayeke si be ti ala singo, pasi na demango tere ayeke hon.

Ésaïe 41:16

Mo yeke pe ya ti ala si pupu ayeke mu ala ti hon na ala; kota pupu ayeke kangbi ya ti ala kirikiri. Me ti mo, mo yeke dodo na ngia ndali ti KOTA GBIA, mo yeke pika kate ti mo ndali ti Nzapa ti Israel, lo so lo yeke nde si lo yeke nzoni kue.”

Ésaïe 48:18

Yanga so mbi mu lani, tongana mo ma fade ni, ka siriri ti mo ayeke ga tongana *bale, ka mbirimbiri ti mo ayeke ga tongana *amapo ti kota ngu-ingo!

Ésaïe 49:18

Yo le ti mo na nduzu, mo baa ndo na tere ti mo: amolenge ti mo kue abongbi, ala yeke ga na mbage ti mo. KOTA GBIA atene: Fini ti mbi! Amolenge ni ayeke ga ande tongana ye ti go so zo ayeke zia na go ti lo; ala yeke ga tongana pendere kamba ti ndö ti bongo so wali so aye ti mu koli ayeke kanga na ya ti lo.

Ésaïe 49:4

Ti mbi, mbi tene fade, mbi tene: “Mbi baa pasi na sarango kua senge senge, mbi hunzi ngangu ti mbi kue senge senge, ye ti peko ni oko ayeke daa pepe.” Andaa *KOTA GBIA laa ayeke baa lege ti nzoni fango ngbanga ti mbi, futa ti mbi ayeke na maboko ti Nzapa ti mbi.

Ésaïe 51:11

Azo so KOTA GBIA azi ala, fade ala yeke kiri; ala yeke dekongo na ngia si ala yeke linda na ni na *Sion. Ngia so angba lakue lakue ayeke za na ndö ti le ti ala, nzerengo tere so asi singo ayeke duti na ala, pasi na demango tere ayeke kpe ti hon.

Ésaïe 51:3

KOTA GBIA abaa mawa ti *Sion, lo baa mawa ti aye ti lo so kue abuba. Ndo ti lo so ayeke tongana benyama, lo yeke sara si aga tongana yaka ti Eden; ndo ti lo so ngu ayeke daa pepe, lo yeke sara si aga yaka ti KOTA GBIA. Na ya ti gbata ni, fade azo ayeke duti na ngia si ala yeke sara ngia, ala yeke he bia ti gondango Nzapa si ala yeke pika mozoko.

Ésaïe 52:1

*Sion, zingo, zingo hio si! Mo fa ngangu ti mo! Jérusalem, gbata so ayeke nde si ayeke nzoni kue, yu apendere bongo ti mo! Biani, azo so afâ *ganza pepe nga na azo so aga *sioni awe ayeke kiri ti si na ndo ti mo pepe.

Ésaïe 56:7

fade mbi yeke sara si ala ga na ndö ti hoto ti mbi so ayeke nde si ayeke nzoni kue. Mbi yeke sara si be ti ala asi singo na ngia na ya ti da so a yeke sambela mbi daa. Asandaga so a yeke gbi ni kue na wâ nga na asandaga nde nde so ala yeke ya na mbi na ndö ti gbalaka, mbi yeke yamba ni. Biani, fade azo ayeke iri da ti mbi, ‘Da ti sambela ti amara kue.’ ”

Ésaïe 58:14

tongaso, fade mo yeke wara ngia ti mo na lege ti mbi KOTA GBIA; mbi yeke sara titene mo tambula na ndö ti ayongoro hoto ti kodro ni. Mbi yeke sara titene mo baa nzoni na lege ti sese so a mu ando na kotara ti mo Jacob si aga ye ti lo so.” Tënë so asigigi na yanga ti KOTA GBIA laa.

Ésaïe 61:3

Ala yeke na mua ndali ti *Sion, me Nzapa atokua mbi ti zia na li ti ala ye ti pendere na plase ti mburu ti wâ; ti kpaka na tere ti ala mafuta so afa ngia ti ala, me afa mua pepe; ti yu na ala bongo ti matanga na plase ti be so awoko. Tongaso, a yeke haka ala na akeke so afa mbirimbiri ti Nzapa, a yeke haka ala na yaka so afa gonda ti KOTA GBIA.

Ésaïe 65:18

Me ala duti na ngia, ala dodo na ngia lakue ndali ti ye so mbi yeke sara. Mbi yeke sara Jérusalem titene ngia asi singo na be ti lo si ngia asi singo na be ti azo ti gbata ni.

Jérémie 2:32

Maseka-wali alingbi ti girisa aye ti pendere ti lo? Wali so ayeke ku ti mu koli alingbi ti girisa bongo ti matanga ti mungo tere ni? Oko pepe! Me azo ti mbi agirisa mbi lango mingi, zo alingbi ti diko wungo ni pepe.”

Ezekiel 42:14

Tongana awayango-sandaga ali na ya ti kota da ti Nzapa awe, ala lingbi ti sigigi ti hon biaku na ya ti gbagba ti gigi pepe. Me ala yeke zia abongo so ala sara na kua na KOTA GBIA na ya ti akubu ni; ala yu ambeni bongo nde awe si ala gue na ndo so azo kue ayeke bongbi ka tere daa.”

Habakuk 3:18

Ti mbi, mbi yeke na ngia ndali KOTA GBIA, mbi yeke dodo na ngia ndali ti Nzapa, lo so lo soo mbi na kuâ.

Zakarii 10:7

Azo ti mara ti Efraim ayeke duti na ngangu tongana angangu zo ti bira; be ti ala ayeke si singo na ngia tongana ti zo so anyon vin. Na bango ala, tere ti amolenge ti ala ayeke nzere si ala yeke dodo na ngia ndali ti KOTA GBIA.

Zakarii 3:5

Ange ni akiri atene: Ala kanga na li ti Yeshua mbeni nzoni bongo. Azo ni akanga na li ti lo nzoni bongo ni si na dawa ti ange ni, ala yu na lo bongo.

Nzoni Tënë so Luc asu na mbeti 15:22

Me babâ ni atene na azo ti kua ti lo: ‘Ala mu bongo so ayeke pendere ahon atanga ni kue aga na ni hio, ayu na lo, ala yoro bage na maboko ti lo, ala yu na lo poro.

Rome 13:14

Me ala yu *Kota Gbia Jésus Christ tongana ye ti bira. Ala zia lege pepe na be ti ala so ayeke pusu ala ti sara ye alingbi na asioni nzara ti lo.

Rome 14:17

Biani, *Kodro-gbia ti Nzapa abaa tënë ti tengo kobe wala tënë ti nyongo ye pepe, me abaa tënë ti sarango ye ti mbirimbiri, ti siriri na ti ngia so Yingo-Vuru ayeke mu na zo.

Rome 3:22

Nzapa asara si azo aga mbirimbiri na le ti lo na lege so ala ma na be na Jésus Christ. Lo sara ni ndali ti azo so kue ama na be na Christ, ngbanga ti so kangbi ayeke na popo ti ala pepe:

Rome 5:11

Na ndö ni kue, be ti e ayeke na ngia na dawa ti Nzapa na lege ti *Kota Gbia ti e Jésus Christ, lo so lo sara si fadeso songo aga na popo ti e na Nzapa.

Galasii 3:27

Ala kue awara bateme awe, ala ga oko na Christ. Tongaso, lege ti dutingo ti ala aga tongana ti Christ awe.

Filipe 3:9

si mbi na lo, e ga oko. Batango ndia ti ga mbirimbiri, so laa amu lege na mbi ti ga oko na Christ pepe, me mbi ga oko na Christ na lege ti mabe. Nzapa laa ayeke mu na zo lege ti gango mbirimbiri tongana zo ni ama na be.

Filipe 4:4

Ala duti na ngia lakue, ngbanga ti so ala ga oko na *Kota Gbia awe! Mbi kiri mbi tene: ala duti na ngia!

1 Pierre 1:8

Ataa so ala baa lo pepe, ala ye lo; ataa so ala de ti baa lo pepe, ala ma na be na lo. Ndani laa ala yeke duti na kota ngia, ngia so ahon ndoni, zo alingbi ti tene tënë ni pepe.

Aye so Nzapa afa 21:2

Mbi baa gbata so ayeke nde si ayeke nzoni kue, fini Jérusalem, so alondo na yayu na tere ti Nzapa si ayeke zu ti ga. Gbata ni aleke tere ti lo tongana mbeni wali so aye ti mu koli na fini ni si ayu aye ti pendere ti yamba na koli ti lo.

Aye so Nzapa afa 21:9

Mbeni oko ti *a-ange mbarambara so agbu akopo mbarambara so tanga ti aye ti sioni mbarambara ayeke daa so, lo ga lo tene na mbi: “Ga, mbi fa na mo wali so Molenge ti Taba aye ti mu lo titene lo ga wali ti lo so.”

Aye so Nzapa afa 4:4

Na tere ti mbata ti gbia ni, ambeni mbata ti gbia baleuse na osio angoro ni kue. *Akangba baleuse na osio ayu vuru bongo si ala duti na ndö ti ambata ni. Ala yu akpoto ti gbia so a sara ni na lôro.

1 Samuel 2:1

Anne asambela, atene: “Ndali ti *KOTA GBIA, be ti mbi ayeke na ngia mingi; ndali ti KOTA GBIA, kamene ahon na le ti mbi. Mbi lingbi ti zi yanga na awato ti mbi. Be ti mbi anzere mingi ndali ti so mo soo mbi awe.