Ésaïe 60:9 - Mbeti ti Nzapa - Tënë so amu fini

⁹ Biani, akodro so ayeke na ya ti azoa azia be ti ala ti ku mbi. Amangboko ti Tarsis ahon kozo, ala londo yongoro si ayeke ga na amolenge ti mo; ala yeke ga na wen ti nginza nga na lôro. Ala ga ti gonda KOTA GBIA, Nzapa ti mo, Nzapa ti Israel so ayeke nde si ayeke nzoni kue, Nzapa so amu nengo na mo.

Ésaïe 60:9 ပူးပေါင်းရင်းမြစ်များ

Tongo nda ti aye 9:27

Ayeke nzoni Nzapa azi lege kota na Yafet. Lo duti na da ti Sem si Kanaan aga ngbaa ti lo!”

1 Agbia 10:1

Gbia-wali ti kodro ti Saba ama sango ti Salomon so awu ndali ti iri ti *KOTA GBIA. Nilaa lo ga ti tara ndara ti Salomon na lege ti angangu hundango tënë.

1 Agbia 10:22

Biani, gbia ayeke na amangboko ti Tarsis so ayeke tambula na le ti kota ngu-ingo legeoko na amangboko ti gbia Hiram. Lakue na peko ti ngu ota ota, amangboko ti Tarsis ayeke yo gba ti lôro, wen ti nginza, pembe ti doli, amakako nga na apendere ndeke ti ga na ni.

1 Agbia 22:48

Na ngoi ni so, gbia ayeke na kodro ti Edom pepe; me gi mbeni govoronere so gbia ti Juda azia lo na li ti kodro ni.

1 Agbia 8:41

“Tongana wande, lo so lo yeke na popo ti azo ti Israel pepe, azo ti mo, tongana lo ma tënë ti iri ti mo na ya ti mbeni kodro yongoro si lo ga,

Abia (Psaumes) 48:7

Biaku, tere ti ala ato nda ti do si ala ngba gi na ndo oko tongana wali so aga nduru ti du.

Abia (Psaumes) 72:10

Agbia ti kodro ti Tarsis na ala ti azoa so ayeke yongoro kâ ayeke tokua na lo akadoo; agbia ti kodro ti Saba na ala ti Seba ayeke futa lapo na lo.

Abia (Psaumes) 97:1

*KOTA GBIA ayeke gbia! Ayeke nzoni azo ti sese adodo na ngia, azo so kue ayeke na yongoro ndo aduti na ngia!

Sigingo 33:19

KOTA GBIA akiri tënë: “Mbi yeke hon na dawa ti mo titene mo baa nzoni be ti mbi kue si mbi yeke di iri ti mbi so ayeke ‘KOTA GBIA’ na mo. Fade mbi yeke sara nzoni be na zo so mbi ye ti sara nzoni be na lo, mbi yeke baa mawa ti zo so mbi ye ti baa mawa ti lo.”

Amato 18:20

Zo alingbi ti wara kobe ti yanga ti lo na lege ti atënë ti lo; atënë so lo tene alingbi ti sara si ya ti lo asi.

Ésaïe 11:11

Na lango ni so, *KOTA GBIA ayeke yoro maboko ti lo ti fani use ti zi tanga ti azo ti lo ti kiri na ala na kodro ti ala: azo ti lo so angba na fini na sese ti Asirii, ti Ezipte, ti Patros, ti Kush, ti Elam, ti Shinear nga na ti Hamat na ala so ayeke na ya ti azoa so ayeke na le ti kota ngu-ingo.

Ésaïe 2:16

Lo yeke fâ ngbanga na li ti akota mangboko ti Tarsis nga na li ti apendere mangboko.

Ésaïe 24:15

“Ala so ayeke na mbage ti To, ala gonda KOTA GBIA. Ala so ayeke na ya ti azoa ti kota ngu-ingo, ala he bia ti gonda na iri ti KOTA GBIA, Nzapa ti Israel.”

Ésaïe 42:10

Ala he fini bia na *KOTA GBIA. Ala so ayeke na nda ti sese kâ, ala he bia ti sepela lo; ala so ayeke tambula na le ti kota ngu-ingo, ala so ayeke na ya ti kota ngu-ingo, na ala so ayeke lango na ya ti azoa, ala he bia ti sepela lo.

Ésaïe 42:4

Ngangu ti lo ayeke hunzi pepe, be ti lo ayeke woko pepe ngbii lo fa lege ti sarango ye ti mbirimbiri na ndö ti sese. Azo ti azoa ayeke zia be ti ala ti ku fango ye ti lo.”

Ésaïe 43:4

Mbi sara tongaso, ngbanga ti so na le ti mbi, ngere ti mo ayeke ngangu, mo ne na le ti mbi si mbi ye mo. Tongaso, mbi mu azo na plase ti mo, mbi mu amara ti sanze na mo.

Ésaïe 43:6

Fade mbi yeke tene na Banga: ‘Kiri na ala’, mbi yeke tene na Mbongo: ‘Gbanzi ala pepe.’ Amolenge ti mbi ti koli so ayeke na yongoro ndo, mo kiri na ala; amolenge ti mbi ti wali so ayeke na nda ti sese kâ, mo kiri na ala.

Ésaïe 46:13

Mbi yeke sara titene mbirimbiri ti mbi aga; akiri angba yongoro pepe. Tënë ti songo zo na kuâ aga nduru awe. Mbi yeke ga na tënë ti songo zo na *Sion. Biani, mbi yeke ga na ye so ayeke pendere mingi na Israel.

Ésaïe 49:1

Ala so ayeke lango na yongoro ndo, ala ma mbi! Ala so ayeke na yongoro ndo, ala dingi mê ti ala, ala ma! Kozo titene a du mbi, *KOTA GBIA airi mbi; gi so mbi de na ya ti mama ti mbi, lo di iri ti mbi.

Ésaïe 49:22

Tënë so Kota Gbia NZAPA atene ayeke so: “Baa, mbi yeke sara maboko na amara nde, mbi yeke yo bendere na nduzu na mbage ti azo. Azo ni ayeke yo amolenge ti mo ti koli na ya ti maboko ti ala ti ga na ala, ala yeke yo amolenge ti mo ti wali na ndö ti go ti ala ti ga na ala.

Ésaïe 51:5

Zingo azo so mbi yeke zi ala aga nduru awe, songo azo na kuâ so mbi yeke soo ala asigigi awe. Mbi yeke fâ ngbanga ti azo na ngangu. Fade azo ti azoa ayeke zia be ti ala ti ku mbi, ala yeke ku ngangu ti maboko ti mbi.

Ésaïe 55:5

Mo Israel, fade mo yeke iri mara so mo hinga ni pepe; mara so ahinga mo pepe ayeke mu loro ti ga na mbage ti mo. Lo yeke ga ndali ti mbi KOTA GBIA, Nzapa ti mo, Nzapa ti Israel so ayeke nde si ayeke nzoni kue, lo so lo sara si mo wara gonda.”

Ésaïe 57:17

Ndali ti sioni nzara ti warango ye ti Israel, ngonzo agbu mbi ngangu. Na ya ti ngonzo ti mbi, mbi pika lo, mbi ye ti kiri ti baa lo pepe. Me lo ngba ti sara ngangu li, lo ngba ti sara ye ti be ti lo.

Ésaïe 60:4

Mo yo le ti mo na nduzu, mo baa ndo na tere ti mo: azo kue abongbi si ala yeke ga na mbage ti mo. Amolenge ti mo ti koli alondo yongoro si ala yeke ga; a yo amolenge ti mo ti wali na ya ti maboko si a yeke ga na ala.

Ésaïe 60:6

Gba ti *azambala ayeke si singo na ya ti kodro ti mo: akete zambala ti Madian na ti Efa. Azo ti Saba kue ayeke ga, ala yeke ga na lôro nga na dukani si ala yeke he bia ti gonda na KOTA GBIA.

Ésaïe 66:12

Biani, tënë so KOTA GBIA atene ayeke so: “Baa, mbi yeke sara titene siriri aga ngbii asi na Jérusalem tongana *bale, mosoro ti amara nde aga na lo tongana ngu so asuku amu ndo kue. Fade mbi yeke bata ala tongana mama so ayeke mu me na molenge ti lo. Lo yo molenge ni na kate ti lo, lo yo lo na ndö ti gere ti lo si lo yeke sara ngia na lo.

Jérémie 3:17

Na ngoi ni so, fade azo ayeke di iri ti Jérusalem, atene: ‘Mbata ti KOTA GBIA’. Amara kue ayeke bongbi kâ na Jérusalem ndali ti iri ti KOTA GBIA; ala yeke zia lege ti sarango sioni ye so be ti ala afa na ala.

Jérémie 30:19

Na popo ti ala, fade a yeke ma go ti azo so ayeke he bia ti mungo singila si ala yeke dekongo na ngia. Ala *ahale ti Jacob, fade mbi yeke sara si ala kiri awu mingi, wungo ti ala ayeke kiri na peko pepe; mbi yeke sara si azo ane ala, zo ayeke kiri ti baa ala tongana abuba zo pepe.

Ezekiel 39:7

Mbi yeke sara titene azo ti Israel so ayeke azo ti mbi ahinga so iri ti mbi ayeke nde si ayeke nzoni kue. Mbi yeke kiri ti zia lege pepe titene azo akiri abuba iri ti mbi, iri ti mbi so ayeke nde si ayeke nzoni kue so. Tongaso, fade amara nde ayeke hinga atene, mbi laa mbi yeke KOTA GBIA, Nzapa ti Israel, lo so lo yeke nde si lo yeke nzoni kue.

Mishe 4:13

“Ala azo ti Jérusalem, ala londo, ala gue, apika ale ti kobe ni! Fade mbi yeke sara titene ala ga ngangu tongana bagara so adidi ti lo ayeke na wen si asokoto ti gere ti lo ayeke na bengba wen. Fade ala yeke nika amara gbani gbani; aye so ala gbu na peko ti bira, ala zia ni nde ndali ti mbi, KOTA GBIA; amosoro ti azo ni, ala zia ni nde ndali ti mbi, Kota Gbia ti sese kue.”

Mishe 7:12

Na lango ni so, azo ti mo ayeke londo mbage na mbage ti kiri na ndo ti mo; ambeni ayeke londo na Asirii, ambeni ayeke londo na Ezipte nga na ya ti akodro nde nde so ayeke na popo ti ngu ti Ezipte na ti Efrate; ambeni ayeke londo na yanga ti kota ngu-ingo kâ, ambeni ayeke londo na yanga ti kota ngu-ingo ge; ambeni ayeke londo na sese ti ahoto kâ, ambeni ayeke londo na sese ti ahoto ge.

Sofonii 2:11

Fade KOTA GBIA ayeke zia kota mbeto na be ti ala, lo yeke hunzi anzapa ti sese kue. Tongaso, ataa amara so kue ayeke na yongoro ndo, ala yeke kuku akpo li ti ala na sese na dawa ti lo, zo oko oko na kodro ti lo.

Zakarii 14:14

Azo ti Juda ayeke londo ti tiri bira ndali ti gbata ti Jérusalem. Ala yeke mu amosoro kue ti amara so ayeke lango nduru na Jérusalem: lôro, wen ti nginza na abongo gbani gbani.

Nzoni Tënë so Luc asu na mbeti 2:32

Lo yeke lumiere so ayeke fa mo na azo ti amara kue; lo yeke gonda ti azo ti Israel so ayeke azo ti mo.”

Jean 17:26

Mbi sara si ala hinga mo, mbi ngba ti sara titene ala hinga mo, tongaso si yengo so mo ye na mbi angba na popo ti ala si mbi na ala, e yeke oko.”

Awatokua 9:15

Me Kota Gbia atene na lo: “Gue, ngbanga ti so mbi soro koli so ti sara kua ti mbi, ti sara si amara nde, na agbia na azo ti Israel ahinga iri ti mbi.

Galasii 3:26

Biani, ala kue aga amolenge ti Nzapa na lege so ala ma na be na Jésus Christ.

Galasii 4:26

Me Jérusalem ti yayu ayeke na gbe ti ngbaa pepe; Jérusalem so laa ayeke mama ti e.

Josué 9:9

Ala kiri tënë na lo, atene: “E azo ti kua ti mo, e londo na mbeni kodro yongoro mingi. E ga ndali ti so, e ma sango ti *KOTA GBIA, Nzapa ti mo. E ma nga tënë ti aye so kue lo sara na kodro ti Ezipte,