Ésaïe 60:7 - Mbeti ti Nzapa - Tënë so amu fini

⁷ Angasa na ataba ti Kedar ayeke bongbi na ndo ti mo. Akoli-taba ti Nebayot ayeke ga ye ti kua ti mo. A yeke zia ala na ndö ti gbalaka ti KOTA GBIA, *sandaga tongaso laa ayeke nzere na lo. Sandaga ni ayeke mu nengo na kota da ti lo.

Ésaïe 60:7 ပူးပေါင်းရင်းမြစ်များ

Tongo nda ti aye 25:13

Iri ti amolenge ti Ismael ti koli na lege ti molongo ti dungo ala ayeke so: Nebayot, kozo molenge ti Ismael, na Kedar, Adbeel, Mibsam,

Mbeti ti Job 42:8

Fadeso, ala mu akoli-bagara mbarambara, akoli-taba mbarambara, ala gue, awara Job, zo ti kua ti mbi. Ala mu anyama ni na *sandaga so a yeke gbi kue na wâ ndali ti ala wani. Fade Job ayeke sambela ndali ti ala, mbi yeke yeda na sambela ti lo. Tongaso, mbi yeke sara na ala pepe alingbi na ye ti buba so ala sara; ala tene taa-tënë na ndö ti mbi pepe; gi Job, zo ti kua ti mbi laa atene taa-tënë.”

Abia (Psaumes) 120:5

Mawa na mbi so mbi lango na popo ti awande, mawa na mbi so mbi duti na popo ti azo ti sarango sioni so!

B. ti abia 1:5

Amaseka-wali ti Jérusalem, Mbi vuko vukongo, me mbi yeke pendere tongana ada ti azo ti Kedar ti bongo, tongana aridoo ti da ti Salomon.

Ésaïe 19:19

Na lango ni so, fade gbalaka ti KOTA GBIA ayeke duti taa na be ti kodro ti Ezipte, mbeni ngbongboro têne so azo aleke si aluti na nduzu ndali ti KOTA GBIA ayeke duti na katikati ti kodro ni.

Ésaïe 19:21

KOTA GBIA ayeke sara si azo ti Ezipte ahinga lo; na lango ni so, ala yeke hinga lo si ala yeke sara na lo na mungo na lo asandaga nga na anzoni ye. Ala yeke mu zendo na KOTA GBIA si ala yeke sara ye ti peko ti zendo ni.

Ésaïe 21:16

Biani, *KOTA GBIA atene tënë tongaso na mbi: “Na ya ti ngu oko, so ti tene mbeni lango oko ayeke ti na ndö ni pepe, fade gonda ti Kedar ayeke hunzi.

Ésaïe 42:11

Ala azo ti benyama na ala azo ti agbata ti benyama, ala he bia! Ala azo ti akete kodro ti Kedar, ala he bia! Ala azo so alango na gbata ti Kota têne, ala dekongo na ngia! Na ndö ti hoto, ala dekongo na ngia!

Ésaïe 56:7

fade mbi yeke sara si ala ga na ndö ti hoto ti mbi so ayeke nde si ayeke nzoni kue. Mbi yeke sara si be ti ala asi singo na ngia na ya ti da so a yeke sambela mbi daa. Asandaga so a yeke gbi ni kue na wâ nga na asandaga nde nde so ala yeke ya na mbi na ndö ti gbalaka, mbi yeke yamba ni. Biani, fade azo ayeke iri da ti mbi, ‘Da ti sambela ti amara kue.’ ”

Ésaïe 60:13

Apendere keke so ayeke mu gonda na gbako ti Liban, akeke nde nde ti sarango na da a yeke ga na ndo ti mo; ayeke sara si ya ti kota da ti mbi so ayeke nde si ayeke nzoni kue aga pendere. Mbi yeke sara si ndo so mbi zia gere ti mbi daa awara gonda.

Ezekiel 20:40

Biani, na ndö ti hoto ti mbi so ayeke nde si ayeke nzoni kue, na ndö ti yongoro hoto ti Israel laa azo ti Israel so kue ayeke na ya ti kodro ni ayeke voro mbi. So tënë ti yanga ti mbi, Kota Gbia NZAPA laa. Kâ, mbi yeke yamba ala na nzoni be, mbi yeke yeda na aye so kue ala zia nde ndali ti mbi, amatabisi ti ala nga na asandaga ti anzoni ye so ala yeke ya na mbi.

Ezekiel 27:21

Mo na azo ti Arabii na amakonzi kue ti sese ti Kedar ayeke de nga buze. Ala yeke ga na akete taba, ataba nga na angasa ti vo na akungba ti mo.

Mishe 4:1

“Mbeni lâ, gbanda, hoto so kota da ti *KOTA GBIA ayeke na ndö ni ayeke luti ngangu na ndö ti akota hoto kue; hoto ni ayeke yo na nduzu ahon akete hoto kue si amara ayeke gue kâ tongana ngu so ayeke sua.

Sofonii 3:10

Ataa azo so ayeke voro mbi, ala so akangbi yongoro kâ na peko ti *bale ti Etiopii, fade ala yeke ga na mbi *sandaga ti ala.”

Zakarii 2:8

Kozo ange ni atene na mbeni so, atene: “Kpe loro, mo tene na maseka-koli so kâ so, mo tene: Fade gbata ti Jérusalem ayeke ngba senge tongaso, a yeke sara gbagba na tere ni pepe, ngbanga ti so azo na anyama so ayeke lango na ya ni ayeke wu ahon ndoni.

Rome 12:1

A-ita, so Nzapa abaa mawa ti e ahon ndoni awe so, mbi hunda na ala mingi titene ala mu tere ti ala kue na Nzapa tongana *sandaga so ayeke na fini, sandaga so ayeke nde, ayeke nzoni kue si anzere na lo. So mbirimbiri lege ti vorongo Nzapa laa.

Rome 15:16

si lo mu mbi ti ga zo ti kua ti Jésus Christ na popo ti azo ti amara nde. Lo zia mbi nde ti fa Nzoni Tënë ti Nzapa. Tongaso, azo ti amara nde alingbi ti ga nzoni *sandaga na le ti Nzapa na lege ti Yingo-Vuru, lo so lo sara si ala ga nzoni kue.

Ahebro 13:10

E yeke na mbeni gbalaka so awayango-sandaga ti azuife alingbi ti te kobe ti sandaga na ndö ni pepe, ala so ayeke sara kua na ya ti da so azuife ayeke voro Nzapa daa.