Ésaïe 60:6 - Mbeti ti Nzapa - Tënë so amu fini

⁶ Gba ti *azambala ayeke si singo na ya ti kodro ti mo: akete zambala ti Madian na ti Efa. Azo ti Saba kue ayeke ga, ala yeke ga na lôro nga na dukani si ala yeke he bia ti gonda na KOTA GBIA.

Ésaïe 60:6 ပူးပေါင်းရင်းမြစ်များ

Tongo nda ti aye 10:7

Amolenge ti Kush ayeke so: Seba, Havila, Sabta, Ragma na Sabteka. Amolenge ti Ragma ayeke so: Saba na Dedan.

Tongo nda ti aye 25:13

Iri ti amolenge ti Ismael ti koli na lege ti molongo ti dungo ala ayeke so: Nebayot, kozo molenge ti Ismael, na Kedar, Adbeel, Mibsam,

1 Agbia 10:2

Gbia-wali ni asi na Jérusalem, lo ga na azo gbani gbani na peko ti lo, *azambala so ayo ayombo, lôro gbani gbani nga na atêne ti ngangu ngere. So lo si na tere ti Salomon awe, lo hunda na lo atënë so kue lo leke na be ti lo.

2 Agbia 8:9

Hazael ague, awara Élisée. Lo mu anzoni ye nde nde so ayeke na Damas, lo kanga na ndö ti *azambala baleosio si lo gue ti mu ni na Élisée. Lo si na dawa ti Élisée si lo tene na lo: “Molenge ti mo Ben-Hadad, gbia ti Sirii atokua mbi ti hunda mo, atene: ‘Mbi yeke ngba na fini na kobela so laa?’ ”

1 Mbai 1:33

Madian adu Efa, Efer, Hanok, Abida na Elda. Ala so kue ayeke amolenge ti Ketura.

2 Mbai 9:1

Gbia-wali ti kodro ti Saba ama sango ti Salomon si lo ga na Jérusalem ti tara ndara ti Salomon na lege ti angangu hundango tënë. Lo ga na azo gbani gbani na peko ti lo, *azambala so ayo ayombo, lôro gbani gbani nga na atêne ti ngangu ngere. So lo si na tere ti Salomon awe, lo hunda na lo atënë so kue lo leke na be ti lo.

Abia (Psaumes) 67:4

Nzapa, ayeke nzoni azo amu singila na mo; ayeke nzoni azo kue legeoko amu singila na mo!

Abia (Psaumes) 72:10

Agbia ti kodro ti Tarsis na ala ti azoa so ayeke yongoro kâ ayeke tokua na lo akadoo; agbia ti kodro ti Saba na ala ti Seba ayeke futa lapo na lo.

Abia (Psaumes) 72:15

Gbia na nduzu! Fade a yeke mu na lo lôro ti kodro ti Seba, a yeke sambela ndali ti lo lakue; a yeke sara tufa na ndö ti lo na lango oko oko kue!

Ésaïe 30:6

Nengo tënë na ndö ti anyama so ayeke na benyama ti Mbongo. Sese so azo ni ayeke hon daa ayeke sese ti vundu, sese ti ziango mbeto na be ti zo, sese so bamara na mama ti bamara, sioni ngbo nga na kota sioni nyama so akpa ngunde ayeke lango daa. Azo ni akanga akungba ti ala na amosoro ti ala na ndö ti alele nga na ndö ti azambala si ala yeke gue na ni na azo so alingbi ti sara nzoni ye oko na zo pepe.

Ésaïe 42:10

Ala he fini bia na *KOTA GBIA. Ala so ayeke na nda ti sese kâ, ala he bia ti sepela lo; ala so ayeke tambula na le ti kota ngu-ingo, ala so ayeke na ya ti kota ngu-ingo, na ala so ayeke lango na ya ti azoa, ala he bia ti sepela lo.

Ésaïe 45:14

Tënë so *KOTA GBIA atene ayeke so: “Israel, lengo ti kua ti azo ti Ezipte, ye ti ngere ti azo ti Etiopii, azo ti Seba, ayongoro zo so, ala so kue ayeke hon na ndo ti mo, ala yeke ga ti mo. Fade a yeke kanga ala kangango na zingiri si ala yeke tambula na peko ti mo; ala yeke kuku na gbe ti mo si ala yeke tene tënë so na mo tongana sambela: ‘Nzapa ayeke gi na ndo ti mo oko, mbeni nzapa nde ayeke daa pepe, gi lo oko.’ ”

Ésaïe 60:9

Biani, akodro so ayeke na ya ti azoa azia be ti ala ti ku mbi. Amangboko ti Tarsis ahon kozo, ala londo yongoro si ayeke ga na amolenge ti mo; ala yeke ga na wen ti nginza nga na lôro. Ala ga ti gonda KOTA GBIA, Nzapa ti mo, Nzapa ti Israel so ayeke nde si ayeke nzoni kue, Nzapa so amu nengo na mo.

Ésaïe 61:6

Me ti ala, fade a yeke iri ala “Awayango-sandaga ti KOTA GBIA”. A yeke di iri ti ala “Azo ti kua ti Nzapa ti e”. Ala yeke te anzoni ye ti amara nde, ala yeke pika kate ti ala ndali ti amosoro ti azo ni.

Jérémie 6:20

Dukani so ala mu kâ na Saba a ga na ni na mbi so, nyen laa mbi yeke sara na ni, nyen? Pere ti sarango na yombo so afun nzoni si ala mu kâ na mbeni kodro yongoro aga na ni na mbi so, nyen laa mbi yeke sara na ni, nyen? Be ti mbi ake tënë ti asandaga ti ala so a yeke gbi ni kue na wâ; asandaga ti anyama ti ala anzere na mbi pepe.

Ezekiel 27:22

Mo na azo ti dengo buze ti Saba na ti Ragma nga ayeke de buze. Ala yeke ga na apendere yombo, atêne ti ngangu ngere ndenge na ndenge nga na lôro ti vo na akungba ti mo.

Sofonii 3:10

Ataa azo so ayeke voro mbi, ala so akangbi yongoro kâ na peko ti *bale ti Etiopii, fade ala yeke ga na mbi *sandaga ti ala.”

Zakarii 14:16

Ti londo na lango ni so, amara so atiri lani bira na azo ti Jérusalem si azo ni angba na fini so, na ya ti ngu oko oko, ala yeke gue na ya ti gbata ni ti voro KOTA GBIA so ayeke na ndö ti dunia kue si ala yeke sara matanga ti Akpangba.

Malashii 1:11

Biani, ti londo na To ngbii asi na Do, amara nde ahinga so mbi yeke kota. Na ndo kue, azo ayeke zö dukani na mbi, ala yeke ga na asandaga so ayeke *nzoni. Biani, amara nde ahinga so mbi yeke kota. Tënë so KOTA GBIA so ayeke na ndö ti dunia kue atene laa.

Matthieu 2:11

Ala li na ya ti da ni si ala baa molenge ni na mama ti lo Marie. Ala kuku na sese si ala voro molenge ni. Na pekoni, ala zi ya ti akungba ti ala si ala mu anzoni ye na molenge ni: lôro, dukani na *mire.

Rome 15:9

Christ asara nga tongaso ti mu lege na azo ti amara nde ti gonda Nzapa ndali ti nzoni be so lo sara na ala, tongana ti so Mbeti ti Nzapa atene: “Ndani laa, fade mbi yeke sepela mo na popo ti amara nde, mbi yeke he bia ti gonda iri ti mo.”

Ndia ti fani use ni 32:43

Moïse atene: “Ala amara, ala dekongo na ngia na li ti azo ti KOTA GBIA! Biani, lo ga nduru ti kiri na peko ti mene ti azo ti kua ti lo awe; sioni so awato ti lo asara na azo ti lo, lo yeke kiri peko ti sioni ni na ala; me lo yeke *sukula sese ti azo ti lo.”

Filipe 2:17

Mabe ti ala asara si ala yeke mu *sandaga na Nzapa. Mbi hinga pepe, tongana a fâ mbi si mene ti mbi atuku, fade ayeke ga tongana sandaga na ndö ti so ala yeke mu. Tongana ye ni ayeke tongaso, be ti mbi ayeke nzere si mbi na ala kue, e yeke na ngia.

1 Pierre 2:5

Ala nga, ala yeke tongana atêne so ayeke na fini. Ala sara si Nzapa amu ala ti sara na da so ayeke ti Yingo. Tongaso, fade bongbi ti ala ayeke ga bongbi ti awayango-sandaga so ayeke nde si ayeke nzoni kue, ala yeke mu na lo asandaga so Yingo afa na ala ti mungo ni si ayeke nzere na be ti Nzapa na lege ti Jésus Christ.

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.

Awafango-ngbanga 6:5

Tongana azo ti Madian ayeke londo ti gue na tere ti azo ti Israel, ala yeke mu anyama ti ala nga na ada ti ala ti bongo kue; ala yeke gue gbani gbani tongana akinda-gozo, ala na *azambala ti ala, zo alingbi ti diko wungo ti ala pepe. Ala mu ya ti kodro ni kue si ala buba ni kue.

Awafango-ngbanga 7:12

Azo ti Madian, azo ti Amalek na ambeni mara ti mbage ti To amu ya ti lando ni gbani gbani tongana angadi; wungo ti *azambala ti ala ayeke tongana wungo ti mbutu ti yanga ti kota ngu-ingo.