Ésaïe 60:3 - Mbeti ti Nzapa - Tënë so amu fini

³ Tongaso azo ti amara nde ayeke gue na mbage ti lumiere ti mo si agbia ayeke gue nga na mbage ti mo ndali ti vurungo ndo ti mo so ato nda ni.

Ésaïe 60:3 ပူးပေါင်းရင်းမြစ်များ

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

Abia (Psaumes) 102:16

Fade amara nde ayeke kpe mbeto ti KOTA GBIA, agbia ti sese kue ayeke kpe mbeto ti gonda ti mo.

Abia (Psaumes) 102:22

Tongaso, fade azo ayeke vunga iri ti KOTA GBIA na ya ti gbata ti Sion kue; ala yeke vunga tënë ti sepelango lo na Jérusalem

Abia (Psaumes) 138:4

KOTA GBIA, ayeke nzoni agbia ti sese kue amu singila na mo, ngbanga ti so ala ma atënë ti yanga ti mo.

Abia (Psaumes) 2:10

Ala, agbia, fadeso ala sara ye na ndara si! Ala, amakonzi ti sese, ala ga azo ti mango ndo si!

Abia (Psaumes) 22:27

Fade mbi yeke tisa azo so ye atia ala: ala yeke te ye, ya ti ala asi. Azo so ayeke gi KOTA GBIA, ayeke nzoni ala gonda lo, ala te gigi aninga, ala duti nzoni na ndö ti gigi ni!

Abia (Psaumes) 68:29

Nzapa ti mo amu yanga titene mo ga ngangu. Nzapa, fa ngangu ti mo, mo so mo sara ye mingi ndali ti e so!

Abia (Psaumes) 72:11

Agbia kue ayeke kuku na gbe ti lo, amara kue ayeke sara kua na lo.

Ésaïe 11:10

Na lango ni so, lo so ayeke molenge ti Yese ayeke ga bendere ndali ti azo ti sese. Amara nde ayeke gi lo; ndo so lo yeke duti daa, gonda ti Nzapa ayeke mu ni kue.

Ésaïe 42:6

“Mbi KOTA GBIA laa mbi iri mo na lege ti mbirimbiri. Mbi gbu mo na maboko ti mo, mbi bata mo si mbi zia mo titene na lege ti mo, mbi na azo e ga *ambuki; mbi zia mo titene mo duti lumiere ti amara kue.

Ésaïe 45:14

Tënë so *KOTA GBIA atene ayeke so: “Israel, lengo ti kua ti azo ti Ezipte, ye ti ngere ti azo ti Etiopii, azo ti Seba, ayongoro zo so, ala so kue ayeke hon na ndo ti mo, ala yeke ga ti mo. Fade a yeke kanga ala kangango na zingiri si ala yeke tambula na peko ti mo; ala yeke kuku na gbe ti mo si ala yeke tene tënë so na mo tongana sambela: ‘Nzapa ayeke gi na ndo ti mo oko, mbeni nzapa nde ayeke daa pepe, gi lo oko.’ ”

Ésaïe 45:22

Ala azo so kue ayeke lango na nda ti sese, ala kiri na mbage ti mbi si fade mbi soo ala. Biani, mbi yeke Nzapa, mbeni nde ayeke daa pepe.

Ésaïe 49:12

Baa! Ala londo yongoro si ala yeke ga: ambeni alondo na mbage ti Banga, ambeni na mbage ti Do, ambeni na mbage ti Mbongo, na mbage ti Ezipte.”

Ésaïe 49:23

Agbia ayeke ga ababâ ti batango ala, amolenge ti agbia ti wali ayeke ga amama ti batango ala. Agbia ni ayeke kuku, akpo li ti ala na sese na dawa ti mo, ala yeke su sese so ayeke na tere ti gere ti mo. Tongaso fade mo yeke hinga, mo tene: mbi yeke KOTA GBIA; azo so azia be ti ala na ndö ti mbi, kamene ayeke gbu le ti ala pepe.”

Ésaïe 56:8

Kota Gbia NZAPA so abongbi azo ti Israel so a gbu ala ando a gue na ala na kodro wande, tënë so lo tene ayeke so: “Mbi bongbi azo na tere ti ala awe, mbi yeke kiri ti bongbi ambeni zo na tere ti ala.”

Ésaïe 60:10

Jérusalem, fade awande ayeke kiri ti leke gbagba ti bira ti mo, agbia ti ala ayeke sara kua na mo. Lani ngonzo agbu mbi sioni si mbi pika mo, me fadeso, na lege ti nzoni be ti mbi, mbi yeke baa mawa ti mo.

Ésaïe 60:16

Fade mo yeke nyon ngu ti me ti bagara ti amara nde, mo yeke te anzoni ye ti agbia ti ala. Tongaso, fade mo yeke hinga, mo tene, mbi KOTA GBIA laa mbi yeke wasongo mo, wazingo mo, ngangu Nzapa ti Jacob.

Ésaïe 62:2

Fade amara nde ayeke baa so a zi mo polele, agbia kue ayeke baa gonda ti mo. A yeke mu fini iri na mo, KOTA GBIA laa ayeke di iri ni.

Ésaïe 66:12

Biani, tënë so KOTA GBIA atene ayeke so: “Baa, mbi yeke sara titene siriri aga ngbii asi na Jérusalem tongana *bale, mosoro ti amara nde aga na lo tongana ngu so asuku amu ndo kue. Fade mbi yeke bata ala tongana mama so ayeke mu me na molenge ti lo. Lo yo molenge ni na kate ti lo, lo yo lo na ndö ti gere ti lo si lo yeke sara ngia na lo.

Amos 9:12

Tongaso, atanga ti sese ti azo ti mara ti Edom na ti amara nde, sese so a di iri ti mbi daa so, fade azo ti Israel ayeke mu ni titene aga ti ala.” So tënë ti yanga ti *KOTA GBIA laa, lo so lo yeke sara aye ni so.

Zakarii 2:11

He, ala azo ti *Sion, ala londo, ala kpe, ala so aduti kâ na Babilone so!”

Matthieu 28:19

Tongaso, ala gue na ndo ti amara kue, ala sara si ala ga adisiple, ala batize ala na iri ti Babâ, ti Molenge na ti Yingo-Vuru;

Nzoni Tënë so Luc asu na mbeti 24:47

Na iri ti lo, fade azo ayeke fa Nzoni Tënë na amara kue, ti to nda ni na Jérusalem. Ala yeke tene na azo titene ala zia ngbene lege ti sarango ye ti ala, ala kiri na Nzapa si fade Nzapa azi siokpari na li ti ala.

Jean 12:32

Ti mbi, tongana a mu mbi na sese, a kanga mbi na nduzu, fade mbi yeke sara si azo kue aga na tere ti mbi.”

Awatokua 13:47

Biani, Kota Gbia amu yanga na e, atene: ‘Mbi sara si mo ga lumiere ti amara kue, tongaso si mo gue, mo fa na azo ti dunia kue tënë so alingbi ti sara si ala soo kuâ.’ ”

Awatokua 15:17

Tongaso, fade tanga ti azo kue ayeke gi *Kota Gbia, ala na amara so kue mbi iri ala ti ga azo ti mbi. Baa, tënë so Kota Gbia atene laa. Aye so lo sara,

Aye so Nzapa afa 11:15

Mbarambara *ange ni ahuru tatalita ti lo. Mbi ma akota go so alondo na yayu, atene: “Fadeso lengo-gbia ayeke ti *Kota Gbia ti e, lo na *Mesii ti lo; fade lo yeke le-gbia kpu na kpu!”

Aye so Nzapa afa 21:24

Amara nde ayeke tambula na ya ti lumiere ti lo, agbia ti sese ayeke ga na amosoro ti ala na ya ni.