Ésaïe 60:20 - Mbeti ti Nzapa - Tënë so amu fini

²⁰ Lâ ti mo ayeke kiri ti kui pepe, nze ti mo ayeke kiri ti linda pepe. Biani, mbi KOTA GBIA, mbi yeke ga lumiere ti mo lakue lakue; lango ti mo ti sarango mua ayeke hunzi.

Ésaïe 60:20 ပူးပေါင်းရင်းမြစ်များ

Abia (Psaumes) 27:1

Bia ti David. *KOTA GBIA ayeke lumiere ti mbi, lo yeke wasongo mbi na kuâ. Zo wa laa mbeto ti lo alingbi ti sara mbi, zo wa? KOTA GBIA laa ayeke bata fini ti mbi, lo yeke tongana kota gbagba na tere ti mbi. Zo wa laa mbi yeke do na mbeto na dawa ti lo, zo wa?

Abia (Psaumes) 84:11

Dutingo lango oko na ya ti gbagba ti kota da ti mo ayeke nzoni ahon dutingo lango saki oko na mbeni ndo nde. Ti mbi, mbi ye ti duti gi na yanga ti da ti Nzapa ahon ti sara kodro na da ti azo ti sioni.

Ésaïe 24:23

Le ti nze ayeke be na kamene, kamene ayeke gbu le ti lâ. Biani, KOTA GBIA so ayeke na ndö ti dunia kue, lo yeke duti gbia na Jérusalem nga na ndö ti hoto ti *Sion. Gonda ti lo ayeke za na dawa ti *akangba ti gbata ni.

Ésaïe 25:8

Lo yeke mingo kuâ biani biani. Kota Gbia NZAPA ayeke mbo ngu ti le ti azo kue; lo yeke zi kamene na le ti azo ti lo na ndö ti sese so kue. KOTA GBIA laa atene tënë so.

Ésaïe 30:19

Mo, zo ti *Sion, mo so mo yeke lango na Jérusalem, fade mo yeke kiri ti toto pepe. Tongana mo dekongo na lo, lo yeke sara nzoni be na mo. Gi so lo ma mo, lo yeke kiri tënë na mo.

Ésaïe 30:26

Na lango so KOTA GBIA ayeke kanga le ti ka ti azo ti lo si lo yeke sara titene ka ni amu, fade nze ayeke su tongana lâ, lumiere ti lâ ti lango oko ayeke lingbi na lumiere ti lâ ti lango mbarambara.

Ésaïe 35:10

Azo so KOTA GBIA ayeke zi ande ala, ala yeke mu lege ni so ti kiri. Na singo ti ala na *Sion, ala yeke dekongo na ngia. Ngia so ayeke hunzi laoko pepe, ayeke su na ndö ti le ti ala. Ngia so ahon ndoni ayeke si be ti ala singo, pasi na demango tere ayeke hon.

Ésaïe 51:11

Azo so KOTA GBIA azi ala, fade ala yeke kiri; ala yeke dekongo na ngia si ala yeke linda na ni na *Sion. Ngia so angba lakue lakue ayeke za na ndö ti le ti ala, nzerengo tere so asi singo ayeke duti na ala, pasi na demango tere ayeke kpe ti hon.

Ésaïe 60:1

Jérusalem, londo! Mo za tongana lumiere, ngbanga ti so lumiere ti mo ayeke ga, gonda ti *KOTA GBIA ayeke za na ndö ti mo.

Ésaïe 61:3

Ala yeke na mua ndali ti *Sion, me Nzapa atokua mbi ti zia na li ti ala ye ti pendere na plase ti mburu ti wâ; ti kpaka na tere ti ala mafuta so afa ngia ti ala, me afa mua pepe; ti yu na ala bongo ti matanga na plase ti be so awoko. Tongaso, a yeke haka ala na akeke so afa mbirimbiri ti Nzapa, a yeke haka ala na yaka so afa gonda ti KOTA GBIA.

Ésaïe 65:19

Mbi nga, mbi yeke duti na ngia ndali ti Jérusalem, ngia ayeke si singo na be ti mbi ndali ti azo ti mbi. Zo ayeke kiri ti ma toto pepe wala dekongo pepe.

Jérémie 31:12

Fade ala yeke ga, ala yeke dekongo na ngia na ndö ti hoto ti *Sion; yanga ti ala ayeke na ngia ti wara anzoni ye so KOTA GBIA ayeke mu na ala: ble, fini vin, mafuta, ataba, angasa na abagara. Fini ti ala ayeke duti tongana yaka so a tuku ngu daa; ala yeke kiri ti woko pepe.

Abia ti demango tere 5:21

KOTA GBIA, ayeke nzoni mo kiri na e na tere ti mo, fade e kiri, e ga nduru na mo. Mo kiri mo mu na e fini tongana ti so ando e yeke na ni so!

Amos 8:9

So tënë ti yanga ti Kota Gbia NZAPA laa: “Na lango ni so, mbi yeke sara si lâ alinda na bekombite si ndo avuko pitipiti na kota lâ.

Zakarii 14:7

Lango ni so ayeke duti mbeni lango so ayeke nde; KOTA GBIA laa ahinga lango ni so. Fade lâ ayeke kiri ti duti daa pepe, vukongo ndo ayeke kiri ti duti daa pepe; ataa na lakui, lumiere ayeke ngba ti za.

Aye so Nzapa afa 21:23

Gbata ni aku titene lâ wala nze asu na ya ni pepe, ngbanga ti so gonda ti Nzapa ayeke su na ya ni si Molenge ti Taba ayeke sara titene ndo ni avuru.

Aye so Nzapa afa 21:4

Lo yeke mbo ande ngu ti le ti ala kue. Fade kuâ, wala mua, wala toto wala pasi ayeke duti daa mbeni pepe, ngbanga ti so angbene ye kue ahon awe.”