Ésaïe 60:18 - Mbeti ti Nzapa - Tënë so amu fini

¹⁸ Fade azo ayeke kiri ti ma tënë ti sarango ngangu na zo na ya ti kodro ti mo pepe; azo ayeke kiri ti ma tënë ti bubango ye wala tënë ti kungbingo da na ya ti sese ti mo pepe. Me fade mo yeke di iri ti gbagba ti mo ti bira “Songo zo na kuâ”, mo yeke di iri ti ayanga ti gbagba ti mo “Sepelango Nzapa”.

Ésaïe 60:18 ပူးပေါင်းရင်းမြစ်များ

2 Samuel 7:10

Mbi yeke mu mbeni ndo na azo ti Israel, azo ti mbi; mbi yeke zia ala na ndo ni so titene ala duti daa si mbeni ye ayingi ala pepe, titene ambeni mara so ayeke na sioni pialo akiri ti sara ngangu na ala tongana ti kozoni pepe.

Abia (Psaumes) 147:14

Lo mu siriri na sese ti mo, lo mu na mo taa nzoni *ble alingbi na mo.

Ésaïe 11:9

Na ndö ti hoto so kue ayeke nde si ayeke nzoni kue, fade sioni ye na buba ye ayeke duti daa pepe, ngbanga ti so hingango KOTA GBIA ayeke si singo na ya ti kodro ni tongana ti so ngu asi singo na ya ti kota ngu-ingo.

Ésaïe 2:4

Lo yeke fâ ngbanga na popo ti amara nde, lo yeke leke tënë na popo ti amara gbani gbani. Amara ni ayeke mu ayongoro zeme ti ala ti sara na akpoka; ala yeke mu alikongo ti ala ti sara na azeme ti fango na ale ti kobe. Mbeni mara ayeke kiri ti mu yongoro zeme na tere ti mbeni mara pepe; azo ayeke kiri ti manda lege ti tiringo bira pepe.

Ésaïe 26:1

Na lango ni so, na kodro ti Juda, azo ayeke he bia so: “Gbata ti e ayeke ngangu gbata. *KOTA GBIA asara gbagba ti ya ni na gbagba ti use ni na tere ni ti bata na e.

Ésaïe 26:2

Alingbi ala zi ayanga ti gbagba ni si mara so ama yanga ti Nzapa, mara so asara ye alingbi na tënë ti lo, alingbi ti li na ya ti gbata ni.

Ésaïe 51:19

Aye ti mawa use so asi na mo awe: aye ti mo kue abuba si kpale ati na ndö ti mo; kota nzara na bira afâ azo ti mo. Zo wa laa ayeke dema mo, zo wa? Zo wa laa ayeke de be ti mo, zo wa?

Ésaïe 54:14

Sarango ye ti mbirimbiri ayeke sara si mo luti ngangu. Zo oko ti kiri ti sara ngangu na mo ayeke daa pepe, mbeto ayeke kiri ti sara mo pepe, zo oko ti kiri ti zia mbeto na be ti mo ayeke daa pepe. Mbeni ye ti zia kota mbeto na be ti mo ayeke si nduru na mo pepe.

Ésaïe 56:5

fade mbi yeke mu na ala mbeni ndo na ya ti kota da ti mbi, mbi yeke zia mbeni têne na tere ti dere ti da ni titene ala su iri ti ala na ndö ni; so ayeke duti nzoni ahon amolenge-koli na amolenge-wali. Iri so mbi yeke mu na ala ayeke ngba lakue lakue, mbeni ye ayeke zi ni oko pepe.”

Ésaïe 60:11

Ayanga ti gbagba ti mo ayeke ngba na zingo ni lakue. Na kota lâ wala na bi, a yeke kanga ni pepe. Tongaso, fade azo ayeke mu amosoro ti amara nde ti ga na ni na ndo ti mo; agbia ti ala ayeke ga molongo na molongo.

Ésaïe 60:17

Mbi yeke sara titene ala ga na lôro na plase ti bengba wen, ala ga na wen ti nginza na plase ti wen, ala ga na bengba wen na plase ti keke, ala ga na wen na plase ti têne. Mbi yeke sara titene siriri ale-gbia na ndö ti ala, mbirimbiri asara komandema na ndö ti ala.

Ésaïe 61:11

Tongana ti so sese asara si kobe asigigi, tongana ti so yaka asara si le ti kobe so a lu asigigi, legeoko nga, fade KOTA GBIA Nzapa ayeke sara titene mbirimbiri na sepelango lo asigigi na dawa ti amara kue.

Ésaïe 62:10

Azo ti Jérusalem, ala sigigi, ala sigigi hio na ya ti gbata ni! Ala gue, aleke lege na azo so ayeke kiri, ala kanga adu so ayeke na ndö ti alege, ala zi atêne na ndö ti alege ni, ala yo bendere na nduzu ndali ti azo ni.

Ésaïe 62:4

Azo ayeke kiri ti iri mo pepe, “Gbata so azo ado azia”, azo ayeke kiri ti di iri ti kodro ti mo pepe, “Sese so aga ngonda awe”. Me azo ayeke di iri ti mo, “Wali so mbi yeke wara ngia na lege ti lo”, azo ayeke di iri ti sese ti mo, “Wali ti koli”. Biani, fade KOTA GBIA ayeke wara ngia na lege ti mo si sese ti mo ayeke ga wali ti koli.

Ésaïe 62:7

Ala zia nga lo ti wu tere ti lo pepe, ngbii lo kiri lo leke Jérusalem si, ngbii lo sara titene Jérusalem aga ye ti gonda na ndö ti sese kue.”

Ezekiel 42:20

Lo haka gbagba so angoro kota da ti Nzapa mbage na mbage osio kue. Gbagba ti gigi ni, mbage na mbage ayo alingbi tere, ayo alingbi na keke ngbangbo oku ti hakango na ye. Gbagba so laa akangbi popo ti ye so a zia nde ndali ti Nzapa na ye so ayeke senge.

Mishe 4:3

Lo yeke fâ ngbanga na popo ti amara gbani gbani, lo yeke leke tënë na popo ti angangu mara, ngbii asi na ala so ayeke na yongoro ndo. Amara ni ayeke mu ayongoro zeme ti ala ti sara na akpoka; ala yeke mu alikongo ti ala ti sara na azeme ti fango na ale ti kobe. Mbeni mara ayeke kiri ti mu yongoro zeme na tere ti mbeni mara pepe; azo ayeke kiri ti manda lege ti tiringo bira pepe.

Sofonii 3:19

Na ngoi ni so, fade mbi yeke sara sioni na azo so kue asara ngangu na ala. Azo so awara ka, fade mbi yeke kanga le ti ka ti ala; azo so a gbu ala, a gue na ala na kodro wande, mbi yeke kiri ti bongbi ala na ndo oko. Fade mbi yeke sara titene azo ane ala si iri ti ala awu, amu ya ti akodro so kue a zia lani kamene na le ti ala daa.

Zakarii 2:5

Mbi yo le ti mbi na nduzu si na ya ti mbeni ye tongana bango-li, mbi kiri mbi baa mbeni koli so agbu kamba ti hakango na ye na maboko ti lo.

Zakarii 2:9

So tënë ti yanga ti *KOTA GBIA laa: ‘Ti mbi, fade mbi yeke duti daa; mbi yeke duti tongana ngangu gbagba ti wâ na tere ti gbata ni kue. Taa gi na ya ti gbata ni, mbi laa mbi yeke sara gonda ni.’ ”

Zakarii 9:8

Fade mbi yeke sara sanziri na tere ti kodro ti mbi kue, ti bata ni ndali ti aturugu so ayeke gue, ayeke ga; zo ti sarango ngangu oko ayeke kiri ti ga ti sara pasi na ala pepe, ngbanga ti so fadeso, mbi wani, mbi yeke baa ndo na ndö ti kodro ni.”