Ésaïe 60:17 - Mbeti ti Nzapa - Tënë so amu fini

¹⁷ Mbi yeke sara titene ala ga na lôro na plase ti bengba wen, ala ga na wen ti nginza na plase ti wen, ala ga na bengba wen na plase ti keke, ala ga na wen na plase ti têne. Mbi yeke sara titene siriri ale-gbia na ndö ti ala, mbirimbiri asara komandema na ndö ti ala.

Ésaïe 60:17 ပူးပေါင်းရင်းမြစ်များ

1 Agbia 6:30

A leke ndö ti sese ti akubu use kue ti kota da ni na lôro.

Abia (Psaumes) 147:14

Lo mu siriri na sese ti mo, lo mu na mo taa nzoni *ble alingbi na mo.

Abia (Psaumes) 72:3

Tongaso, fade akota hoto na akete hoto ayeke sara si azo awara nzoni duti.

Ésaïe 1:26

Mbi yeke kiri ti mu na mo awafango-ngbanga tongana ti ando; mbi yeke kiri ti mu na mo awamungo-wango tongana ti kozoni. Na pekoni, fade azo ayeke mu iri na mo, atene: ‘Gbata ti fango ngbanga ti mbirimbiri’, ‘Gbata so abata be ti lo Nzapa’.”

Ésaïe 30:26

Na lango so KOTA GBIA ayeke kanga le ti ka ti azo ti lo si lo yeke sara titene ka ni amu, fade nze ayeke su tongana lâ, lumiere ti lâ ti lango oko ayeke lingbi na lumiere ti lâ ti lango mbarambara.

Ésaïe 55:13

Keke ti sipre ayeke sigigi na plase ti keke ti ki, mirte ayeke sigigi na plase ti ki. Ye so ayeke si titene azo agonda KOTA GBIA. Ye so ayeke buba laoko pepe, ayeke ngba lakue lakue ti dabe ti ala na ye so mbi sara.

Ésaïe 60:16

Fade mo yeke nyon ngu ti me ti bagara ti amara nde, mo yeke te anzoni ye ti agbia ti ala. Tongaso, fade mo yeke hinga, mo tene, mbi KOTA GBIA laa mbi yeke wasongo mo, wazingo mo, ngangu Nzapa ti Jacob.

Ésaïe 60:18

Fade azo ayeke kiri ti ma tënë ti sarango ngangu na zo na ya ti kodro ti mo pepe; azo ayeke kiri ti ma tënë ti bubango ye wala tënë ti kungbingo da na ya ti sese ti mo pepe. Me fade mo yeke di iri ti gbagba ti mo ti bira “Songo zo na kuâ”, mo yeke di iri ti ayanga ti gbagba ti mo “Sepelango Nzapa”.

Daniel 11:20

Zo so ayeke ga gbia na peko ti lo ayeke tokua ande mbeni zo ti nzi aye ti pendere da ti kodro ni. Me lango kete na pekoni, a yeke fâ fini gbia ni; a yeke fâ lo na ngonzo pepe wala na ya ti bira pepe.’ ”

Aggée 2:8

Nginza ayeke ti mbi, lôro ayeke ti mbi; so tënë ti yanga ti KOTA GBIA so ayeke na ndö ti dunia kue laa.

Zakarii 12:8

Na lango ni so, fade KOTA GBIA ayeke bata azo ti Jérusalem: azo so ayeke na popo ti ala si ayeke na ngangu pepe, ala yeke ga azo ti ngangu tongana David. Ahale ti David ayeke duti na le ti azo ni tongana Nzapa, tongana *ange ti KOTA GBIA so ayeke tambula na dawa ti ala.

Ahebro 11:40

Biani, Nzapa aleke ndali ti e mbeni nzoni ye so ahon atanga ni. Ndani laa, lo ye titene ala ku si e na ala, e ga nzoni kue legeoko.

2 Pierre 3:13

Me e yeke ku fini yayu na fini sese so Nzapa amu zendo ni; fade sarango ye ti mbirimbiri laa ayeke duti kâ.