Ésaïe 60:13 - Mbeti ti Nzapa - Tënë so amu fini

¹³ Apendere keke so ayeke mu gonda na gbako ti Liban, akeke nde nde ti sarango na da a yeke ga na ndo ti mo; ayeke sara si ya ti kota da ti mbi so ayeke nde si ayeke nzoni kue aga pendere. Mbi yeke sara si ndo so mbi zia gere ti mbi daa awara gonda.

Ésaïe 60:13 ပူးပေါင်းရင်းမြစ်များ

1 Mbai 28:2

Gbia David aluti na nduzu si lo tene: “A-ita ti mbi, azo ti mbi, ala ma mbi! Mbi leke lani na be ti mbi ti sara da ti zia sanduku ti *mbuki ti *KOTA GBIA daa, so ti tene mbata so Nzapa ti e ayeke zia gere ti lo daa. Mbi leke aye ti sarango na da ni awe.

2 Mbai 2:15

Ti e, fade e yeke de akeke ti hoto ti Liban so kue be ti mo aye; e yeke kanga ni na gba ni, na gba ni si e yeke ga na ni na mo na le ti kota ngu-ingo ngbii asi na gbata ti Zafa. Kâ, mo yeke yo ni ti gue na ni na Jérusalem.”

Esdras 7:27

Esdras atene: “Mbi mu singila na *KOTA GBIA, Nzapa ti akotara ti e! Lo laa lo zia na be ti gbia titene lo ne kota da ti Nzapa ti Jérusalem.

Abia (Psaumes) 132:7

Ala ga, e gue na ya ti da ti KOTA GBIA, e kuku na dawa ti mbata ti gere ti lo, e voro lo.

Abia (Psaumes) 96:6

Gonda na nengo ti lo ti gbia ayeke na dawa ti lo, ngangu na gonda asi singo na ya ti kota da ti lo.

Abia (Psaumes) 99:5

Ala azo, ala mu iri ti KOTA GBIA Nzapa ti e na nduzu, ala kuku akpo li ti ala na sese na dawa ti mbata ti gere ti lo. – Biani, lo yeke nde si lo yeke nzoni kue!

Ésaïe 35:2

Ayeke nzoni akongo ni amu ndö ti sese ni. Ayeke nzoni sese ni ahuru na ngia, lo dodo na ngia si lo dekongo na ngia! *KOTA GBIA amu na lo pendere ti hoto ti Liban awe, zango ti hoto ti Karmel na ti lando ti Saron. Tongaso, azo ayeke baa gonda ti KOTA GBIA, ala yeke baa nga zango ti Nzapa ti e.

Ésaïe 55:13

Keke ti sipre ayeke sigigi na plase ti keke ti ki, mirte ayeke sigigi na plase ti ki. Ye so ayeke si titene azo agonda KOTA GBIA. Ye so ayeke buba laoko pepe, ayeke ngba lakue lakue ti dabe ti ala na ye so mbi sara.

Ésaïe 60:7

Angasa na ataba ti Kedar ayeke bongbi na ndo ti mo. Akoli-taba ti Nebayot ayeke ga ye ti kua ti mo. A yeke zia ala na ndö ti gbalaka ti KOTA GBIA, *sandaga tongaso laa ayeke nzere na lo. Sandaga ni ayeke mu nengo na kota da ti lo.

Ésaïe 66:1

Tënë so *KOTA GBIA atene ayeke so: “Yayu ayeke mbata ti mbi ti gbia, sese ayeke mbata so mbi yeke zia gere ti mbi na ndö ni. Mara ti da wa laa ala lingbi ti sara na mbi? Ndo wa laa mbi lingbi ti wu tere ti mbi daa?

Ezekiel 47:7

Tongana lo kiri na mbi awe, mbi baa gba ti akeke na yanga ti ngu ni mbage na mbage.