Ésaïe 60:10 - Mbeti ti Nzapa - Tënë so amu fini

¹⁰ Jérusalem, fade awande ayeke kiri ti leke gbagba ti bira ti mo, agbia ti ala ayeke sara kua na mo. Lani ngonzo agbu mbi sioni si mbi pika mo, me fadeso, na lege ti nzoni be ti mbi, mbi yeke baa mawa ti mo.

Ésaïe 60:10 ပူးပေါင်းရင်းမြစ်များ

Abia (Psaumes) 102:13

Me ti mo KOTA GBIA, mo yeke ngba gbia kpu na kpu si azo ti angoi kue ayeke dabe ti ala na mo.

Abia (Psaumes) 30:5

Ala azo ti KOTA GBIA, ala he bia ti gonda na lo; ala sepela lo, ala dabe ti ala so lo yeke nde si lo yeke nzoni kue.

Ésaïe 12:1

Na lango ni so, fade mo yeke tene: “*KOTA GBIA, mbi mu na mo singila, ngbanga ti so mo sara lani ngonzo na tere ti mbi, me ngonzo ni ade awe, mo de be ti mbi awe.

Ésaïe 49:23

Agbia ayeke ga ababâ ti batango ala, amolenge ti agbia ti wali ayeke ga amama ti batango ala. Agbia ni ayeke kuku, akpo li ti ala na sese na dawa ti mo, ala yeke su sese so ayeke na tere ti gere ti mo. Tongaso fade mo yeke hinga, mo tene: mbi yeke KOTA GBIA; azo so azia be ti ala na ndö ti mbi, kamene ayeke gbu le ti ala pepe.”

Ésaïe 56:6

Ti awande so amu tere ti ala na KOTA GBIA ti sara kua na lo, ti ye lo, ti ga azo ti kua ti lo, KOTA GBIA atene: “Ala so kue abata lango ti wungo tere, ala sara si lango ni aga sioni pepe, ala so agbu tënë ti mbuki ti mbi ngangu,

Ésaïe 60:3

Tongaso azo ti amara nde ayeke gue na mbage ti lumiere ti mo si agbia ayeke gue nga na mbage ti mo ndali ti vurungo ndo ti mo so ato nda ni.

Ésaïe 61:2

Lo tokua mbi ti tene na azo, atene: so ayeke ngu so KOTA GBIA ayeke sara nzoni be na ala; so ayeke lango so Nzapa ti e ayeke kiri peko ti sioni na awato ti lo. Lo tokua mbi ti de be ti azo so kue ayeke na vundu.

Ésaïe 61:5

Awande ayeke ga ti bata ataba na angasa ti ala; azo so alondo na kodro wande ayeke ga ti fâ yaka ti ala; ala fâ yaka ti *vinye ti ala.

Ésaïe 64:9

Agbata ti mo so ayeke nde si ayeke nzoni kue, zo oko ayeke daa mbeni pepe, *Sion aga benyama, Jérusalem aga ngonda.

Ésaïe 66:21

Ataa na popo ti amara ni, mbi yeke soro ambeni ti ga awayango-sandaga, mbi yeke soro ambeni ti ga tongana azo ti mara ti Lévi; tënë so KOTA GBIA atene laa.”

Joël 2:18

Yengo so *KOTA GBIA aye na kodro ti lo so agbu be ti lo mingi, lo baa mawa ti azo ti lo.

Zakarii 6:15

Azo so ayeke na yongoro ndo ayeke ga ande ti kiri ti leke kota da ti KOTA GBIA. Tongaso, fade ala yeke hinga atene, KOTA GBIA so ayeke na ndö ti dunia kue laa atokua mbi na ala. Ye ni ayeke si ande tongana ala ma yanga ti KOTA GBIA, Nzapa ti ala biani.

Aye so Nzapa afa 21:24

Amara nde ayeke tambula na ya ti lumiere ti lo, agbia ti sese ayeke ga na amosoro ti ala na ya ni.

Aye so Nzapa afa 21:26

A yeke mu amosoro na aye ti pendere ti amara nde ti ga na ni na ndo so.