Ésaïe 60:1 - Mbeti ti Nzapa - Tënë so amu fini

¹ Jérusalem, londo! Mo za tongana lumiere, ngbanga ti so lumiere ti mo ayeke ga, gonda ti *KOTA GBIA ayeke za na ndö ti mo.

Ésaïe 60:1 ပူးပေါင်းရင်းမြစ်များ

Abia (Psaumes) 102:16

Fade amara nde ayeke kpe mbeto ti KOTA GBIA, agbia ti sese kue ayeke kpe mbeto ti gonda ti mo.

Abia (Psaumes) 87:3

Mo gbata ti Nzapa, azo ayeke tene tënë ti gonda na ndö ti mo! Luti kete

Ésaïe 2:5

*Ahale ti Jacob, ala ga e tambula na ya ti lumiere ti KOTA GBIA!

Ésaïe 24:23

Le ti nze ayeke be na kamene, kamene ayeke gbu le ti lâ. Biani, KOTA GBIA so ayeke na ndö ti dunia kue, lo yeke duti gbia na Jérusalem nga na ndö ti hoto ti *Sion. Gonda ti lo ayeke za na dawa ti *akangba ti gbata ni.

Ésaïe 28:5

Na lango ni so, fade KOTA GBIA so ayeke na ndö ti dunia kue, lo wani, lo yeke ga tongana kpoto ti gbia so ayeke za zango, lo yeke ga tongana anzoni ye ti pendere ndali ti azo ti lo so angba na fini.

Ésaïe 35:2

Ayeke nzoni akongo ni amu ndö ti sese ni. Ayeke nzoni sese ni ahuru na ngia, lo dodo na ngia si lo dekongo na ngia! *KOTA GBIA amu na lo pendere ti hoto ti Liban awe, zango ti hoto ti Karmel na ti lando ti Saron. Tongaso, azo ayeke baa gonda ti KOTA GBIA, ala yeke baa nga zango ti Nzapa ti e.

Ésaïe 4:5

Na pekoni, lo yeke sara mbeni mbinda na kota lâ na ndö ti hoto ti Sion kue nga na ndö ti azo so kue ayeke bongbi na ndö ti hoto ni; lo yeke sara mbeni ngbongboro guru ti wâ so ayeke za na bi. Gonda ti KOTA GBIA ayeke duti na ndö ti aye ni kue.

Ésaïe 42:6

“Mbi KOTA GBIA laa mbi iri mo na lege ti mbirimbiri. Mbi gbu mo na maboko ti mo, mbi bata mo si mbi zia mo titene na lege ti mo, mbi na azo e ga *ambuki; mbi zia mo titene mo duti lumiere ti amara kue.

Ésaïe 58:8

Tongaso, fade lumiere ti mo ayeke za tongana lâ ti ndaperere, ka ti mo ayeke mu hio. Mbirimbiri ti mo ayeke tambula na dawa ti mo, gonda ti KOTA GBIA ayeke tambula na peko ti mo.

Ésaïe 62:1

*Sion, ndali ti so mbi ye mo, mbi yeke kanga yanga ti mbi pepe. Jérusalem, ndali ti so mbi ye mo, mbi yeke duti kpoo pepe, ngbii tënë ti zingo mo polele asigigi tongana sungo ti lâ ti ndaperere, tënë ti songo mo na kuâ aza tongana lamba.

Ésaïe 62:2

Fade amara nde ayeke baa so a zi mo polele, agbia kue ayeke baa gonda ti mo. A yeke mu fini iri na mo, KOTA GBIA laa ayeke di iri ni.

Ésaïe 66:11

Tongaso, fade lo yeke mu na ala ye so ayeke de be ti ala. Ala yeke duti tongana kete molenge so anyon me ti mama ti lo, ya ti lo asi, tongana kete molenge so agboto ngu ti me ti mama ti lo na ngia.

Ésaïe 9:2

*KOTA GBIA, mo sara si azo awara ngia mingi, mo sara si ngia ti ala asi singo. Ala sara ngia na dawa ti mo tongana ti so azo ayeke sara ngia na ngoi ti fango ale ti kobe; ala sara ngia tongana ti so azo ayeke dekongo na ngia na ngoi so azo ayeke kangbi aye so ala gbu na peko ti bira.

Ezekiel 43:4

Gonda ti KOTA GBIA aga ali na ya ti kota da ni na lege ti yanga ni so ayeke na mbage ti To.

Matthieu 4:16

Azo so aduti na ya ti vukongo ndo abaa kota lumiere! Ndo ahan na ndö ti azo so aduti ando na ya ti vukongo ndo, na kodro ti akuâ.”

Matthieu 5:16

Legeoko nga, alingbi lumiere ti ala aza na dawa ti azo kue. Tongaso, fade azo ni ayeke baa anzoni sarango ye ti ala si ala yeke gonda Babâ ti ala, azo ti mbi, so ayeke na yayu.

Nzoni Tënë so Luc asu na mbeti 2:32

Lo yeke lumiere so ayeke fa mo na azo ti amara kue; lo yeke gonda ti azo ti Israel so ayeke azo ti mo.”

Jean 1:9

Tënë ni ayeke taa lumiere so aga na ndö ti dunia so; lo za si zo oko oko abaa ndo polele.

Jean 12:46

Mbi so mbi yeke lumiere, mbi ga na ndö ti dunia so. Tongaso, zo so ama na be na mbi, lo yeke ngba na ya ti vukongo ndo pepe.

Jean 3:19

Nda ti ngbanga ni ayeke so: lumiere aga na ndö ti dunia so, me azo aye tënë ti lumiere ni pepe; ala ye gi tënë ti vukongo ndo, ngbanga ti so ye so ala yeke sara ayeke sioni.

Jean 8:12

Jésus akiri atene na gba ti azo ni, atene: “Mbi yeke lumiere ti dunia so. Zo so amu peko ti mbi, fade lo yeke tambula na ya ti vukongo ndo pepe, me lo yeke wara lumiere so ayeke mu fini na zo.”

Efeze 5:14

ngbanga ti so ye so a fa ni na gigi polele aga ye so ayeke na ya ti lumiere. Ndani laa, a tene: “Mo zingo, mo so mo yeke lango. Mo londo na popo ti akuâ, fade Christ aza lumiere ti lo na ndö ti mo.”

Efeze 5:8

Ando, ala yeke na ya ti vukongo ndo. Ndali ti so ala ga oko na *Kota Gbia, fadeso ala yeke na ya ti lumiere. Ayeke nzoni sarango ye ti ala ayeke tongana ti azo so ayeke na ya ti lumiere.

Filipe 2:15

Tongaso, fade ala yeke duti azo so tënë ayeke na li ti ala pepe, azo so ayeke nzoni kue, amolenge ti Nzapa so ayeke sioni pepe na popo ti azo ti fadeso so ayeke sioni si ayeke sara kirikiri. Na popo ti azo ni, ala yeke duti tongana wâ so ayeke za na dunia so.

1 Pierre 4:14

Ti ala nzoni, tongana azo ayeke zonga ala ndali ti iri ti Christ!Ti ala nzoni, ngbanga ti so Yingo ti gonda, so ti tene Yingo ti Nzapa, ayeke duti na ndö ti ala!

Aye so Nzapa afa 21:11

Gonda ti Nzapa ayeke za na ya ni. Zango ti ya ti gbata ni akpa zango ti têne ti ngangu ngere si akpa nga mbeni pendere têne so iri ni zaspe so zo ayeke baa ndo na ya ni kue.

Aye so Nzapa afa 21:23

Gbata ni aku titene lâ wala nze asu na ya ni pepe, ngbanga ti so gonda ti Nzapa ayeke su na ya ni si Molenge ti Taba ayeke sara titene ndo ni avuru.

Aye so Nzapa afa 22:5

Ndo ayeke kiri ti vuko na ndo ni so pepe, azo ayeke ku zango ti lamba wala sungo ti lâ ti baa ndo na ni pepe, ngbanga ti so *Kota Gbia Nzapa ayeke su na ndö ti ala. Ala yeke le-gbia kpu na kpu.