Ésaïe 6:6 - Mbeti ti Nzapa - Tënë so amu fini

⁶ Mbeni serafen oko amu wen ti gbungo na ye, agbu na le ti wâ so ayeke na ndö ti gbalaka. Serafen ni ahuru, aga na mbage ti mbi.

Ésaïe 6:6 ပူးပေါင်းရင်းမြစ်များ

Sigingo 25:38

Aye ti zingo na zende na tere ti ameshe ti lamba ni nga na akete sembe so a yeke tuku amburu ti wâ daa, fade ala yeke sara ni na lôro ti nzoni ni.

Ésaïe 6:2

Ambeni serafen aluti na nduzu na ndö ti lo. Serafen oko oko ayeke na *kpangi omene: akpangi use ayeke titene ala kanga na le ti ala, ambeni use ayeke titene ala kanga na agere ti ala si ambeni use ayeke titene ala huru na ni.

Jérémie 1:9

Na pekoni, KOTA GBIA ayoro maboko ti lo, lo ndu yanga ti mbi si lo tene: “Baa, mbi zia tënë ti mbi na yanga ti mo.

Ezekiel 10:2

Nzapa atene na koli so ayu bongo ti *len so, atene: “Mo li na popo ti aruu so ayeke na gbe ti asheruben ni, mo fu le ti wâ asi ya ti maboko ti mo, mo gue, mo tuku ni na ndö ti gbata ni.” Mbi baa koli ni na lingo na popo ti aruu ni.

Awayango-sandaga 16:12

lo yeke mu kete ta ti zongo na dukani so le ti wâ asi singo na ya ni; le ti wâ ni ayeke na ndö ti gbalaka so ayeke na dawa ti KOTA GBIA; lo yeke mu fuku ti dukani asi ya ti maboko ti lo fani use. Lo yeke gue na aye so kue na peko ti ridoo so akangbi ya ti da ni.

Matthieu 3:11

Ti mbi, mbi yeke batize ala na ngu ti fa na le ti azo so ala zia ngbene lege ti sarango ye ti ala awe; me lo so ayeke ga na peko ti mbi, fade lo yeke batize ala na Yingo-Vuru nga na wâ. Ngangu ti lo ahon ti mbi: mbi kpa zo ti zi poro ti gere ti lo pepe.

Awatokua 2:3

Ala baa ambeni ye so akpa amenga ti wâ asi; amenga ti wâ ni akangbi ya ti ala si aduti na li ti zo oko oko kue.

Ahebro 1:14

A-ange ayeke gi ayingo so ayeke sara kua na Nzapa: lo yeke tokua ala titene ala sara nzoni na azo so lo ye ti soo ala.

Ahebro 1:7

Tënë so Nzapa atene na ndö ti a-ange ayeke so: “Lo sara si a-ange ti lo aga tongana kota pupu; lo sara si azo ti kua ti lo aga tongana amenga ti wâ.”

Ahebro 13:10

E yeke na mbeni gbalaka so awayango-sandaga ti azuife alingbi ti te kobe ti sandaga na ndö ni pepe, ala so ayeke sara kua na ya ti da so azuife ayeke voro Nzapa daa.