Ésaïe 6:10 - Mbeti ti Nzapa - Tënë so amu fini

¹⁰ Mo sara si be ti azo ni akpengba, mo sara si mê ti ala na le ti ala akanga; mo sara si ala baa ndo pepe, ala ma ndo pepe. Tongaso si tënë ali be ti ala pepe, ala zia ngbene lege ti sarango ye ti ala pepe, ala kiri na mbi pepe si kobela ti ala akai pepe.”

Ésaïe 6:10 ပူးပေါင်းရင်းမြစ်များ

Abia (Psaumes) 119:70

Tënë ti ye oko agbu be ti azo ni pepe; me ti mbi, ndia ti mo anzere na mbi mingi.

Abia (Psaumes) 17:10

Ala yeke baa mawa ti zo pepe, tënë ti baba asi singo na yanga ti ala.

Abia (Psaumes) 69:23

Ayeke nzoni akobe ti matanga ti ala aga gbanda ndali ti ala, aga kuku ndali ti azo so ala tisa ala!

Sigingo 10:27

Me KOTA GBIA akpengba be ti Faraon si Faraon ake ti zia lege na azo ti Israel ti gue.

Sigingo 11:10

Biani, Moïse na Aaron asara aye ti dongo be so kue na le ti Faraon, me KOTA GBIA akpengba be ti lo si lo ke ti zia lege na azo ti Israel ti londo na kodro ti lo ti gue.

Sigingo 14:17

Ti mbi, mbi yeke sara titene be ti azo ti Ezipte akpengba si ala li na peko ti ala na ya ti kota ngu-ingo ni. Fade mbi yeke fa gonda ti mbi na ndö ti Faraon nga na ndö ti aturugu ti lo kue, apusu ti mbarata ti lo nga na azo ti kpengo na mbarata ti lo.

Sigingo 7:3

Ti mbi, mbi yeke sara si be ti Faraon akpengba; mbi yeke sara aye ti kpene na aye ti dongo be mingi na kodro ti Ezipte.

Amato 16:30

Zo so akanga le ti lo si lo te poro ti yanga ti lo titene lo leke na be ti lo ti sara sioni, andaa lo sara ni awe.

Zo ti bongbingo azo 3:3

Ngoi ti fango zo ayeke daa, ngoi ti kaingo kobela na tere ti zo ayeke daa; ngoi ti kungbingo da ayeke daa, ngoi ti sarango da ayeke daa.

Ésaïe 19:22

Tongaso, KOTA GBIA ayeke pika azo ti Ezipte. Lo yeke pika ala, me lo yeke kai kobela ti ala: fade ala yeke kiri na KOTA GBIA, lo yeke ma ala si lo yeke kai kobela ti ala.

Ésaïe 28:13

Ndani laa, fade KOTA GBIA ayeke tene na ala gi oko tënë so: “BA-BA, BABA, MA-MA, MAMA, GE, KÂ, GE, KÂ.” Tongaso, tongana ala yeke tambula, ala yeke ti na mbage ti peko ti ala si bio ti ala ayeke kungbi. Ala yeke ti na ya ti kuku si a yeke gbu ala.

Ésaïe 29:10

Biani, *KOTA GBIA asara si yingo ti kota lango aga na ndö ti ala. Lo kanga le ti awayanga-Nzapa ti ala, lo bi bongo na le ti azo ti bango nda ti aye ti ala.

Ésaïe 29:14

Ndani laa, fade mbi yeke ngba ti sara si li ti azo so akpe na lege ti aye ti dongo be. Fade a yeke buba ndara ti azo ti ndara, a yeke honde hingango ndo ti azo ti hingango ndo.”

Ésaïe 29:9

Li ti ala akpe, tënë ahunzi na yanga ti ala! Ala ga awaziba, ala ngba gi tongaso! Samba ahon ndö ti ala, me samba laa ala nyon pepe. Ala tambula kirikiri, me ngangu samba laa asara ala pepe.

Ésaïe 44:18

Azo ni so ahinga ye oko pepe, ala hinga ndo oko pepe. Biani, le ti ala na gbungo-li ti ala akanga awe, ala lingbi ti baa ndo pepe, ala lingbi ti hinga nda ti ye pepe.

Ésaïe 63:17

KOTA GBIA, mo zia e, e tambula kirikiri yongoro na lege ti mo ngbanga ti nyen? Mo sara si be ti e akpengba si e ke ti kpe mbeto ti mo ngbanga ti nyen? Ndali ti e, azo ti kua ti mo, amara so aga azo ti mo, kiri, mo ga!

Jérémie 17:9

“Be ti zo ayeke handa zo ahon tanga ti aye kue; zo alingbi ti kai kobela ni pepe. Zo wa laa alingbi ti hinga be ti zo?”

Jérémie 5:21

Ala ma tënë so, ala abuba zo so li ti ala ayeke daa pepe so. Ala yeke na le, me ala baa ndo pepe; ala yeke na mê, me ala ma ndo pepe.

Jérémie 6:10

Zo wa laa mbi yeke tene tënë na lo, zo wa? Zo wa laa mbi yeke gboto mê ti lo si lo ma mbi? A fâ mê ti ala na *ganza pepe, ala lingbi ti zia mê ti ala kpoo pepe. KOTA GBIA, ala yeke he tënë ti mo na ngia, tënë ti mo anzere na ala pepe.

Abia ti demango tere 3:65

Sara si ala kiri ahinga ndo pepe! Ayeke nzoni deba ti mo aga na ndö ti ala.

Zakarii 11:15

KOTA GBIA akiri atene na mbi: “Fadeso, mo sara tere ti mo tongana mbeni wabatango-taba so li ti lo ayeke daa pepe.

Zakarii 7:11

Me azo ni ake ti ma tënë ni; ala sara ngangu li, ala kanga mê ti ala titene ala ma ndo pepe.

Matthieu 13:15

Biani, be ti azo ni akpengba; ala kanga mê ti ala, ala kanga le ti ala titene ala baa ndo pepe, titene ala ma ndo pepe, titene ala ma ya ti atënë pepe si ala zia pepe ngbene lege ti sarango ye ti ala, tongaso si mbi kai kobela ti ala.’

Jean 12:40

“Nzapa asara si le ti ala akanga, lo sara si ala hinga ndo pepe. Tongaso si ala baa ndo pepe, ala hinga ndo pepe si ala zia ngbene lege ti sarango ye ti ala pepe. Tongaso si mbi kai kobela ti ala pepe.”

Awatokua 28:27

Biani, be ti azo so akpengba, ala kanga mê ti ala, ala kanga le ti ala titene ala baa ndo pepe si ala ma ndo pepe. Nilaa ala ma ya ti atënë pepe si ala zia ngbene lege ti sarango ye ti ala pepe, tongaso si mbi kai kobela ti ala pepe.’ ”

Awatokua 3:19

Tongaso, ala zia ngbene lege ti sarango ye ti ala, ala kiri na lege ti Nzapa, tongaso si lo zi siokpari ti ala.

2 Korente 2:16

Ti azo so ayeke girisa, fion ti yombo ni ayeke fion ti kuâ so ayeke sara titene zo akui. Ti azo so ayeke soo kuâ, fion ni ayeke fion ti fini so ayeke mu fini na zo. Me zo wa laa alingbi ti sara mara ti kua so?

Ndia ti fani use ni 2:30

Me Sihon, gbia ti Heshebon, ake titene e hon na ndo ti lo. Andaa KOTA GBIA Nzapa ti ala, azo ti Israel asara lani si li ti lo akpengba si be ti lo akpengba, tongaso si lo lingbi ti zia lo na maboko ti ala; nilaa ye ni asi lani tongaso.

Ndia ti fani use ni 29:3

Me ngbene ye ngbii asi laso, KOTA GBIA ade ti mu na ala hingango ndo pepe ti ma ya ti aye so asi. Lo de ti mu na ala le pepe ti baa na ndo; lo de nga ti mu na ala mê pepe ti ma na ndo.

Ndia ti fani use ni 29:4

Na ya ti ngu baleosio, KOTA GBIA atambula na ala na ya ti benyama. Bongo ti ala na poro ti ala aga gbagba ni pepe.

Ndia ti fani use ni 31:20

Biani, mbi yeke sara titene azo so ali na *sese so ngu ti me ti bagara na mafuta ti wotoro asi singo daa; sese so mbi deba yanga ti mbi ando ti mu na akotara ti ala. Fade ala yeke te kobe alingbi na ala si ala yeke kono mingi; na pekoni, ala yeke kiri na mbage ti anzapa nde, ala yeke voro ala. Ala yeke baa mbi tongana senge ye na le ti ala, ala yeke buba ya ti mbuki ti mbi na ala.

Ndia ti fani use ni 32:15

Tongaso Yeshurun ate kobe ti mafuta mingi, lo te kobe, ya ti lo asi, lo te kobe ti mafuta mingi, lo kono pendere, lo yeke na mafuta mingi. Na pekoni, lo zia Nzapa so asara lo, lo baa Kota Têne ti songo lo na kuâ tongana buba ye.