Ésaïe 6:1 - Mbeti ti Nzapa - Tënë so amu fini

¹ Na ngu so gbia Ozias akui, mbi baa Kota Gbia aduti na ndö ti mbata ti gbia so ayo na nduzu mingi. Yanga ti yongoro bongo ti lo asi ya ti kota da ti Nzapa kue.

Ésaïe 6:1 ပူးပေါင်းရင်းမြစ်များ

1 Agbia 22:19

Mishe atene: “Mo ma tënë so KOTA GBIA atene! Mbi baa KOTA GBIA aduti na ndö ti mbata ti lo ti gbia; ala so kue ayeke na yayu aluti na tere ti lo, ambeni na mbage ti maboko ti lo ti koli, ambeni na mbage ti maboko ti lo ti wali.

2 Agbia 15:7

Azaria akui, lo hon na peko ti ababâ ti lo si a lu lo na tere ti ababâ ti lo na Gbata ti David. Molenge ti lo Yotam laa aga gbia na peko ti lo.

2 Mbai 18:18

Mishe akiri atene: “Ala ma tënë so KOTA GBIA atene! Mbi baa KOTA GBIA aduti na ndö ti mbata ti lo ti gbia; ala so kue ayeke na yayu aluti, ambeni na mbage ti maboko ti lo ti koli, ambeni na mbage ti maboko ti lo ti wali.

Mbeti ti Job 42:5

Kozoni, mbi ma tënë ti mo mango, me fadeso, mbi baa mo na le ti mbi awe.

Abia (Psaumes) 108:5

ngbanga ti so nzoni be ti mo akono ahon yayu, batango tënë ti yanga ti mo so mo yeke bata ague ngbii asi na ambinda.

Abia (Psaumes) 113:5

Zo wa laa ayeke tongana KOTA GBIA, Nzapa ti e? Lo duti na nduzu kâ, na ndö ti mbata ti lo ti gbia,

Abia (Psaumes) 46:10

Lo kai abira ngbii asi na nda ti sese kue; lo fâ ya ti akokora, lo kungbi ya ti alikongo, lo gbi apusu ti mbarata ti bira.

Sigingo 24:9

Na pekoni, Moïse ama na li ti hoto, lo na Aaron, na Nadab, na Abihu nga na akangba ti Israel balembarambara.

Ésaïe 1:1

So ayeke tënë ti aye so Ésaïe, molenge ti Amoz abaa na ya ti mbeni ye tongana bango-li: aye ni ayeke na ndö ti kodro ti Juda nga na ndö ti gbata ti Jérusalem. Lo baa ni na ngoi so Ozias, Yotam, Ahaz na Ezekias ayeke agbia ti Juda.

Ésaïe 12:4

Na lango ni so, ala yeke tene: “Ala mu singila na KOTA GBIA, ala mu iri lo ti lo na nduzu! Ala tene na azo kue tënë ti akota ye so lo sara, ala dabe ti azo kue na iri ti lo so ayeke kota.

Ésaïe 57:15

Nzapa so ayeke na nduzu mingi, yongoro kâ, lo so ndo ti lo ayeke kpu na kpu, lo so iri ti lo ayeke nde si ayeke nzoni kue, tënë so lo tene ayeke so: “Mbi Nzapa so mbi yeke nde si mbi yeke nzoni kue, mbi yeke na nduzu mingi. Me mbi yeke na azo so a nika ala awe nga na azo so asara tere ti ala kete. Mbi yeke mu ngangu na be ti azo so asara tere ti ala kete; mbi yeke kiri fini na azo so a nika ala awe.

Ésaïe 66:1

Tënë so *KOTA GBIA atene ayeke so: “Yayu ayeke mbata ti mbi ti gbia, sese ayeke mbata so mbi yeke zia gere ti mbi na ndö ni. Mara ti da wa laa ala lingbi ti sara na mbi? Ndo wa laa mbi lingbi ti wu tere ti mbi daa?

Ezekiel 1:1

Na lango oku ti nze osio ti ngu baleota ni, mbi yeke na tere ti *bale ti Kebar na popo ti azuife so a gbu ala si a gue na ala na kodro wande. Yayu azi si na ya ti ambeni ye tongana bango-li, Nzapa afa na mbi ambeni ye.

Ezekiel 10:1

Mbi baa ndo: na ndö ti ye so akpa le ti nduzu si ayeke na li ti *asheruben, mbeni ye ayeke daa tongana têne ti safir, ye ni akpa mbata ti gbia.

Ezekiel 10:4

Gonda ti *KOTA GBIA alondo na ndö ti asheruben ni si ayeke gue na mbage ti yanga ti kota da ni. Tongaso mbinda asi ya ti kota da ni kue si zango ti gonda ti KOTA GBIA asi ya ti gbagba ni kue.

Daniel 10:17

Mbi yeke gi senge zo ti kua ti babâ. Mbi lingbi ti tene tënë na zo tongana mo so tongana nyen? Baa fadeso, mbi yeke na ngangu pepe si pupu ti ya ti mbi ayeke nga daa pepe!’

Daniel 7:9

“So mbi ngba ti baa ndo, a zia ambata ti gbia si mbeni mbakoro aga aduti na ndö ti mbeni oko: bongo ti lo avuru tongana tukia; kua ti li ti lo avuru tongana kua ti tere ti taba so zende oko ayeke daa pepe. Mbata ti lo aza tongana menga ti wâ; agere ti mbata ni ayeke tongana wâ so aza mingi.

Wungo ti azo 12:8

Mbi yeke tene tënë na lo le na le, na hondengo ni pepe. Mbi yeke fa tere ti mbi na lo si lo yeke baa limo ti mbi. Ngbanga ti nyen laa ala kasa Moïse, zo ti kua ti mbi so?”

Matthieu 25:31

“Na ndembe so *Molenge ti Zo ayeke ga ande na ya ti gonda ti lo na *a-ange ti lo kue na tere ti lo, lo yeke duti na ndö ti mbata ti lo ti gbia so ayeke mbata ti gonda.

Jean 1:18

Zo ade ti baa Nzapa laoko pepe; me gi oko Molenge ni so ayeke Nzapa si lo yeke nduru na tere ti Nzapa Babâ, lo laa lo fa Nzapa na azo titene ala hinga lo.

Jean 12:41

Ésaïe atene ando tënë so, ngbanga ti so lo baa gonda ti Jésus si lo tene tënë ti lo.

1 Timothée 6:16

Lo yeke gi oko Nzapa so ayeke na fini lakue lakue, lo yeke duti na ndo so aza zango, zo alingbi ti si na ndo ni so pepe. Mbeni zo ade ti baa lo pepe, zo alingbi ti baa nga lo pepe. Gonda na ngangu so ayeke ngba kpu na kpu ayeke ti lo! Amen.

Aye so Nzapa afa 15:8

Ya ti kota da ti Nzapa asi na guru ti wâ ndali ti gonda ti Nzapa na ngangu ti lo. Zo oko alingbi ti li na ya ti kota da ni pepe, ngbii aye ti sioni mbarambara so a-ange aga na ni so ahunzi si.

Aye so Nzapa afa 20:11

Na pekoni, mbi kiri mbi baa mbeni kota vuru mbata ti gbia. Mbi baa nga lo so ayeke duti na ndö ni so. Sese na yayu alondo na dawa ti lo, akpe ahon, a kiri a baa ala mbeni pepe.

Aye so Nzapa afa 3:21

“Zo so aso benda, fade mbi yeke mu na lo lege ti duti na tere ti mbi, na ndö ti mbata ti mbi ti gbia, tongana ti so mbi so benda si mbi duti na tere ti Babâ ti mbi na ndö ti mbata ti lo ti gbia so.

Aye so Nzapa afa 4:10

So ala he bia ni, akangba baleuse na osio akuku na gbe ti lo so ayeke duti na ndö ti mbata ti gbia ni so. Ala yeke voro lo so lo yeke na fini si ala yeke tuku akpoto ti gbia ti ala na gbe ti lo, ala tene:

Aye so Nzapa afa 4:2

Gi hio tongaso, Yingo-Vuru agbu mbi si mbi baa mbeni mbata ti gbia na yayu, mbeni zo ayeke duti na ndö ni.

Aye so Nzapa afa 4:3

Tere ti lo ayeke za tongana atêne so iri ni zaspe na sardoane. Mbeni *kongö angoro tere ti mbata ti gbia ni. Zango ti kongö ni akpa zango ti mbeni têne so iri ni emerode.

Aye so Nzapa afa 4:9

Aye osio so ayeke na fini so ayeke he bia ti gonda, ti ne, ti mu singila na lo so aduti na ndö ti mbata ti gbia si lo yeke na fini kpu na kpu so.

Aye so Nzapa afa 5:1

Mbi baa mbeni mbeti so a rule ni rulengo; mbeti ni ayeke na maboko ti koli so aduti na ndö ti mbata ti gbia so. A su mbeti na ya ni nga na peko ni kue, a zia *anzoroko mbarambara na ndö ni ti kanga na ni.

Aye so Nzapa afa 5:7

Molenge ti Taba ni ague, lo mu mbeti ni na maboko ti lo so aduti na ndö ti mbata ti gbia; mbeti ni ayeke na maboko ti lo ti koli.

Aye so Nzapa afa 6:16

Ala tene na ahoto na atêne ni, atene: “Ala ti na ndö ti e. Ala honde e si lo so lo yeke duti na ndö ti mbata ti gbia so abaa e pepe, tongaso si e kpe ngonzo ti Molenge ti Taba so!