Ésaïe 59:5 - Mbeti ti Nzapa - Tënë so amu fini

^5-6 Sarango ye ti ala ayeke sioni tongana para ti sioni ngbo: tongana zo ate para ni, lo yeke kui; tongana a fâ ya ni, sioni ngbo laa ayeke sigigi daa. Akamba so ala yeke leke akpa akamba so mbeni tere aleke ti sara na gbanda ti lo; zo alingbi ti sara ni na bongo pepe, wala ti yu ni pepe. Akamba ni ayeke ga gi na kpale. Kua ti ala ayeke ti sara ngangu na zo.

Ésaïe 59:5 ပူးပေါင်းရင်းမြစ်များ

Mbeti ti Job 8:14

Ye so lo zia be ti lo daa, ya ni afâ awe; ye so lo luti na ndö ni ayeke kamba ti tere.

Amato 23:32

Me na ndani, ayeke te mo tongana ngbo si ayeke kpo mo tongana sioni ngbo.

Ésaïe 14:29

Ala azo ti Filistii kue, keke so lani ayeke pika ala, ya ni afâ awe; me alingbi tere ti ala anzere ndali ni pepe. Biani, fade mbeni sioni ngbo ayeke sigigi na ya ti ngbo so akui awe; na ya ti para ti sioni ngbo ni, mbeni sioni nyama so akpa ngunde si ayeke huru hurungo na le ti nduzu ayeke sigigi.

Ésaïe 34:15

Na ndo so laa ngbo ayeke sara du ti lo, lo yeke du apara ti lo, lo yeke lango na ndö ni ngbii lo zi ni, lo yeke bata amolenge ni na gbe ti lo. Na ndo so nga, *angoalo ayeke bongbi tere.

Matthieu 12:34

Ala asioni mara ti ngbo! Ala yeke tene anzoni tënë ngbanga ti nyen, so ala wani ayeke asioni zo so? Ye so asi singo na be ti zo laa ayeke sigigi na lege ti tënë ti yanga ti lo.

Matthieu 3:7

So Jean abaa gba ti *afarizien na *asadusien ayeke ga na tere ti lo titene ala wara bateme, lo tene na ala: “Ala, asioni mara ti ngbo! Zo wa laa afa na ala lege ti kpe ngonzo ti Nzapa so ayeke ga so?