Ésaïe 59:17 - Mbeti ti Nzapa - Tënë so amu fini

¹⁷ Lo kanga mbirimbiri na tere ti lo tongana kazaka ti wen, lo mu songo zo na kuâ tongana kpoto ti wen, lo mu kiringo na peko ti sioni na zo tongana bongo so lo yu, lo mu ngangu ti lo ti tiringo na bira tongana kota bongo ti de.

Ésaïe 59:17 ပူးပေါင်းရင်းမြစ်များ

Mbeti ti Job 29:14

Sarango ye ti mbirimbiri ayeke tongana bongo ti mbi ti yungo ni; sarango ye na legeni ayeke tongana kota bongo ti de, wala kpoto ti yungo ni.

Abia (Psaumes) 69:9

Mbi ga tongana wande ndali ti a-ita ti mbi, tongana zo so azo ti sewa ti lo ahinga lo pepe.

Abia (Psaumes) 94:1

*KOTA GBIA, Nzapa so ayeke kiri peko ti sioni na zo! Nzapa, mo so mo yeke kiri peko ti sioni na zo, fa tere ti mo na le ti azo!

Ésaïe 11:5

Fade sarango ye ti mbirimbiri ayeke duti tongana kamba ti ndö ti bongo ti lo, sarango ye lakue na legeni ayeke duti tongana kamba so lo kanga na ngbonda ti lo.

Ésaïe 26:11

KOTA GBIA, mo yo maboko ti mo na nduzu ti pika ala, me ala baa ni pepe. Fade ala yeke baa so mo yeke na nzara mingi ti sara na azo ti mo, tongaso kamene ayeke gbu le ti ala. Wâ so a leke ndali ti awato ti mo ayeke gbi azo ni.

Ésaïe 37:32

Biani, tanga ti azo so angba na fini ayeke sigigi na Jérusalem, azo so awara lege ti kpe ayeke londo na ndö ti hoto ti *Sion.” Baa, ye so *KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Ésaïe 42:13

KOTA GBIA ayeke sigigi tongana kpengba turugu; lo yeke tongana zo ti tiringo bira so nzara ti tiringo bira ayeke kporo kporongo na be ti lo. Lo dekongo ti bira, lo dekongo ngangu si lo hon ndö ti awato ti lo.

Ésaïe 51:9

Zingo, zingo hio si! Maboko ti *KOTA GBIA, mo fa ngangu ti mo! Zingo tongana ti so mo sara ando, tongana ti so mo sara na ngoi ti azo ti giriri. Mo laa mo fâ ando Rahab pepe? Mo laa mo kpo ando kota sioni nyama so akpa ngunde so pepe?

Ésaïe 63:15

*KOTA GBIA, na yayu kâ, zi le ti mo, mo baa ndo. Na pendere ndo ti mo so ayeke nde si ayeke nzoni kue, baa ye so asi na e: ndoye so ayeke gbi be ti mo tongana wâ ndali ti e, ayeke na ndo wa? Ngangu ti mo ayeke na ndo wa? Mo ke ti baa mawa ti e, mo ke ti sara nzoni be na e awe?

Ésaïe 63:2

“Bengba ye ayeke na tere ti bongo ti mo ngbanga ti nyen? Abongo ti mo akpa abongo ti zo so ayeke pete ale ti *vinye na ya ti du ngbanga ti nyen?”

Ésaïe 63:3

“Biani, gi mbi oko laa mbi pete ale ti vinye na ya ti du. Na popo ti amara kue, zo oko ayeke na tere ti mbi pepe. Tongaso, na ya ti ngonzo ti mbi, mbi do ala na gbe ti gere ti mbi, na ya ti sioni ngonzo ti mbi, mbi nika ala. Nilaa mene ti ala ati na tere ti abongo ti mbi si abuba abongo ti mbi ni.

Ésaïe 9:7

*KOTA GBIA atokua mbeni tënë na tere ti azo ti Jacob, tënë ni ati na ndö ti Israel.

Ezekiel 5:13

Le ti mbi ayeke be na tere ti ala si ngonzo ti mbi ti wâ ayeke tuku na ndö ti ala ngbii be ti mbi ade si. Mbi yeke kiri na ala peko ti sioni so ala sara. Tongaso, fade ala yeke hinga atene, mbi KOTA GBIA laa mbi tene tënë na ala; mbi kanga be ti mbi na ala gbaa ndali ti so ala bata tere ti ala na mbi pepe. Ndani laa, mbi yeke tuku ngonzo ti mbi ti wâ na ndö ti ala ngbii be ti mbi ade si.

Zakarii 1:14

*Ange so ayeke tene tënë na mbi so ahunda na mbi ti tene tënë ti *KOTA GBIA so ayeke na ndö ti dunia kue so na azo, atene: “Mbi yeke sara mbanda ti Jérusalem na ti hoto ti *Sion mingi.

Jean 2:17

Adisiple ti lo adabe ti ala na tënë so Mbeti ti Nzapa atene: “Nzapa, fade nzara ti da ti mo ayeke gbi mbi tongana wâ.”

2 Korente 6:7

na lege ti taa-tënë so e yeke fa nga na lege ti ngangu ti Nzapa. Ye ti bira ti e na ye ti batango tere ti e ayeke sarango ye so ayeke mbirimbiri.

Efeze 6:14

Ala luti na nduzu! Ala kanga taa-tënë tongana kamba ti ndö ti bongo ti ala; ala yu sarango ye ti mbirimbiri tongana kazaka ti wen;

Efeze 6:17

Ala mu songo so Nzapa asoo ala tongana kpoto ti wen ti batango na li ti ala. Ala mu nga tënë ti Nzapa tongana yongoro zeme so Yingo amu na ala.

1 Tesalonike 5:8

Me e so e yeke azo ti kota lâ, alingbi e sara ye ahon ndoni pepe, me na legeni. Alingbi mabe na ndoye aga tongana kazaka ti wen so e yeke yu na kate ti e, ye so e zia be ti e ti ku ti soo kuâ aga tongana kpoto ti wen na li ti e.

2 Tesalonike 1:8

lo yeke ga ande na ya ti menga ti wâ. Biani, azo so ahinga Nzapa pepe si ala ke Nzoni Tënë ti Kota Gbia ti e Jésus so, lo yeke kiri na peko ti sioni ti ala na ala.

Ahebro 10:30

E hinga lo so atene: “Mbi laa mbi yeke kiri sioni na zo so asara sioni; fade zo ni ayeke wara ye ti peko ti sioni so lo sara.” Lo kiri lo tene: “Fade *Kota Gbia ayeke fâ ngbanga ti azo ti lo.”

Aye so Nzapa afa 19:11

Na pekoni, mbi baa yanga ti yayu azi si mbeni vuru mbarata ayeke daa; iri ti lo so aduti na ndö ti mbarata ni ayeke “Zo ti batango tënë ti yanga ti lo” nga na “Zo ti tenengo taa-tënë.” Lo yeke fâ ngbanga na legeni si lo yeke tiri bira na lege ti mbirimbiri.