Ésaïe 59:14 - Mbeti ti Nzapa - Tënë so amu fini

¹⁴ Ndani laa sarango ye na legeni akiri na peko, fango ngbanga ti mbirimbiri ayeke yongoro. Na be ti kodro, tenengo taa-tënë ati na sese, sarango ye na legeni ayeke daa mbeni pepe.

Ésaïe 59:14 ပူးပေါင်းရင်းမြစ်များ

1 Agbia 21:10

Ala zia agodobe use na dawa ti Nabot titene ala bi tënë na li ti lo, atene: ‘Mo zonga Nzapa, mo zonga nga gbia ti kodro!’ Na pekoni, fade ala sigigi na lo na ya ti gbata ni, ala bo lo na têne titene lo kui!”

1 Agbia 21:11

Akangba na akota zo ti gbata ti Yizreel asara ye alingbi gi na yanga so Yezabel amu na ala na ya ti ambeti so lo tokua na ala so.

Abia (Psaumes) 119:150

Azo so ayeke tumba peko ti ye ti sioni ayeke ga nduru na mbi; ala yeke yongoro na ndia ti mo.

Zo ti bongbingo azo 3:16

Mbi kiri mbi baa ndo na ndö ti sese so: na ndo so a yeke fâ ngbanga daa, sarango ye ti sioni ayeke daa; na ndo so mbirimbiri alingbi ti duti daa, sarango ye ti sioni ayeke daa.

Ésaïe 1:21

So nyen! Gbata so lani azo ayeke bata tënë ti Nzapa daa so, asara tongana nyen si aga tongana wali-ndumba so? Lani na ya ti gbata ni, azo ayeke sara ye na legeni, ala yeke fâ ngbanga ti mbirimbiri. Me fadeso, gbata ni asi singo na azo ti fango zo!

Ésaïe 46:12

Ala azo ti kpengbango be, ala so angba yongoro na tere ti ye so ayeke mbirimbiri so, ala ma mbi!

Ésaïe 5:23

Tongana a pete goro na ala, ala yeke zi zo so tënë ayeke na li ti lo, zo so tënë ayeke na li ti lo pepe, ala yeke ke titene a fâ ngbanga ti lo na legeni.

Ésaïe 5:7

Andaa yaka ti vinye ti *KOTA GBIA, lo so lo yeke na ndö ti dunia kue, ayeke azo ti Israel. Azo ti mara ti Juda laa ayeke ye so lo lu si lo ye ni mingi. Lo ku fade titene azo ni afâ ngbanga na legeni, me ala fâ ngbanga ti mbana kirikiri. Lo ku fade titene azo ni asara ye alingbi na ndia, me gi dekongo ti azo ti mawa laa mo yeke ma.

Ésaïe 59:11

E kue, e yeke toto tongana *a-urse, e yeke dema tongana *ambipa. E zia fade be ti e ti ku titene Nzapa asara nzoni ye, me ye oko pepe. E yeke ku fade titene Nzapa asoo e, me lo ngba yongoro na e.

Ésaïe 59:4

Tënë so ala gue na ni na le ti ngbanga, ayeke na legeni pepe; ala yeke gbu koko ti azo na lege ti taa-tënë pepe. Ala yeke luti na ndö ti ye so ayeke ye oko pepe, ala yeke tene atënë ti mvene; ala yeke mu ngo ti ye ti sioni si ala yeke du ye ti kirikiri.

Ésaïe 59:9

Ndani laa Nzapa asara nzoni ye ndali ti e pepe si lo fâ ya ti ngbanga ti e pepe. E zia fade be ti e ti ku lumiere, me e yeke na ya ti vukongo ndo. E yeke ku fade sigingo ti lâ, me e yeke tambula na ya ti vukongo ndo so avuko pitipiti.

Jérémie 5:31

awayanga-Nzapa ayeke tene peko ti atënë ti mvene; awayango-sandaga ayeke gi ti wara aye ndali ti ala wani si azo ti mbi ayeda na sarango aye tongaso. Na ndani, fade ala yeke sara nyen?”

Jérémie 7:28

Tongaso, fade mo yeke tene na ala, mo tene: Ala yeke azo ti mara so ama yanga ti KOTA GBIA, Nzapa ti ala pepe; ala ke ti ma wango. Taa-tënë ayeke mbeni pepe; zo ti tenengo taa-tënë ayeke daa mbeni pepe.”

Daniel 8:12

Ndali ti sioni sarango ye so, a zia aturugu ti yayu ni legeoko na sandaga so ayeke mu na ya ti lango oko oko na maboko ti didi ni. Mbirimbiri lege ti vorongo Nzapa, didi ni abuba ni kue. Ye so kue didi ni ayeke sara aga nzoni na lo.

Osée 7:1

si mbi ye ti kai kobela ti Israel, sioni ti Efraim na sioni sarango ye ti azo ti Samarii ayeke sigigi polele. Azo ayeke handa amba ti ala ti mu ye ti ala, azo ti nzi ayeke li na ya ti da ti nzi ye ti azo, asioni zo amu ndö ti alege kue.

Amos 5:11

Ala yeke sara ngangu na azo ti mawa, ala yeke gbu ale ti kobe ti azo ni na ngangu. Ndani laa apendere da so ala sara na têne so, fade ala yeke lango na ya ni pepe; anzoni vinye so ala lu so, fade ala yeke nyon vin ni pepe.

Amos 5:7

Ala sara si sarango ye na lege ti ndia aga tongana sioni yoro ti fango zo, ala yeke do na sese fango ngbanga ti mbirimbiri.

Amos 6:12

Laoko ambarata akpe loro na ndö ti akota têne? Laoko zo afâ yaka na abagara na ndö ti akota têne? Me ti ala, ala sara si sarango ye na lege ti ndia aga sioni yoro; ala sara si fango ngbanga ti mbirimbiri aga sioni yoro ti fango zo.

Habakuk 1:4

Ndani laa azo ayeke sara ye alingbi na ndia pepe, ala yeke fâ ngbanga na lege ti ndia pepe. Zo ti sioni ayeke hon ndö ti zo ti mbirimbiri, awafango-ngbanga ayeke fâ ngbanga kirikiri.