Ésaïe 59:11 - Mbeti ti Nzapa - Tënë so amu fini

¹¹ E kue, e yeke toto tongana *a-urse, e yeke dema tongana *ambipa. E zia fade be ti e ti ku titene Nzapa asara nzoni ye, me ye oko pepe. E yeke ku fade titene Nzapa asoo e, me lo ngba yongoro na e.

Ésaïe 59:11 ပူးပေါင်းရင်းမြစ်များ

Abia (Psaumes) 119:150

Azo so ayeke tumba peko ti ye ti sioni ayeke ga nduru na mbi; ala yeke yongoro na ndia ti mo.

Abia (Psaumes) 119:155

Ayeke ngangu na azo ti sioni ti soo kuâ, ngbanga ti so ala yeke gi lege ti ambela ti mo pepe.

Abia (Psaumes) 38:8

Biani, ya ti tere ti mbi kue amu wâ, ya ti tere ti mbi kue gi na songo ni.

Abia (Psaumes) 55:2

Nzapa, dingi mê ti mo, mo ma sambela ti mbi; tongana mbi dema tere ti mbi na mo, mo honde tere ti mo pepe.

Abia (Psaumes) 85:9

Mbi ye ti ma tënë so KOTA GBIA Nzapa atene: lo tene tënë ti siriri na azo ti lo, na azo ti lo ti nzoni be. Me ayeke nzoni ala kiri asara ye ti buba ti ala pepe.

Ésaïe 38:14

Mbi dekongo tongana hirondele so ayeke huru mbage na mbage, mbi toto tongana *mbipa. Le ti mbi awoko kue na bango ndo na nduzu na mbage ti mo. KOTA GBIA, ye ahon ndö ti mbi awe, ga, mo mu maboko na mbi!

Ésaïe 51:20

Amolenge ti mo alango na sese na ndö ti alege kue. Ala yeke tongana atagba so ati na ya ti gbanda, ala ngba na ya ni, me ala lingbi ti sara ye oko pepe; ala yeke na gbe ti ngonzo ti KOTA GBIA, Nzapa ti mo abe le na ala.

Ésaïe 59:14

Ndani laa sarango ye na legeni akiri na peko, fango ngbanga ti mbirimbiri ayeke yongoro. Na be ti kodro, tenengo taa-tënë ati na sese, sarango ye na legeni ayeke daa mbeni pepe.

Ésaïe 59:8

Ala hinga lege ti dutingo na siriri pepe; na ndö ti lege so ala hon daa, sarango ye ti mbirimbiri ayeke daa pepe. Ala sara si alege ti ala aba bango, zo so kue atambula na ndö ti lege ni, lo yeke duti na siriri pepe.

Ésaïe 59:9

Ndani laa Nzapa asara nzoni ye ndali ti e pepe si lo fâ ya ti ngbanga ti e pepe. E zia fade be ti e ti ku lumiere, me e yeke na ya ti vukongo ndo. E yeke ku fade sigingo ti lâ, me e yeke tambula na ya ti vukongo ndo so avuko pitipiti.

Jérémie 8:15

E yeke ku fade titene e duti na siriri, me mbeni nzoni ye oko ayeke daa pepe. E yeke ku fade mbeni ngoi titene kobela ti e akai, me gi kota mbeto laa aga.

Jérémie 9:1

Tongana a mu na mbi fade mbeni ndo ti azo ti lege kâ na benyama titene mbi lango daa, ka mbi yeke zia azo ti kodro ti mbi, mbi hon yongoro na tere ti ala! Ala kue ayeke azo ti gingo akoli wala awali ti azo; ala ayeke bongbi ti azo so ake Nzapa awe.

Abia ti demango tere 3:17

Lo sara si siriri akpe mbi biani; mbi girisa anzerengo ye ti dunia kue awe.

Ezekiel 7:16

Azo so ayeke ngba na fini ayeke kpe ti gue na li ti ahoto. Tongana ti so *ambipa ti apopo-hoto so ayeke dema, zo oko oko ayeke dema ndali ti sioni ti lo.

Osée 7:14

Tongana ala yeke dekongo na mbi, ala yeke sara ni na be ti ala kue pepe. Me na ndö ti gbogbo ti ala, ala yeke dema, ala yeke suru tere ti ala na ka ti wara kobe na fini vin. Na sarango ye tongaso, ala yeke hon yongoro na tere ti mbi.

Nahum 2:7

Gi hio tongaso, awato akungbi ayanga ti gbagba so ayeke na tere ti ngu so awe; yangbo ti gbia ati awe!

Nahum 2:8

Ala gbu nzapa-wali ti gbata ni, ala mu lo ahon na lo; awali so ayeke sara kua na lo, ala yeke dema tere ti ala tongana ambipa; ala zia maboko na ndö ti go ti fa mawa ti ala.