Ésaïe 59:10 - Mbeti ti Nzapa - Tënë so amu fini

¹⁰ E yeke tatara ndo si e yeke tambula na tere ti dere ti da tongana azo so le ti ala akanga. E yeke tatara ndo tongana azo so le ti ala ayeke daa pepe. Na kota lâ, e ye ti ti, mo baa mo tene, e yeke tambula na bi. E yeke na seni, me e kpa gi akuâ.

Ésaïe 59:10 ပူးပေါင်းရင်းမြစ်များ

Mbeti ti Job 5:14

Na kota lâ, ala tengbi na vukongo ndo; na bekombite, ala yeke tatara ndo, mo baa mo tene, bi laa.

Amato 4:19

Me lege ti dutingo ti azo ti sioni ayeke tongana bi so avuko pitipiti. Ye so ala pika gere ti ala daa ti ti, ala baa ni pepe.

Ésaïe 28:13

Ndani laa, fade KOTA GBIA ayeke tene na ala gi oko tënë so: “BA-BA, BABA, MA-MA, MAMA, GE, KÂ, GE, KÂ.” Tongaso, tongana ala yeke tambula, ala yeke ti na mbage ti peko ti ala si bio ti ala ayeke kungbi. Ala yeke ti na ya ti kuku si a yeke gbu ala.

Ésaïe 8:14

Ndali ti akodro-gbia use ti Israel, lo yeke duti ndo so a zia ni nde ndali ti Nzapa, lo yeke duti têne so azo ayeke pika gere ti ala daa, kota têne so ayeke sara titene azo ati, gbanda na kuku ndali ti azo so alango na Jérusalem.

Ésaïe 8:15

Ndali ti lo, azo mingi aye ti ti, ala yeke ti si ya ti tere ti ala ayeke kungbi. Ala yeke ti na ya ti kuku si kuku ni ayeke gbu ala.”

Jérémie 13:16

Ala gonda KOTA GBIA, Nzapa ti ala kozo titene lo tokua vukongo ndo, kozo titene ala pika gere ti ala na li ti ahoto so ndo avuko daa. Ala yeke ku vurungo ndo, me KOTA GBIA asara si vurungo ndo ni aga ndo so avuko pitipiti; lo sara si aga vuko mbinda.

Abia ti demango tere 3:6

Lo zia mbi, mbi lango na ya ti vukongo ndo tongana akuâ so akui ando aninga awe.

Abia ti demango tere 4:14

Tongana awaziba, ala yeke fono gi kirikiri na ndö ti alege. Mene so atuku asara si ala ga *sioni; a ke na zo ti ndu bongo ti ala.

Ezekiel 21:15

A kpaka yanga ni ti fâ na azo kue, yanga ni aza ti bi wâ ti bekpa. Tongaso, fade tere ti e ayeke nzere? Keke ti komandema ti molenge ti mbi abaa akeke kue tongana mbumbuse ye.

Amos 8:9

So tënë ti yanga ti Kota Gbia NZAPA laa: “Na lango ni so, mbi yeke sara si lâ alinda na bekombite si ndo avuko pitipiti na kota lâ.

Mishe 3:6

Ndani laa, ala awayanga-Nzapa, fade ndo ayeke vuko na ndö ti ala, ala yeke kiri ti baa ye na ya ti mbeni ye tongana bango-li pepe. Ti ala, ndo ayeke vuko pitipiti na ndö ti ala si aye so ayeke si ande, ala yeke kiri ti hinga ni pepe. Fade lâ ayeke kui na ndö ti awayanga-Nzapa ni si na kota lâ, ndo ayeke vuko na ndö ti ala.”

Jean 12:35

Jésus atene na ala: “Lumiere ade na popo ti ala ndali ti kete ngoi. Ayeke nzoni ala tambula na ndembe so lumiere ni ayeke na tere ti ala, tongaso si vukongo ndo awara ala pepe, ngbanga ti so zo so atambula na ya ti vukongo ndo ahinga ndo so lo yeke gue daa pepe.

Jean 12:40

“Nzapa asara si le ti ala akanga, lo sara si ala hinga ndo pepe. Tongaso si ala baa ndo pepe, ala hinga ndo pepe si ala zia ngbene lege ti sarango ye ti ala pepe. Tongaso si mbi kai kobela ti ala pepe.”

Ndia ti fani use ni 28:29

Taa na bekombite, fade ala yeke tatara ndo tatarango tongana ti so awaziba ayeke tatara ndo. Aye so kue ala yeke sara ayeke ga nzoni oko pepe; lakue, azo ayeke sara gi ngangu na ala, azo ni ayeke nzi aye ti ala; zo oko ti ga ti soo ala ayeke daa pepe.

1 Jean 2:11

Me zo so be ti lo ake ita ti lo, andaa lo yeke na ya ti vukongo ndo; lo yeke tambula na ya ti vukongo ndo, lo hinga ndo so lo yeke gue daa pepe, ngbanga ti so vukongo ndo ni avuko le ti lo awe.