Ésaïe 59:1 - Mbeti ti Nzapa - Tënë so amu fini

¹ Ala baa atene, maboko ti *KOTA GBIA ayeke nduru ti soo ala? Mê ti lo akanga ti ma ala? Ên-en!

Ésaïe 59:1 ပူးပေါင်းရင်းမြစ်များ

Tongo nda ti aye 18:14

Mbeni ye ti kpene so KOTA GBIA alingbi ti sara pepe ayeke daa? Na ngu ti peko, gi na mara ti ngoi so e yeke daa so, na ndembe so mbi yeke kiri ti ga ge, Sara adu molenge-koli awe.”

Abia (Psaumes) 94:9

KOTA GBIA so aleke mê so, lo lingbi ti ma ndo pepe? Lo so lo sara le so, lo lingbi ti baa ndo pepe?

Ésaïe 50:1

Tënë so *KOTA GBIA atene ayeke so: “Ala tene: mbi tumba Jérusalem, mama ti ala. Me mbeti ti kangbingo tere ni ayeke na ndo wa? Ala fa ni na mbi! Ala tene nga: mbi ka ala na ngbaa ti futa boon na li ti mbi; zo wa laa mbi ka ala na lo, zo wa? Tongana a ka ala, ayeke ndali ti sioni ti ala; tongana a tumba mama ti ala, ayeke ndali ti ngangu li ti ala.

Ésaïe 50:2

Mbi ga, mbi wara zo oko pepe, ngbanga ti nyen? Mbi iri ndo, zo oko ayeda pepe, ngbanga ti nyen? Maboko ti mbi ayeke nduru mingi titene mbi zi ala? Ngangu laa atia mbi titene mbi soo ala? Gi so mbi suku, kota ngu-ingo ahole; mbi sara si *abale aga kuru sese. Ndali ti so ngu ayeke daa pepe, asusu ayeke kui nzara ti ngu si ala yeke fun.

Ésaïe 58:9

Na ndembe so mo yeke iri ndo, KOTA GBIA ayeke yeda; na ndembe so mo yeke dekongo, lo yeke tene: “Mbi laa!” Tongana mo zi zuge na ya ti kodro ti mo, tongana mo zia ti yoro maboko na le ti azo, tongana mo zia ti tene sioni tënë na iri ti azo,

Ésaïe 6:10

Mo sara si be ti azo ni akpengba, mo sara si mê ti ala na le ti ala akanga; mo sara si ala baa ndo pepe, ala ma ndo pepe. Tongaso si tënë ali be ti ala pepe, ala zia ngbene lege ti sarango ye ti ala pepe, ala kiri na mbi pepe si kobela ti ala akai pepe.”

Ésaïe 63:1

Zo wa laa alondo na Edom, na li-kodro ti Bosra si lo yeke ga, abengba ye ayeke na tere ti bongo ti lo so? Lo yu kota bongo, lo suku kate ti lo si lo yeke tambula, lo hinga lo tene, ni yeke na ngangu. *KOTA GBIA atene: “Mbi laa! Mbi yeke ga ti fâ ngbanga mbirimbiri, mbi yeke na ngangu ti soo ala.”

Ésaïe 65:24

Kozo titene ala di iri ti mbi, mbi, mbi yeke kiri tënë na ala; tënë angba ngbango na yanga ti ala, mbi ma ala awe.

Jérémie 14:9

Ngbanga ti nyen si mo yeke sara ye tongana koli pepe so? Ngbanga ti nyen si mo yeke sara ye tongana mbeni ngangu koli so alingbi fade ti soo azo, me lo soo ala pepe so? Andaa KOTA GBIA, mo yeke na popo ti e, a zia e nde ndali ti mo awe; mo zia e pepe!”

Jérémie 32:17

“Ae Kota Gbia NZAPA, mo laa mo sara yayu na sese na lege ti kota ngangu ti mo, na lege ti maboko ti mo so mo yoro. Mbeni ye so ayeke ngangu na mo ayeke daa pepe.

Ezekiel 8:18

Mbi nga, fade mbi yeke sara ye na ala na lege ti ngonzo ti mbi ti wâ. Mbi yeke baa mawa ti ala pepe, mbi yeke zia zo oko pepe. Ataa ala dekongo na mbi na kota go, mbi yeke ma ala pepe.”

Mishe 2:7

Mo baa ti mo, mo tene, a deba azo ti Israel awe? *KOTA GBIA azia ti kanga be ti lo awe? Lo yeke sara ka ye tongaso?” Ti mbi, tënë ti mbi ayeke sara nzoni na zo so ayeke sara ye mbirimbiri.

Wungo ti azo 11:23

KOTA GBIA akiri tënë na Moïse: “Ngangu ti mbi alingbi ti sara ye tongaso pepe? Mo ku, mo baa wala tënë so mbi tene na mo ayeke ga taa-tënë wala ayeke ga taa-tënë pepe!”

Matthieu 13:15

Biani, be ti azo ni akpengba; ala kanga mê ti ala, ala kanga le ti ala titene ala baa ndo pepe, titene ala ma ndo pepe, titene ala ma ya ti atënë pepe si ala zia pepe ngbene lege ti sarango ye ti ala, tongaso si mbi kai kobela ti ala.’

Ahebro 7:25

Ndani laa, azo so ayeke ga nduru na Nzapa na lege ti lo, lo yeke na ngangu ti soo ala biani biani, ngbanga ti so lo yeke ngba na fini lakue lakue ti sambela ndali ti ala.

1 Samuel 4:3

Aturugu ti Israel akiri na ya ti bâbâ ti ala si *akangba atene: “Ngbanga ti nyen laa *KOTA GBIA azia lege na azo ti Filistii ti fâ e laso tongaso? E gue na Silo, e mu sanduku ti *mbuki ti KOTA GBIA, e ga na ni. Tongaso si KOTA GBIA aduti na popo ti e si lo zi e na maboko ti awato ti e.”

1 Samuel 8:18

Na lango ni so, ala yeke dekongo ndali ti gbia so ala wani asoro lo. Me KOTA GBIA ayeke kiri tënë na ala oko pepe.”