Ésaïe 58:7 - Mbeti ti Nzapa - Tënë so amu fini

⁷ ti kangbi kobe ti mo na zo so nzara ayeke sara lo, ti mu ndo ti lango na azo ti mawa so da ti li ti ala ayeke daa pepe, ti mu bongo na azo so bongo atia ala; ayeke nga titene mo zia peko ti mo pepe na taa ita ti mo.”

Ésaïe 58:7 ပူးပေါင်းရင်းမြစ်များ

Tongo nda ti aye 19:14

Lot asigigi, atene na akogara ti lo so aye ti mu amolenge ti lo ti wali so, atene: “Ala londo na gbata so, ala sigigi, ngbanga ti so KOTA GBIA ayeke buba gbata ni.” Me akogara ti lo abaa ti ala atene, so tënë ti ngia laa.

Tongo nda ti aye 19:2

Lo tene: “Mbi gbu gere ti ala, akota zo! Ayeke nzoni ala ga na da ti mbi, ala sukula gere ti ala, ala lango. Kekereke na ndaperere, ala mu lege ahon senge.” Ala kiri tënë na lo, atene: “Ên-en! E yeke lango gi na be ti kodro na ndo so.”

2 Mbai 28:15

Na pekoni, azo so a di iri ti ala ndali ti kua ni, ague ti de be ti azo ti kanga ni. Na popo ti aye so ala gbu na peko ti bira, ala mu abongo na aporo ti mu na azo so ayeke na ni pepe. Ala mu na ala kobe ti tengo ni nga na ye ti nyongo ni, ala kanga le ti ka ti azo so awara ka. Azo so kue alingbi ti tambula pepe, ala zia ala na ndö ti alele si ague na ala ngbii asi na Jéricho, gbata ti Amburu, na tere ti a-ita ti ala, azo ti Juda. Na pekoni, ala kiri na Samarii.

Néhémie 5:5

Andaa e na azo ni kue, e yeke mara oko! Amolenge ti e na amolenge ti ala ayeke legeoko! Me ti e, a gbu e na ngangu titene e mu amolenge ti e ti koli na ti wali na ngbaa; ambeni molenge ti e ti wali aga nga angbaa ni awe. E yeke wara ti e ngangu na ndo wa ti kanga lege na ye ni, so ayaka ti e nga na ayaka ti vinye ti e aga ti azo ni awe so!”

Mbeti ti Job 22:7

Zo so nzara ti ngu asara lo, mo yeke mu ka na lo ngu ti nyongo ni pepe; zo so nzara asara lo, mo yeke ke ti mu na lo kobe.

Abia (Psaumes) 112:9

Lo mu ye mingi na azo ti mawa; mbirimbiri ti lo angba kpu na kpu. Fade ngangu ti lo na gonda ti lo ayeke gue guengo na nduzu.

Amato 11:17

Zo so asara nzoni be na azo, lo sara nzoni na lo wani; me zo so asara ngangu na azo, lo sara sioni na lo wani.

Amato 22:9

Zo so ayeke sara nzoni be na azo, fade tufa ayeke ga na ndö ti lo, ngbanga ti so lo mu kobe na awayere.

Amato 24:11

Azo so a fâ ngbanga ti kuâ na li ti ala, mo zi ala na ya ti kuâ ni; azo so a gboto ala ti gue na ala ti fâ ala senge senge, mo soo ala.

Amato 25:21

Tongana nzara asara wato ti mo, mo mu na lo kobe lo te; tongana nzara ti ngu asara lo, mo mu na lo ngu, lo nyon.

Amato 28:27

Zo so ayeke mu ye na awayere, fade ye ayeke tia lo pepe; me zo so ayeke baa ndo na ala pepe, azo mingi ayeke deba lo.

Ésaïe 58:10

tongana mo mu kobe ti mo wani na zo so nzara ayeke sara lo, tongana mo mu kobe ti tengo ni na azo ti mawa, fade lumiere ti mo ayeke za na ya ti vukongo ndo, vukongo ndo ti mo ayeke ga tongana lâ ti bekombite.

Jérémie 22:3

Tënë so KOTA GBIA atene ayeke so: Ayeke nzoni ala sara ye mbirimbiri si ala baa lege ti fango ngbanga mbirimbiri. Ala zi azo so a yeke te ala na mbana na maboko ti azo so ayeke sara ngangu na azo. Awande, anyindu nga na awali-mua, ala sara pasi na ala pepe, ala sara ngangu na azo ni pepe. Azo so tënë ayeke na li ti ala pepe so, ala tuku mene ti ala na ndo so pepe!

Ezekiel 18:16

Lo yeke sara ngangu na zo pepe; ye so lo gbu na maboko ti zo ndali ti yongo ti lo, lo yeke gbanzi ni pepe; lo yeke nzi ye ti zo pepe, lo yeke mu kobe ti lo na zo so nzara asara lo, lo yeke mu bongo na zo so bongo atia lo.

Ezekiel 18:7

Lo yeke sara ngangu na zo pepe; tongana lo gbu ye ti zo ndali ti yongo ti lo so ayeke na li ti zo ni, lo yeke kiri na ni; lo yeke nzi ye ti zo pepe, lo yeke mu kobe na zo so nzara asara lo, lo yeke mu bongo na zo so bongo atia lo.

Daniel 4:27

Lo mu tënë si lo tene: “So Babilone pepe? Kota gbata so mbi sara ni titene aga ndo ti lango ti gbia so! Mbi sara ni na lege ti ngangu ti mbi ti gbia. Mbi sara ni titene azo agonda iri ti mbi.”

Nzoni Tënë so Luc asu na mbeti 11:41

Ala mu na azo ti mawa ye so ayeke na ya ti akopo na asembe ti ala. Tongaso si aye kue ayeke ga ande *nzoni ndali ti ala.

Nzoni Tënë so Luc asu na mbeti 19:8

Me Zachée aluti na le ti *Kota Gbia si lo tene: “Kota Gbia, baa, mbi yeke mu ndambo ti aye ti mbi kue na azo ti mawa. Tongana mbi nzi nginza ti zo na mayere, fade mbi yeke kiri ni na lo lege osio!”

Nzoni Tënë so Luc asu na mbeti 3:11

Lo kiri tënë na ala, lo tene: “Zo so ayeke na bongo use, ayeke nzoni lo mu mbeni oko na zo so ayeke na ni pepe. Zo so ayeke na ye ti tengo ni, ayeke nzoni lo mu mbeni na zo so ayeke na ni pepe.”

Awatokua 16:15

Na peko ti so lo na azo ti da ti lo awara bateme, lo iri e, lo tene: “Tongana ala baa so mbi ma na be na Kota Gbia biani, ala ga, alango na ya ti da ti mbi.” Lo voro e ngbii si e yeda.

Awatokua 16:34

Tongaso lo mu Paul na Silas, lo gue na ala na da ti lo si lo mu na ala kobe ti te. Be ti lo na azo ti sewa ti lo kue asi na ngia, ngbanga ti so ala ma na be na Nzapa.

Rome 12:13

Ala mu maboko na azo ti Nzapa so ye atia ala, ala yamba agene nzoni.

Ndia ti fani use ni 22:1

Moïse atene: Mbeni ye tongaso alingbi nga ti si: mbeni lâ, mo zo ti Israel, mo baa bagara, wala taba wala ngasa ti mba ti mo so agirisa si ayeke fono kirikiri, mo zia lo, mo hon pepe; me alingbi mo mu lo, mo kiri na lo na mba ti mo ni.

1 Timothée 5:10

Alingbi azo ahinga lo ndali ti nzoni sarango ye ti lo: lo bata amolenge ti lo nzoni, lo yamba azo so aga na da ti lo nzoni, lo sukula gere ti azo ti Nzapa, lo mu maboko na azo so ayeke na ya ti pasi si lo mu ngangu ti lo ti sara anzoni ye nde nde.

Philémon 1:7

Ita ti mbi, so mbi ma tënë ti yengo so mo ye na azo, ngia asi be ti mbi si be ti mbi ade. Ye so mo sara so amu ngangu na be ti azo ti Nzapa.

Awafango-ngbanga 9:2

“Ala gue, ahunda akota zo ti gbata ti Sishem, atene: ‘Ala ye titene zo oko laa aduti na ndö ti ala? Wala ala ye titene amolenge balembarambara ti Yerubaal kue laa aduti na ndö ti ala? Ayeke nzoni ala dabe ti ala atene, mbi yeke mene ti ala!’ ”