Ésaïe 58:3 - Mbeti ti Nzapa - Tënë so amu fini

³ Me ala tene na mbi, atene: ‘So mo yeke baa e pepe so, e yeke ke kobe ngbanga ti nyen? So mo hinga tënë ni pepe so, e yeke kanga nzara ti ya ti e ngbanga ti nyen?’ Tongaso, mbi kiri tënë, mbi tene: Andaa na lango so ala ke kobe, ala yeke sara akua so ala yeke baa nzoni na peko ni, ala yeke sara ngangu na azo ti kua ti ala,

Ésaïe 58:3 ပူးပေါင်းရင်းမြစ်များ

Esdras 8:21

Kâ na tere ti ngu ti Ahava, mbi mu yanga titene e ke kobe, e sara tere ti e kete na gbe ti Nzapa. Tongaso si e, na asewa ti e, e hunda na lo ti sara si tambula ti e ague nzoni si ye asara akungba ti e pepe.

Néhémie 5:7

Tongaso mbi leke na be ti mbi ti suku na akota zo nga na amakonzi. Mbi tene na ala, mbi tene: “Ala yeke sara boon na a-ita ti ala si ala yeke hunda titene a-ita ti ala ni azia mbeni ye na ndö ni si akiri na ni na ala?” Na pekoni, mbi tisa azo ni na ya ti mbeni kota bongbi.

Mbeti ti Job 34:9

Biani, lo tene: “Zo so asara ye ti zia ngia na be ti Nzapa, nyen laa lo yeke wara na peko ni, nyen?”

Abia (Psaumes) 69:10

Biani, nzara ti da ti mo agbi mbi tongana wâ, zongango so azo azonga mo ati na ndö ti mbi.

Amato 28:9

Zo so akanga mê ti lo ti ma atënë ti Ndia, ataa sambela ti lo, be ti KOTA GBIA ayeke ke ni.

Ésaïe 22:12

Na lango ni so, Kota Gbia, NZAPA so ayeke na ndö ti dunia kue, airi ala ti toto, ti dema tere, ti kio kua ti li ti ala, ti yu bongo ti mua.

Ésaïe 22:13

Andaa ala yeke dodo, ala yeke sara ngia: ala fâ abagara, ala fâ ataba, ala te nyama, ala nyon vin. Ala tene: “E te, e nyon, ngbanga ti so kekereke, e yeke kui.”

Ésaïe 47:6

Mbi sara lani ngonzo na tere ti azo ti mbi. Tongaso mbi zia kamene na le ti azo so ayeke ti mbi si mbi zia ala na maboko ti mo. Me mo baa mawa ti ala oko pepe, mo sara si komandema ti mo ane tongana *zuge na ndö ti ambakoro.

Awayango-sandaga 16:29

“So ayeke mbeni ndia so ayeke ngba kpu na kpu ndali ti ala: na lango baleoko ti nze mbarambara ni, fade ala yeke ke kobe ti sambela, ala yeke sara kua oko pepe, ataa ala azo ti Israel, ataa awande so aduti na popo ti ala.

Awayango-sandaga 16:31

Lango ni so ayeke *lango ti wungo tere, lango so ala yeke wu tere ti ala si ala yeke ke kobe. Ndia so ayeke ngba kpu na kpu.

Awayango-sandaga 23:27

“Na lango baleoko ti nze mbarambara ni, fade a yeke duti kota lango ti zingo siokpari na li ti azo. Ala yeke bongbi ti voro mbi, ala yeke ke kobe si ala yeke ya na mbi asandaga so a yeke zö ni kue na wâ.

Malashii 3:14

Ala tene: ‘E yeke sara kua ti Nzapa gi senge senge. E sara ye alingbi na tënë ti yanga ti lo, e sara mua na dawa ti KOTA GBIA so ayeke na ndö ti dunia kue; nyen laa e wara na peko ni, nyen?

Wungo ti azo 23:4

Nzapa aga awara Balaam si Balaam atene na lo: “Mbi leke gbalaka mbarambara, mbi ya koli-bagara oko na koli-taba oko na ndö ti gbalaka ni oko oko.”

Nzoni Tënë so Luc asu na mbeti 15:29

Me lo tene na Babâ ti lo: ‘Baa, mbi sara kua na mo ngu mingi; laoko mbi ke yanga ti mo pepe. Me laoko mo mu na mbi mbeni molenge ti ngasa pepe titene mbi fâ ti sara na matanga na amba ti mbi so mbi na ala e ye tere.